1 Akorintiyu 10:13 - Hapari Zooshapweya

¹³ Ozayiniwa wuupatthiyeenini mweeyo pi otthuupo oniwapatthaaye atthu ooshi. Na Nluku ti wa waamineya; ye khanteela olikhelela yoori mweeyo mwiiye ozayiniwa khwa khiima ya ohiwahi ovilela. Ila amana mwizayiniwaka, ye oniwinkhani nanna ya kiphenyo yoori mweeyo mwiwahi ovilela.

1 Akorintiyu 10:13 Mawu Ofanana

Olaawo 3:17

Miiyo kaahiti wuulazanimo nhukhumu za amisuri kiweettaneni nti wa akanaani, wa ahiiti, wa amoori wa aperizi wa amwiivi na wa ayepuzi nti oniittikhaaye leethi na asali.’

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Luuka 11:4

Oniswaamihi twampi zeetthu, nkhama etthiipi na fweeyo nininswaamihaaye wakhula otule annikosaaye. Ohinilikhelele nizayiniwaka.”

Luuka 16:26

Olikha eto, vakatthi veetthu yatthiiwavo khilintti khuluyeene ehinlokheyaaye ntthu olankha okhuno ataaka okho wala okho ataaka okhuno.’

Luuka 22:46

Khuwoozela araka: “Mwinlala ni? Mwilankhe mwilompe yoori mwihikwele muuzayiniwa.”

Khaazi 27:44

Akina arina ya ojuusuru akholaka thaapwa akina akhole vitthu kiina za pankaya. Ti nanna noosurukhiyeezo fooshi fweeyo mpakha ofiya vathi.

1 Akorintiyu 1:9

Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

2 Akorintiyu 1:10

Ye anitaphula na onrutela onitaphula khwa ajali ya ofwa, othuuto nanpwehela nroromelo eetthu yoori onvira anitaphulaka.

1 Atizaloonika 5:24

Otule anuukhuwelanini ti wa waamineya na onteela oretta epoza zaya.

2 Atizaloonika 3:3

Ila Mbwana tu wa waamineya; ye ontta wuukhomaazani na wuuthokorelani khwa ntakhali.

2 Timootiyu 4:18

Mbwana onikitaphula khwa khaazi zooshi zootakhala na onikithuula kiri woolipalipa muufwalume mwawe pinkuuni. Attitthimisiwe ye khwa mileele! Amiina!

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

Meepereewu 11:11

Khwa amini Eburahiima, naye Suhura, eeyiyeru pure woohivokoli na wa hirimu yooziti, aapwekheriye owahi wa onvokola mwaana, maana amooniye wiiya wa waamineya otule amwahitiyeeyo.

Meepereewu 12:4

Khwa wuumanana twampi, nalelo khamwinavilele mpakha ofiyelela oshuluula taamu yenu.

Meepereewu 6:18

na yoori khwa vitthu piiri zihinzukuliseyaaye, khinretteya Nluku ohata khwa vitthu zaya epo, nina yookholelela na olipiseleya khwa nroromelo nwulweene naahitiweeyo vakatthi veetthu.

1 Pheeturu 4:19

Tiito, theenya apale anihoowaaye khwa niiya ya Nluku, ana ya winkhelela ohaayi aya mmakhono wa Namumpa wa waamineya, khwa oretta zooshapweya.

2 Pheeturu 2:9

Nakataalikha, ninoona yoori Mbwana onjuwa owaataphula atthu apale a emaani khwa wootootiwa na khuwaapweha makaafiri vathi wa hukhumu ya siikhu ya ophukiwa,

1 Yaahaya 1:9

ila amana nitukhuru twampi zeetthu, Nluku tu wawaamineya na wa shariya, ontta oniswaamihi twampi zeetthu na aswafi zooshi zohiiyi za shariya.

Othoonyeziwa 19:11

Khoona pinku efukuwiye na omaasho waka eriwo khavalo yoolakala, nakhavalo aya aari wiitthiwa Waamineya na Haakhi, ye omphuka na onuumana khwa shariya.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Othoonyeziwa 3:10

Maana mweeyo mwathokorela nttakhuzi laka la otumerela nthiti, na miiyo kinuuthokorelani wakathi wa wootootiwa onttelaaye ota khwa olumwenku wooshi, yoori owootote apale aniikhalaaye voolumwenku.