1 Akorintiyu 10:17 - Hapari Zooshapweya

¹⁷ Wiiya ewaapho phaawu moote paasi, fweeyo, niiyiyeeyo awaatta, na mwiili mmote, maana fooshi ninja phaawu moote paasi.

1 Akorintiyu 10:17 Mawu Ofanana

Arooma 12:5

Etthiipo theenya fweeyo niiyiyeeyo awaatta, naretteya wiiya mwiili mmote khwa Al-Masiihu, na wakhula phantte yaluttana na phantte kiina zaya zooshi.

1 Akorintiyu 10:21

Khinretteya mweeyo onywela jiikira ya Mbwana na onywela jiikira ya majini; mwihirette phantte ya meeza a Mbwana na meeza a majini.

1 Akorintiyu 12:12

Apho, nkhama etthiipo mwiili wiiyiyeeyo etthu moote, weeyanaru pure kifunko zawaatta, na kifunko zooshi enretta mwiili mmote paasi, na fweeyo pi etthiipo khwa Al-Masiihu.

1 Akorintiyu 12:27

Maana, mweeyo mwa mwiili wa Al-Masiihu, wakhula mmote wa mweeyo, kifunko ya mwiili otthuupo.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Ayeefezu 4:16

Ye ti arettisiyeeyo yoori mwiili wiiye wookusanyeya saaneene, na phantte zooshi zipharaane khwa okusanyiwa vamote. Na khwa etthiipo, wakhula phantte ekholaka khaazi yooshapweya, na mwiili wooshi onwula na onjitaphula nkatthi wa pheta.

Ayeefezu 4:25

Nakataalikha, wakhula mmote wa mweeyo mwina yoolikha ohata, mwisala mwittakhula haakhi na azeenu, maana fooshi na a mwiili mmote.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Akoloosu 2:19

Ntthu nkhama toowo attuwanana Al-Masiihu otule eeyiyeeyo eeshwa, khwa ethiito mwiili wooshi, onleliwaaye na onkusanyiwaaye khwa phantte zoofwarikhana, entana owula Nluku aninkhaaye.

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.

Akoloosu 3:15

Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.