1 Akorintiyu 1:9 - Hapari Zooshapweya

⁹ Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

1 Akorintiyu 1:9 Mawu Ofanana

Zaapuura 100:5

Maana Nnyizinku nkemaani, na pheta ya wahati awe khiniisha, na waamineya wawe oniiyavo khwa mileele.

Matewuzhu 24:35

Pinku na vathi zooshi zinteela ovira, ila mattakhuzi aka khanviraru.

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Arooma 11:17

Amana virapi kiina zishijiwa, aphano weeyo, wiiyiye muutthi wooliveera wa ntthuttu, waluttaniwa khwa oluveera mikinoko na ori vamote na oronkovu ontaaye khwa ntathaari wa oluveera woozaliwa.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

Arooma 8:30

Apale awathawuliyeeyo, awaakhuwela; apale awaakhuweliyeeyo, awaahakikhi; apale awaahakikhiyeeyo, awaattitthimisa.

Arooma 9:24

Ama talili ti fweeyo, theenya awaakhuweliyeeyo khahiyo vakatthi wa mayaahuuti paasi, ila theenya amalapo.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Akorintiyu 10:13

Ozayiniwa wuupatthiyeenini mweeyo pi otthuupo oniwapatthaaye atthu ooshi. Na Nluku ti wa waamineya; ye khanteela olikhelela yoori mweeyo mwiiye ozayiniwa khwa khiima ya ohiwahi ovilela. Ila amana mwizayiniwaka, ye oniwinkhani nanna ya kiphenyo yoori mweeyo mwiwahi ovilela.

1 Akorintiyu 10:16

Jiikira ya parakha niparikhiyiyeeyo osiilana onrettiwaaye khwa taamu ya Al-Masiihu, na phaawu nimeyiyeeyo osiilana khwa mwiili wa Al-Masiihu.

2 Akorintiyu 1:18

Wiiya Nluku ti waamineya, hapari zeetthu khwa mweeyo khahiyo “aaa” na “wala”.

Akaalata 1:15

Ila Nluku aakithawuliye nalelo kiri mwiirukulu wa maama na khukikhuwela khwa rehema yawe.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

2 Atizaloonika 2:14

Ye ookhuwelelani ethiito khwa olaleya weetthu hapari zooshapweya, yoori mwipatthe siifwa ya Mbwana eetthu Yinsa Al-Masiihu.

2 Atizaloonika 3:3

Ila Mbwana tu wa waamineya; ye ontta wuukhomaazani na wuuthokorelani khwa ntakhali.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

2 Timootiyu 2:13

amana niiya oohaamineyi, ye oniiya wa waamineya wakhula wakathi; maana khinretteya ye ojikhana mweenyeweru.

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

Meepereewu 11:11

Khwa amini Eburahiima, naye Suhura, eeyiyeru pure woohivokoli na wa hirimu yooziti, aapwekheriye owahi wa onvokola mwaana, maana amooniye wiiya wa waamineya otule amwahitiyeeyo.

Meepereewu 2:17

Khwa etthiipo yaari ohithajiya ye wiiya woolattanana attwiize khwa zooshi, yoori eeye haakhimu nwulu wa tiini wa tthakaraka na wa waamineya khwa khaazi ya Nluku, yoori aswamiheliwe twampi za atthu.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Meepereewu 6:18

na yoori khwa vitthu piiri zihinzukuliseyaaye, khinretteya Nluku ohata khwa vitthu zaya epo, nina yookholelela na olipiseleya khwa nroromelo nwulweene naahitiweeyo vakatthi veetthu.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

1 Yaahaya 4:13

Maana Nluku aninkha Rooho yawe, toowo fweeyo ninjuwa yoori niniikhala khwa ye, na ye khwa fweeyo.

Othoonyeziwa 19:11

Khoona pinku efukuwiye na omaasho waka eriwo khavalo yoolakala, nakhavalo aya aari wiitthiwa Waamineya na Haakhi, ye omphuka na onuumana khwa shariya.