Yohaana 1:1 - NEAJEEDA EESH BEA BUUNEESSEAN

¹ Ghayi aba garayi gwanda Ng'asheanda, nea Ng'asheanda gwandeayi sea Aseetta, nea Ng'asheanda ea Aseetta.

Bibliyeeda Ghaydit

¹ Ghayi aba garayi gwanda Ng'asheanda, nea Ng'asheanda gwandeayi sea ASEETA, nea Ng'asheanda ea ASEETA.

Yohaana 1:1 Mawu Ofanana

Mattayo 1:23

“Ng'ulla gaygagweayiit huda miyeasat ak gaygwaji balleanda, ak gajeeguura gheawungaaschi Imanuweeli” (nea gideaba, Aseetta sindeayeewi).

Lukka 24:53

goobiitta jeeda gheeda sibatta Aseetta nea gwaduumsheesa Aseetta.

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

Yohaana 1:18

Manda siida nidaah Aseetta; Balleanda was haghasheeda, mideayi sea Bwaabwa, niny siida adaajiidi.

Yohaana 1:2

Aba garayi niny gwandeayi sea Aseetta;

Yohaana 16:28

Aniini gealeabu heeda Bwaabwa, ak ghaawuunnyi jeeda ng'eanyiida; gichcha, ak ghamneawa ghabeawi ng'eanyiida ak geawi heeda Bwaabwa.”

Yohaana 17:5

asi ghamneawa, aghambiidaan Bwaabwa, aba madeadaang'u aba gheambalmeeda ghayi eandeawi sea ang'iing'i nea miyeesin ng'eanyiida.

Yohaana 20:28

Ghwasha Domaso nea gwayeeshsha, “Ng'uttamiideanyu ea Aseetteanyu!”

Yohaana 8:58

Gwayeeshsha Yeesu saawa, “Aba huumwa, aba huumwa, geayeeshshineegwa, dea mii gwandeewa Abrahaamu, abeeda aniini geandi.”

Ruumi 9:5

aba geannyaawa gwanda gheamba ghweaniga, bea emeannyaawa, aba saseeda, aba heannyaawa Gristohi. Aseetta haweawa haleanjeessean gagasa eebadiischeesa ea ghoaw damanda manda muudeanooda. Amin.

Efeeso 3:9

ak ghwanung' ghwadaa buuneeda sean badiida makcheameeda ghayi sufuy aba gweannyeekka aba heeda Aseetta sin haleanjeessean;

Filippi 2:6

earappeadi niny ghayi uurji sea Aseetta, ea mwanung' ghoaw gil uurjeatta bea Aseettean ak ghoaw gichchea ghoang'ng'waay.

Golosaayi 1:15

Nea niny geegala Aseetta miidaachi ak ea duweachcheeda gil aba haleanjeesean;

Golosaayi 1:17

Niny ghayi gabay gwanda madeeda haleanjeessean, nea aba niny ghwanoas geat haleanjeessean.

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

Ditto 2:13

nea geammuughu ghusooda mideawa ghawooda ea gidaheachta gigheambitta Aseetta haw ea lealnoochcheandeanya was Yeesu Gristo,

Ebraniya 13:8

Yeesu Gristo gawuurji gideaba heetta ea ghamneawa ea gagul damanda manda mudeanooda.

Ebraniya 7:3

Niny manda ghwaan ghana ghaamwat ghana rooproobanga, ak ea manda ging'eetta askwearjoojigaaschi ghana huydeanda eaweagaaschi, gawuurji sea Balleanda Aseetta nea ashoohoochcheanda manda mudeanooda.

2 Betro 1:1

Simon Betro gil, soomjeanda ea giijasoochcheanda Yeesu Gristo, heeda fukka ninyas masaweega uurjeewaneasean, aba doobiiwnata Aseetteanya, ea lealnoochcheanda was Yeesu Gristo.

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.

1 Yohaana 5:7

Ak Gurorooda ea deamuuwwu gil, aba gideaba Gurorooda huumeanda gil.

Giidaheechta 1:11

“Ngoorsiina haleanjeeda idaahi jeeda gittaabu ak giyeassi ganiisajeega assispwa, dea Efeeso ea Smirna ea Bergamo ea Diyattira, ea Sardi ea Filadelfiya ea Laodekkiya.”

Giidaheechta 1:17

Iiduw nea ghaadaayi niny, geabeedeasi geshangaaschi ea dawuurji siida nimi. Hean ghwayiin geattidaannyi bea dugwa uhuudeanyu nea gwayi, “Adibeali, Aniini geawoschi dea madeeda ea dea huydean ea dea majeek;

Giidaheechta 1:2

amaduw gamuuwwu Yohaana iitta ng'asheanda Aseetta ea muwwunooda iitta Yeesu Gristo, ea iitta haleanjeessean ghayi daa.

Giidaheechta 1:8

“Aniini geawoschi Alfa ea Omeega,” dea madeeda ea dea huydean, aba ginnyaa Ng'uttamiida was Aseetta, dea mida ea dea bean gwanda ea dea jea ghwahidu, was Aseetta mideawa uurda.

Giidaheechta 19:13

Ak niny ea sikwealsa hang'da sing'uda foojeanda, ak gheawungaaschi geeguura Ng'asheanda Aseetta.

Giidaheechta 2:8

“Heeda malaykajeanda ganiiseeda Smirna ng'waara, ‘Ng'asheega madeeda ea dea huydean, was dea ghayi meah ak gabiikta gamajeegiit.

Giidaheechta 21:6

Ak gwayeeshinean, “Nisa! Gideaba Aniini geawoschi Alfa ea Omeega, ging'eetta ea huydeanda. Siida bearji muwoosh gaydaadaw mwadaagha beega leabu gheang'deenda mideawa eaweega.

Giidaheechta 22:13

Aniini geawoschi Alfa ea Omeega, dea madeeda gil ea dea huydean, was dea ging'eetta ea dea huydean.”

Giidaheechta 3:14

“Heeda malaykajeanda ganiseeda Laodekkiya ng'waara: ‘Ng'asheega siida was Amin, was siida doabiiwaat was mushoochcheanda huumwa, was ging'eetta haleanjeessean sin Aseetta.’