1 Akorintiyu 1:8 - Hapari Zooshapweya

⁸ Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

1 Akorintiyu 1:8 Mawu Ofanana

Luuka 17:24

Nkhama etthiipo taari enzerimaaye phantte moote yeettaka phantte kiina, enteela wiiya etthiipo siikhu anttelaaye ota Mwaana wa Pinaatamu.

Luuka 17:30

“Enttela orettikhana etthiipo siikhu anttelaavo othoonyeziwa Mwaana wa Pinaatamu.

Arooma 14:4

Weeyo o paani wa omphuka karumeya wa watthu? Nkhama eetta weemela ama okwa zwaamu ya Mbwana awe. Na oniiya wa weemela, maana Mbwana ti ariina makhaamu a onshokholela.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

Arooma 8:19

Zumpe zooshi enwejela, na nroromelo nwulweene, yoori aana a Nluku eeye othoonyeziwa.

1 Akorintiyu 3:13

khaazi yawe enttela wooniseliwa, maana Siikhu ya Mbwana entana nuuru yaya; na enttela othoonyeziwa khwa moottho, onttelaaye woona khaazi ya wakhula ntthu.

1 Akorintiyu 5:5

mwimwinkhelele mwinyi aya oto epiliisi, yoori mwiili awe wiiye wootapanyiwa, ila rooho yawe yiiye ya wuusurukha Siikhu ya Mbwana.

2 Akorintiyu 1:13

Maana nawaatikhelani vitthu mwinwahaaye osoma na khuweeleyani saaneene. Na kinweja yoori efiyelele oweeleyani saana,

2 Akorintiyu 1:14

nkhama etthiipo mweeyo mweeleyiweeyo khwa fweeyo phantte kiina, mwifiyelele weeleyiwa saaneene, yoori mwiiyane ojishashawula khwa fweeyo, nkhama etthiipo fweeyo ninttelaaye khwa mweeyo Siikhu ya Mbwana Yinsa.

2 Akorintiyu 1:21

Nluku ti annikhomaazeye fweeyo na mweeyo khwa Al-Masiihu. Ye ti anithawaziyeeyo.

Ayeefezu 5:27

yoori wajithoonyeze khwa ye nkhama ojama wa Nluku woohiina hatha malepa wala jaraha ama vitthu kiina zootakhala, ila ttakatthiifu woohiina tafwawuthi.

Afiliipu 1:10

yoori mwipheleleze vitthu zooziti na mwiiye swaafi oohiina hatha paathuli mpakha siikhu antaavo Al-Masiihu.

Afiliipu 1:6

Kinkhupalela yoori otule aaziyeeyo khaazi yooshapweya khwa mweeyo onteela omarisela mpakha siikhu antaavo Al-Masiihu Yinsa.

Akoloosu 1:22

Ila aphano Nluku ajisiilanisana vitthu zooshi, khwa ofwa wa Mwanawe, yoori mwajithoonyeze omaasho wawe mwiri attakatthiifu oohiina hatha paathuli na ootaphuliwa khwa wakhula nanna ya olokoveziwa.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

1 Atizaloonika 3:13

Yoori ye akhomaaze rooho zenu na mwiiye oohishowereyi khwa ottakatthifu omaasho wa Nluku eetthu Paapa, na khwa ota wa Mbwana eetthu Yinsa na attakatthiifu awe ooshi.

1 Atizaloonika 5:2

Maana mweeyo mwinjuwa saaneene yoori Siikhu ya Mbwana enta nkhama nantarawu osikhu.

2 Atizaloonika 2:2

yoori mwihijilikhelele osakhinyiwa wala osutusiwa wookhweyavo, hatha nkhama ohupiri, hatha nkhama mattakhuzi, hatha nkhama warakha yoolattanana nkhama elankhiye khwa fweeyo, elupaka yoori Siikhu ya Mbwana yafiya.

2 Atizaloonika 3:3

Ila Mbwana tu wa waamineya; ye ontta wuukhomaazani na wuuthokorelani khwa ntakhali.

2 Timootiyu 1:12

Na mwaasa wa ethiito kinhoowa, ila khinikipatthisa haaya, maana kininjuwa paani kinkhupaliyeeyo na kinhakikhi yoori ona owahi wa opweha etile kimwinkhiyeeyo mpakha siikhu ya ethiito.

2 Timootiyu 1:18

Mbwana ti amwinkhe, siikhu etile opattha tthakaraka ya olankha wa Mbwana! Weeyo onjuwa saaneene khaazi akikholeliyeeyo wakathi opule kaari Eefezu.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

2 Pheeturu 3:10

Nakataalikha, siikhu ya ota wa Mbwana, enteela opuwa nkhama nantarawu. Pinku enteela ozimweela na onyakula saaneene, vitthu epile za otulu enttela otapanyeya mwaasa wa nkukuku. Olumwenku na zooshi ziriimo zinteela waashikha.

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.