1 Akorintiyu 1:20 - Hapari Zooshapweya

²⁰ Ori vayi naakhili? Ori vayi namwaatikha wa kano? Ori vayi namajuwa ottakhula? Olikha toowo Nluku khattheeni wiiya ololo akhili za olumwenku opu?

1 Akorintiyu 1:20 Mawu Ofanana

Matewuzhu 13:22

Etile yaakweliyeeyo va miiwa, pi apale ansiilaaye nttakhuzi, ila mwaasa wa tafwawuthi za ohaayi, na ottettekha wa maali entta owaakhupa, ahifiyelelaka wiima mishumo.

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Khaazi 17:18

Asomi akina ashikola yaari wiitthiwaaye Epikure na kiina yaari wiitthiwaaye Eshitoyiku khusala akheetisanana na Paawulu. Akina khusala alupa yoori: “Otu woothaala nkhanyo onri niini apha?” Akina khusala alupa yoori: “Talili oniwaalupa a miluku oohijuweyi,” maana Paawulu aari otafusiri hapari zooshapweya monkoni wa Yinsa na monkoni wa osisimuwa.

Arooma 1:20

Maana thanku wumpiwa wa olumwenku makhaamu oohooneyi a Nluku, owahi wawe wa mileele na ephattu ya o Nluku awe, onooneya saaneene, na onjuweya khwa vitthu za wumpiwa. Khwa nanna ethiito atthu apo khanswamiheya.

Arooma 1:22

Ajoonaka nkhama aakhili, khupe aretteya wiiya alolo.

1 Akorintiyu 1:19

Maana yaatikhiwa yoori: “Kintapanya akhili za anaakhili na kikatthale weeleyiwa wa anamweeleyiwa.”

1 Akorintiyu 1:26

Attwiizaku, muupuwele nanna mwaariizo wakathi mwikhuweliweevo. Vattitthiiru aari anaakhili khwa nanna ya onaatamu vattitthiiru aarina owahi, vattitthiiru aari oovokoliwa khwa ojama wootafikhana.

1 Akorintiyu 1:27

Ila Nluku athawula etile khwa olumwenku yiiyiye ololo yoori awaapatthise haaya anaakhili, na athawula etile khwa olumwenku yiiyiyeeyo yoottettheya yoori apatthise haaya epile zookhomaala.

1 Akorintiyu 1:28

Ye athawula etile va olumwenku yoohiina maana, yootarawiwa na yohiiyi etthu, yoori evukule etile yiiyiyeeyo etthu,

1 Akorintiyu 11:32

Amana, niiya woophukiwa ti Mbwana, niniiya wooshoweriwa yoori nihiiye woophukiwa vamote na olumwenku.

1 Akorintiyu 2:6

Nakataalikha, akhili epi ninttakhula khwa apale akhomaaliyeeyo, ila khahiyo akhili za wakathi opu ama anamawahi a wakathi otthuupu, anttelaaye ovukuliwa ahiiye etthu.

1 Akorintiyu 2:8

Hatha namawahi mmote a wakathi opu emweleyiyeeyo; maana eriwaka zeettiye omweleya, ahinkhomeleeni Mbwana wa Siifwa.

1 Akorintiyu 3:18

Mwihijittettekhe, nkhama mmote wa mweeyo onuupuwela yoori naakhili wa voolumwenku apha, ona ya ojiretta wiiya nlolo yoori aretteye wiiya naakhili.

1 Akorintiyu 3:19

Maana akhili za voolumwenku apha, ololo omaasho wa Nluku, maana yaatikhiwa yoori: “Ye oniwaakhola anaakhili muulavilavi mwaya.”

1 Akorintiyu 6:2

Mweeyo mwijuwe yoori attakatthiifu anteela ophuka olumwenku. Nkhama mweeyo mwinteela ophuka olumwenku, mwinwahi ophuka vitthu epo ttiitthittiitthi.

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.