Yakkobo 4:11 - NEAJEEDA EESH BEA BUUNEESSEAN

¹¹ Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Bibliyeeda Ghaydit

¹¹ Fuga eaduupcheewi adoobeerayi geat. Siida beash orjeeda geanyaawa ghana goorgweaksa orjeeda geanyaawa, ghabeash deaweeda nea goorgweaksa deaweeda. Nea iirgweaksi deaweeda abeeda ea muwoosi siida sina deaweeda abeeda ea nihuuwi siida laja girgweaguutka.

Yakkobo 4:11 Mawu Ofanana

Lukka 6:37

“Adoorgweakkiisi buuneeda, ak ea majeergweakseegwa; adooyeatti ghuussi, buuneeda ak ea majeeyeatteeweegwa ghuussi; asammisiina buuneeda, ak gajeesamseagwa;

Ruumi 2:1

Asi mondeawani samsiinda, ea siida, neada guwosi ng'eaha, irgweaksi siinuut, aba inyas girgweaksi siida ada abeeda girgweaksi geaw ang'iing'i, aba gideaba ang'iing'eada argweaksa siida, gisni ng'asheanda uurji diitta.

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda Aseetta, geaghus fukka sina deaweeda jea eattaw doobiiwnatta.

Ruumi 7:7

Asi gajeeyeanaan? Neada deaweeda ea ring'eedea? Eara gwasa! Gwachchi iimanda deaweeda, gwachchi ea mwaydanal ring'eeda. Ak ea mwaydanal geawunda gheangda iimarukuna deaweeda nea gwayi, “Adishti ghaang'.”

1 Goriinto 4:5

Asi iissa ea adoorgweaksi ng'asheanda nea miighwahitta damanda nea miighwahidu Ng'uttamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda Aseetta.

2 Goriinto 12:20

Aba gideaba ghaawalli dahidu ak ea moowuurjeewani gideagassiidi dahidu nea goowuurjeewi, ak ea moahiimni nea geewuurjeewi gitta moogassiidaniin; ea gideaba gwadeeppa gwanda jaliida, geawunda gheang'da, ea nyarasta, shidoodeaba ghaang', giheakteayda, soomeanda baloolda, rengaweega ea deakghuyandeeda.

Efeeso 4:31

Asi ageandeana geat ng'asheega sean ng'weani was mukkunooda ea nyarasta ea gijuureanda ea nappooda ng'uyyeega nea gooshsheagiidi geat gea munyas sean,

1 Dimotteo 3:11

Eara gadeemga nyaawa gamiisa ea fuga miyaas searooji gil, mii fuga nappiisa buuneeda ng'uyeega, ak gamiisa ea fuga mideawa gheadeenda gil, nea doobiiweadi aba haleanjeesean.

2 Dimoteo 3:3

fuga magasa fukgheanyaawa ea gea magasa gidupcheeda ea gea naba ng'uyyeega ea gea mwamu ghwadeal geat ea gea ng'weani ea gea mwabariinya ng'asheega miyaas,

Ditto 2:3

Ak eara gadeemga woosi gamiisa ea fuga sinniisa geat mureeda gil, nea adagwanaba ng'uyyeega, ghana leeyeanda, gamiisa gideaba gaygoonealli ng'asheega miyaas,

Yakkobo 1:16

Adereenganneegwa, fuga eaduupcheewi abwariinyi.

Yakkobo 1:19

Hean nea ghoanalli ng'asheesu, fuga eaduupcheewi abwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea miiassas nyaras,

Yakkobo 1:25

Nea siida ng'ula deaweedeeda hidaat, jea gweadu giibaldeaba geaw, ak ghwashng'u, adaghoaw siida iing'shi ramasoot gagasa ea siida sina gadiyeeda gil, siisi aba sinoadaannyi bea gadiyeeda.

Yakkobo 2:8

Hean iyoosinnyi deaweedeedida bea sugoodigean gawuurji ginnyaashta ng'oruutka nea gwayi, “Bwariiyda giischewoochcheandaang'u gidubwariiydi geaw,” abeeda goosinnyi ng'asheanda miy.

Yakkobo 5:10

Aba gideaba gichchea agalana was sawanadeeda ea milikghteayda, fuga eaduupcheewi, oapkaada sibanga ghayi rugu ng'asheega aba gheawunga Ng'uttamiida.

Yakkobo 5:7

Asi fuga eaduupcheewi, amilikghta ea ghwahitta damanda jea ghwahinna Ng'uttamiida. Ang'ulla, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huydean.

Yakkobo 5:9

Fuga eaduupcheewi, adonnikkiisi geat, aba gideaba gajiiduw gergweakseegwa; ang'ulla siida laja girgweaguutka ghamiinaada aba gidaghuudajeega.

1 Betro 2:1

Asi ageandeawana geat munyinda sean ea milmilanda sean ea nyootta doobiiwnatta ea shidoodeaba ghaang' ea beeshta sean.