1 Akorintiyu 1:30 - Hapari Zooshapweya

³⁰ Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Akorintiyu 1:30 Mawu Ofanana

Matewuzhu 1:21

Ye onteela ompattha mwaana, weeyo ontthaje nzina la Yinsa, maana ye onteela owoosuru atthu awe khwa twampi zaya.”

Luuka 11:49

Tiito Nluku alupiyeeyo nkatthi wa akhili zawe yoori: ‘Kinlawa kawaaperekhe manapiyu na maaswihaapa; yo anteela owoola akina, aweekarise akina aya.’

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 17:26

Miiyo kawaajuwisa nzina lawo, na nalelo kinvira kiwaajuwisaka, yoori pheta etile okiphetaniyeeyo yiiye vamote na yo, na miiyo kiiye vamote na yo.”

Yaahaya 17:8

Maana miiyo kawooza mattakhuzi okinkhiyeeyo yo khupokherela, ajuwa yoori khweele miiyo kalankha mmakhono mwawo na khukhupalela yoori weetta okiruma.

Yaahaya 8:12

Yinsa khurutela owooza theenya yoori: “Miiyo ki nuuru ya olumwenku; otule anikilottaye khaneettetta n'yiiza, ila oniiyana nuuru ya ohaayi.”

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Arooma 1:17

Maana khwa hapari zooshapweya ti enjithoonyezaaye shariya ya Nluku khwa amini, nkhama yaatikhiweezo yoori: “Nashariya oniikhala khwa amini.”

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

Arooma 12:5

Etthiipo theenya fweeyo niiyiyeeyo awaatta, naretteya wiiya mwiili mmote khwa Al-Masiihu, na wakhula phantte yaluttana na phantte kiina zaya zooshi.

Arooma 16:11

Salamu Herotiyaawu, jamaayaku. Salamu atthu a owawe Narisiizu, ariiye wa Mbwana.

Arooma 16:7

Salamu Antorooniku na Juuniya, ajaama zaku kaariina nkalapooso. Yo pi ooshitahiwa saaneene nkatthi wa maaswihaapa, na eeya anamalottela a Al-Masiihu khapulathi ya miiyo.

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Arooma 4:6

Daawuuda alupa etthiipo yoori, oniiya wooparikhiyiwa ntthu otule Nluku animwinkhaaye shariya woohiiyi mwaasa wa khaazi zawe:

Arooma 5:19

Nkhama etthiipo, khwa okhijili wa ntthu mmote paasi atthu awaatta khuretteya wiiya anatwampi, na khwa etthiipo theenya, mwaasa wa oshututi wa ntthu mmote paasi, atthu awaatta aretteye wiiya anashariya.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Arooma 8:23

Khahi etthiipo paasi, ila fweeyo niriina mwanzo mishumo za Rooho Ttakatthiifu, theenya ninsisimira nkatthi mweetthu, niwejelaka wooshukulikhavo okaphuliwa weetthu nkhama aana, na otaphuliwa sawasawa wa mwiili eetthu.

Arooma 8:9

Nakataalikha, mweeyo khamwishinttiweeni pi onaatamu, ila khwa Rooho, nkhama khweele rooho ya Nluku eniikhala khwa mweeyo. Na nkhama ntthu khana Rooho ya Al-Masiihu, khahi wa Al-Masiihu.

1 Akorintiyu 1:2

khwa ojama wa Nluku oriiye sitati ya Korintiyu, na apale oottakatthisiwa khwa Yinsa Al-Masiihu na akhuweliweeyo yoori eeye attakatthiifu, vamote na ooshi apale ankhuwaaye khwa nzina la Mbwana Yinsa Al-Masiihu, Mbwana aya na weetthu.

1 Akorintiyu 1:24

ila khwa apale akhuweliweeyo, waaza mayaahuuti mpakha akereeku, Al-Masiihu owahi wa Nluku na akhili za Nluku.

1 Akorintiyu 12:18

Wekhweele, Nluku attha wakhula kifunko vamwiili, khwa matakhelo awe.

1 Akorintiyu 12:27

Maana, mweeyo mwa mwiili wa Al-Masiihu, wakhula mmote wa mweeyo, kifunko ya mwiili otthuupo.

1 Akorintiyu 12:8

Khwa Rooho mmote, oninkhiwa mattakhuzi aakhili; khwa Rooho ethiito, mattakhuzi oojuwa;

1 Akorintiyu 4:15

Hatha nkhama mweetta wiiyana alufu khumi anamasomisa khwa Al-Masiihu, mweeyo khamwina apaapa awaatta, maana khwa Yinsa Al-Masiihu miiyo koovokolani khwa hapari zooshapweya.

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

2 Akorintiyu 12:2

Kininjuwa mwinyi mmote khwa Al-Masiihu, khwa nyaakha khumi na mine aweziweeyo pinku ya ttaatthu, nkhama zarettikhana mmwiili ama oje wa mwiili akijuweeni, Nluku ti anjuwaaye.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Ayeefezu 1:10

shawuri zaya epo okusanya wakathi khaamili vitthu zooshi mmakhono wa Al-Masiihu epile ziriiye otulu na vathi.

Ayeefezu 1:14

Ethiito ti yiiyiyeeyo nroromelo wa erathi yeetthu mpakha wookhowa sawasawa wa apale eeyiyeeyo a Nluku, khwa siifwa ya nuuru yawe.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

Ayeefezu 4:30

Mwihiphirise Rooho Ttakatthiifu ya Nluku, ethiito mwimatthaniweeyo enlawaaye mpakha siikhu ya wookhowa weenu.

Ayeefezu 5:26

yoori atwahareshe attakatthisaka, oosaka na maati khwa nttakhuzi lawe,

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

Akoloosu 1:14

ye ti anikaphuliyeeyo, na khwa othuuto ti eswamihiweeyo twampi zeetthu.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 9:12

Khahiyo mwaasa wa taamu za puuzi zeelume wala aana a mompe eelume, ila khwa taamu yawe mweenyeweene yanfiisa puuro Ttakatthiifu ya Attakatthiifu, swaafu moote khwa zooshi, na taamu yawe napatthela nusura ya mileele.

Tiyaaku 1:5

Nkhama owaapho mmote wa mweeyo athowiweeyo ti akhili, anvekele Nluku aninkhaaye wahurumavo, othuuto aniwenkhaaye atthu ooshi khwa okemaani na ontta owinkha.

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

1 Yaahaya 5:6

Otu ti otule atiiyeeyo khwa maati na taamu, Yinsa Al-Masiihu. Ye khateeni na maati paasi, ila khwa maati na taamu. Na Rooho Ttakatthiifu shaahiti yoori vitthu zaya epo haakhi maana Rooho Ttakatthiifu ti ya haakhi.

Othoonyeziwa 14:4

Apa pi apale ahiwaasapeeni aakha, maana eenaneliye omwari aya. Apo pi apale anlottaaye Pwittipwitthi wakhula aphale enttaavo. Oozanyiweeyo vakatthi wa anaatamu, khwiiya nkhama zaakha ya mwanzo mmakhono wa Nluku na khwa Pwittipwitthi.

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.