Yuuda 1:3 - NEAJEEDA EESH BEA BUUNEESSEAN

³ Fuga abwariinyi, geagasayi muuchchi dang'oorneegwa iitta lealeanoodeanya bea geallaan, ak ghadaayi ghwahit gideaba geang'oorneegwa nea geamuscheegwa ak geeng'allealleesi masaweega ghayi sugu nibwagi ak ea majeebiikta siittaw fuga ghaydidi.

Bibliyeeda Ghaydit

³ Fuga aabwariinyi, geagasayi muuchi dang'oorneegwa iita lealeanoodeanya bea gealaan, ak ghaadaayi ghwahit gideaba geang'oorneegwa nea geamuscheegwa ak geeng'alealeesi masaweega ghayi sigu nibwagi ak ea majeebiikta siitaw fuga ghaydidi.

Yuuda 1:3 Mawu Ofanana

Gadiyeeda Giijasoodiga 17:3

abeeda gwarukusa buuneeda gidanyaah ng'ooruutka bea gideaba Gristo gayghwanyas hang'weaniidooda ak gwaduuna miyeeda, ak gabiikta gwayeeshsha, “Yeesuheeni ghamneawa earukuneegwean, Gristo gil.”

Gadiyeeda Giijasoodiga 18:28

aba gideaba gabalool nea mwaawala gil ea ghwajoar fuga Yahuudi aba eeshpwaara, nea ghoahiimu aba ng'ooruutka ghaydidi gideaba Gristo niny Yeesu.

Gadiyeeda Giijasoodiga 20:27

aba gideaba mii danung'waada rukunooda girgweageeda Aseetta. Asammiisiina geat oagasean sea hawanda,

Gadiyeeda Giijasoodiga 28:28

Asi agooga anala gideaba lealeanooda Aseetta siyeassa fuga, “Emoojiga; saawa gaygooleeysiit.” [

Gadiyeeda Giijasoodiga 4:12

Ak ea manda lealeanooda aba hichpa siinnuut, aba gideaba manda gheawun suuk hing'eadayda humng'eeda ghayi siittaw buuneeda jea gwalealneasa.”

Gadiyeeda Giijasoodiga 6:7

Ghaghayda ng'asheanda Aseetta; nea ghoahaada muuchchi monneeda ginealanga aba Yerusaleemu, nea ashoohoodiga saang'a gwasissa mureeda masaweega.

Gadiyeeda Giijasoodiga 9:13

Ghwasha Anania nea gwayeeshsha, “Ng'uttamiida, naayiinyi ng'asheegeaba siisi aba heeda fuga saang'a, ak eara ng'asheega munyas nisma fugaagu ghaydidi aba Yerusaleemu;

Gadiyeeda Giijasoodiga 9:22

Iiduw ghwanyas Sauli uurda, ak ghwanung' ghabeal fuga Yahuudi mida Dameski aba ng'asheanji gideaba Yeesu niny Gristohi.

1 Goriinto 15:3

Aba gideaba geagonnyeegwa giijasta majeek bea huumwa ghayi sigoonan, bea gideaba Gristo ghami aba riing'eagaasa gawuurji ginnyaashta ng'ooruutka,

Galattiya 2:5

dukku aseasa eameamwasi itta nyaawa eara gilimwanang, aba gideaba geegasayi goobiida heedeang'wa humeanda gijasta miy.

Galattiya 3:28

Ak biissa ea maheelli siida Yahuudi ea siida Yunaani, ghana siida was ging'ng'oonyaneeda ghana dea abalgeaw. Ea manda ng'eedeeda ghana gatmooda; aba gideaba agooga noowaschi agi aba naweeda Gristo Yeesu.

Galattiya 6:11

Ang'ulla ng'oorshooni gidang'waardi nea geaheettu ng'ooruutka ak geang'oorneegwa aba geattindeanyu aniini.

Efeeso 1:1

Baulo, Giijasoochcheanda Gristo Yeesu, aba gidagasiida Aseetta, Heeda Fukghaydidi biissa ea doobiiweadi aba jeeda Gristo Yeesu.

Filippi 1:1

Baulo ea Dimotteo, was soomjooga Gristo Yeesu, heeda fuga ghaydidi sean mida naweeda Gristo Yeesu, mida ng'eanyiida Filippi, sea jeagiischoodiga Ganiisa sea weedanga Ganiisa.

Filippi 1:27

Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

Golosaayi 1:2

Heeda Aseetta fuga ghaydidi doobiiweadi was oorjoogiyya aba jeeda Gristo Yeesu ida Golosaayi: Gagasa anyasa dagheerjeandumeeda ea hoyyoo jea gwaleabu heeda Aseetta was Ghweandeanya.

1 Desaloniikke 2:2

eara gwasa ning'atta sawanadeedeanya nea geappwaaspwaseasa aba Filippi, aba gidoanaldi, hean goomajeegeasa Aseetteanya ak gearukuneegwa giijasta miy bea Aseetta aba madeeda fuga eang'alealleewi.

1 Dimotteo 1:18

Ea balleandeanyu Dimotteo, geagoonyeey digheanji ghoow gidiwshooda appadayda ng'asheega was ramooranga ghayi ashoohu appadaydang'u, ak appadaydeaba suuh gung'uchi muuchi ng'ucheedida.

1 Dimotteo 6:12

Ng'uchcheena muuchchi ng'uchcheedida bea masaweegean, ang'ng'waanya eaweegiga manda mudeanooda ghayi suguurnaneeyiin, ak gimuuwwu muuwwunooda miy aba madeeda muushoodiga saang'a.

2 Dimoteo 1:13

Ang'ng'waanya gidahiimu ng'asheega mideawa eaweega ghayi iyiing'si heedeanyu, aba masaweega ea bariinyeega mida jeeda Gristo Yeesu.

Ditto 1:4

Heeda Ditto jeepteanyu bea huumwa aba naweeda masaweega sippareannyi. Gagasa nyasa dagheerjeandumeeda ea hoyyooyda leabu heeda Aseetta was Bwaabwa ea heeda Gristo Yeesu was lealnoochcheandeanya.

Ebraniya 13:22

Geamuscheegwa, fuga eaduupcheewi, oang'ng'waanya ng'asheandeanyu jea goomajeegeegwa, aba gideaba ng'asheesu geang'oorneegwa nea ghanuwaaschi.

Ebraniya 6:9

Asi earappeadi sibalooldunuun, aba badahuukkeagwa, fuga abwariinyi, geanalli muuchchi ng'asheega miyaas bea lealeanooda.

1 Betro 5:12

Geang'oorneegwa barawajeanji nea ghaweadan Silwaano, niny ghaadaayi oorjeediyya doabiiwaat gil, ak geang'ayiichchi ng'asheesu bea reekusiindean nea geargu gideaba nii dagheerjeandumeeda huumwa gil bea Aseetta; amiinaada appadaydeaba nii nea gowoschi majeekcheewi.

2 Betro 1:1

Simon Betro gil, soomjeanda ea giijasoochcheanda Yeesu Gristo, heeda fukka ninyas masaweega uurjeewaneasean, aba doobiiwnata Aseetteanya, ea lealnoochcheanda was Yeesu Gristo.

2 Betro 2:21

Aba gideaba ghang'wana gwachi ea mwanala naweetta doabiiwaatiin mwasamwa gideaba ghwanal ak iiduw ghwanung'wa heeda diigheandida ghaydit siitawiin sawaan.

Yuuda 1:1

Yuuda, soomjeanda Yeesu Gristo was oorjeeda geennyea Yakkobo, Heeda fuga suguursa, abwariinyi aba jeeda Aseetta was Bwaabwa ak geettiiwsa Yeesu Gristo:

Yuuda 1:17

Asi agooga fugeasu abwariinyi, oapkaada, ng'asheega ghayi bay gwargu giijasoodiga Ng'uttamiideanya was Yeesu Gristo;

Yuuda 1:20

Nea agooga, fuga abwariinyi, amajeegiitta appadayda masaweegeagwa ghaydidi muuchchi; nea ghoamwaashchi Aseetta aba Gurorooda Ghaydit;

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muwuunnooda nyaawa, ak ea mwabwariinya eaweega nyaawa eara gaweayi miyeeda.

Giidaheechta 2:10

Asi adiiwali ng'asheega jea nyasa was sawanadeeda. Ng'ulla, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda gesimsimeegwa, ak aba jeemba askweajooji damanamughuush gajanyasa sawanadeeda. Wosa doabiiwaat ea hitta miyeeda, ak gaydagoonnyi shiipka mideawa eaweega.’”