1 Akorintiyu 1:17 - Hapari Zooshapweya

¹⁷ Maana Al-Masiihu khakirumeeni yoori koose, ila yoori kitafusiri hapari zooshapweya, woohiiyi khwa mattakhuzi a akhili za onaatamu, yoori owahi wa nsalapa wa Al-Masiihu ohiiye wooveya.

1 Akorintiyu 1:17 Mawu Ofanana

Yaahaya 4:1

Wakathi Yinsa asiiliyeevo yoori mafwarizeewu asiila yoori Yinsa ontta owaaretta anakhiyoni na owoosa zayita Yaahaya,

Yaahaya 4:2

eettiye ohiiyiru Yinsa aari woosaaye ila anakhiyoni awe,

Khaazi 10:48

Aphano ye khuruma yoori oosiwe khwa nzina la Yinsa Al-Masiihu. Nawiisha khunvekela Pheeturu yoori eekhale nenkawu siikhu vattitthiiru vamote na yo.

1 Akorintiyu 2:1

Miiyo attwiizaku, wakathi kaari vakatthi venu, akittakhuleeni mattakhuzi ootuva wala khwa akhili za waatta yoori kuulaleyeleni siiri za Nluku.

1 Akorintiyu 2:13

Epo zaya naye ninttakhulaka, khahiyo khwa mattakhuzi a akhili oosomisiwa pi anaatamu, ila khwa mattakhuzi oosomisiwa ti Rooho Ttakatthiifu, etaphuleliwaka khweele ttakatthiifu khwa apale eeyiyeeyo attakatthiifu.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 10:10

Maana atthu akina anlupa yoori: “Warakha zawe pi za okhomaala na olipa, ila mweenyewe ti woopepheya, na mattakhuzi awe pi ootaraweya.”

2 Akorintiyu 11:6

Miiyo hatha nkhama keetta ohiiyi namattakhula saana; ila aki masikhini khwa ojuwa. Weekhweele, nathoonyeza epo zaya khwa mweeyo wakhula nanna ya vitthu zoorettikhana.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

2 Pheeturu 1:16

Weekhweele fweeyo khanaari olotta hantisi zoopankiwa saaneene wakathi naari owuuzanini monkoni wa owahi wa ota wawe Mbwana eetthu Yinsa Al-Masiihu; ila naari mashaahiti nooniyeeyo owula wawe.