Yuuda 1:4 - NEAJEEDA EESH BEA BUUNEESSEAN

⁴ Aba gideaba gheatta ninyas fuga mwaatkwa gaseadayyi aba makcheameeda ghang'eada garayi ak geegwalu aba girgweaksiinda, fuga maba aseetta hutteawi dagheerjeandumeeda Aseetteanya ak ghoabuutta jeeda hiseadayeandumeeda nea ghwashaang' Siideanya haw assakkalealla was Ng'uttamiida, Yeesu Gristo.

Bibliyeeda Ghaydit

⁴ Aba gideaba gheata ninyas fuga mwaatkwa gaseadayi aba makcheameeda ghang'eada garayi ak geegwalu aba girgweaksiinda, fuga maba ASEETA huteawi dagheerjeanduumeeda ASEETEANYA ak ghoabuuta jeeda hiseadayeanduumeeda nea ghwashaang' Siideanya haw asakaleala was Ng'utamiida, Yesu Gristo.

Yuuda 1:4 Mawu Ofanana

Mattayo 13:25

Iiduw nea nilil buuneeda, ghwahidu weajoochcheanda ak gwahisa morookka dang'adiga ngano ak ghang'eat gawa.

Yohaana 17:3

Nea eaweega manda mudeanooda ea nii gil, gideaba ghwanalnyi ang'iing'eeda was Aseetta huumwa ea Yeesu Gristoyda ghayi ijeagu.

Gadiyeeda Giijasoodiga 11:23

Hitta hooweanji ak ghwadaa dagheerjeandumeeda Aseetta, gahoosan; ak gwayeeshsha fukkeanji oppiidana jeedeaba doobiiwnadi itteang'wean aba heeda Ng'uttamiida nea ghwaarjeang'da;

Gadiyeeda Giijasoodiga 15:24

Geeyiinyi gideaba gwanda fiisu ng'ay leabu ng'eang'deanya ak ghamwanmwaneagwa aba ng'asheega nyaawa, nea ghwanung' ea moapta ng'eanyi fughareengeagwa, nea ng'asheesu sin fiisuun ea meattawi aseasa,

Galattiya 2:4

Iiduw appadayda oorjoogiyya bea ng'uyyeega siyeanna makcheameeda, ahuudaan ak ghamwaal giibaldeanya bea geat aba jeeda Gristo Yeesu, ak gagasa ghwaadeasa jeeda soomjeandumeeda,

Galattiya 5:13

Aba gideaba geeguurneegwa anyasa giibaldeaba geat, oorjoogiyya; ak ea adoanung' ghoaw giibaldeang'wa bea geat nyasitta gheatta ng'asheega gasa saseeda, nea aba barinyeega ea daba siisi huuw soomjeamba nuut.

Efeeso 4:14

aba gideaba adeebiikti gichcha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeammeeda bea ginealshooda fughareenga, aba milmilanda buuneeda ea seechmeeda nea geayaachchi naweedinga reengani buuneeda.

1 Dimotteo 5:8

Gili was sii mwaghamwada fugaaschi was fugaabwa gheanyi niheawa masaweega, ak gamunyiiti ea ghang'al siida mandeawana masaweega.

2 Dimoteo 2:12

Nea isimilikghiti, gajeembalischeena sea ninyi, Nea isiheawu ninyi, ninyi earada gay ghwaheawaneasa.

2 Dimoteo 3:6

Aba gideaba aba jeedeaba suu gwanda headiga ama inyeesa gaweay jeesinga gealga buuneeda ak gageanda nea ghwasareanda gadeemga dasheahi mideawa sareenda ring'eeda nea gagis mittagheasta muunda ng'eanyiida.

1 Betro 2:16

Oppiideatta fuga abal geat, ak ea mogadiyeattani gibaldeaba geat aba funyooda ng'asheega munyas, asi oppiideatta soomjooga Aseetta.

1 Betro 2:8

Nea “Lagheaneeda jea gwaruusa buuneeda, lagheaneeda jea ghwanung' goobeedeayi;” ak goobeedeayi aba gideaba masissiina mureeda ng'asheanda, was gissunung' gaweay gwasin.

1 Betro 4:18

Nea “Siida doabiiwaat iiramwagaan aba nyasooda lealeanooda, abeeda fuga meawalla gheang'da Aseetta ea fuga ring'eega gajeedeaksa yeenu?”

2 Betro 2:10

nea ghwaraanya giikka aat geeshta ng'asheega gasa saseeda aba gassooda ng'asheega munyasiin nea gafool gheambalmeedean. Daruuschi mideawa uurjeenga meawalla ging'weakka haleanjeeda gheambiideadi,

2 Betro 2:7

iing'atta nea gwalealu Luttuyda doabiiwaat, gagiisan muuchchi aba hiseadayeandumeeda fuga munyas.

2 Betro 3:7

Nea aba ng'asheandida ea sunung' ghoamuughu humng'eeda ghamneawa mida ea ng'eanyiida beasta, geattiiw ea ghwahitta eaweeda girgweaksiinda ea dea nyariida fuga munyas.

1 Yohaana 2:22

Gaba ng'eaha ng'uyya geaghus dea shaang' gideaba Yeesu mii Gristo gil. Nii weajoochcheanda Gristohi, dea shaang' Bwaabwa ea Balleanda.

Yuuda 1:15

ak goorgweaksa buuneessean, ak ghoadaw gidinyeanda buuneessean meawalla Aseetta, aba searoojiga nyaawa sean maba Aseetta ghayi nisin aba gitta magassiida Aseettean, ea aba haleanjeeda ng'weani rukku siida ring'eeda meawalla Aseetta appadaydaannyi”.

Yuuda 1:18

nea gwayeeshshiineegwa, “Eaweeda huydean gaygwanda fuga inyeessa jea gwajuuga buuneeda, nea ghwaat geeshta gassooda ng'asheega nyaawa meawwalleawana Aseetta”.

Giidaheechta 15:4

Ngeaha gil deamoawalnyi ak ghoaghaambiit gheawungaagu, Ea Ng'uttamiida? Aba gideaba ang'iing'i guwasi ghaydit nea gibwageaw. Aba gideaba gayghapka emoojiga sean ak ghaghadoawannyi, aba gideaba girgweageadaang'u siittaajiit.”