Yakkobo 3:17 - NEAJEEDA EESH BEA BUUNEESSEAN

¹⁷ Duukku weaghumeeda leabu heettiyeada gidamadeeda aamiy, nuut gaba weayda, ak ea garbabu, nea iissa goleeysiit ng'asheega buuneeda, nea gwandeawa haghweega miyaas, ak ea mayamiisachchi ghana gwareengani buuneeda.

Bibliyeeda Ghaydit

¹⁷ Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

Yakkobo 3:17 Mawu Ofanana

Mattayo 23:28

Gwasunu eara agooga ing'ulluunaneegwa buuneeda bwadaw goowoschi fuga doobiiweadi, nea aba jih ghwannyiit munyinnda ea ging'uuchcheeda.”

Mattayo 5:8

Ghang'wana fuga mideawa guroruunatka miyaas, aba gideaba gayghwahitta Aseetta.

Mattayo 5:9

Ghang'wana fuga aduptooschi suurja, aba gideaba fiisu gajeeguura diibiga Aseetta

Lukka 21:15

aba gideaba gaydagoneegwa ng'asheega ea weaghumeeda jea inyeessa eara weajoodigeagwa ghwaraay ng'alealleeda ghana gichchea ghwashang'da.

Lukka 6:36

Andeawana baydeayda, ak gawuurji gidamideayeatta Ghweandeang'wa baydeayda.

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

Yohaana 1:47

Ghwadaa Yeesu Nattanaeeli nea ghwaan headaannyi, ak gwayi, “Ng'ulla, Israeelajeanda huumwa, manda jeadaannyi ng'uyyeega eara gil!”

Gadiyeeda Giijasoodiga 11:24

aba gideaba niny siida miy gil, ak gwandeawa Gurorooda Ghaydit ea masaweega, ak ghapka fuga saanga heeda Ng'uttamiida.

Gadiyeeda Giijasoodiga 9:36

Abeeda gwanda ng'eanyiida Yoppa ginealaneeni suguura gheawungaaschi Dabitta, nea gideaba Dorkas gil. Abeeda gwasna gadiyoojiga ninyas nea gaweeda buuneeda.

Ruumi 12:18

Iiduw aba meatkweedeang'wa abeaha weayda aba heeda buuneessean.

Ruumi 12:9

Bariinyeega gagasa gaba huumwa; sit ng'asheanda muy, nea ghoang'ng'waannyi ng'asheega miyaas;

Ruumi 15:14

Asi neasikteawi aniini iitteang'wa, fuga eaduupcheewi, gideaba earagooga goondeawi alooheeda haw, ak ghwanyiideagwa fughareenga sean, ak ghoammuuschi oattoabiiwa geat.

1 Goriinto 12:8

Aba gideaba siyagi aba Gurorooda geattaw gwarukku weaghuumeeda, nea geattaw nuut gwarukku ng'asheega aba fughareeda aba gidabwariiyda Gurorooda,

2 Goriinto 10:1

Aniini Baulo, geamuscheegwa nea gabwageaw, aba garbabanda ea ng'eeninda Gristo, nea iissa geawoschi ng'eeni aba gheanyangeagwa, nea iyeawoschi sheageewaneegwa geawoschi daruus!

2 Goriinto 6:6

ea aba alooheeda, ea fughareeda, ea gihang'ooyda, ea innyeanda jeeda, ea aba Gurorooda Ghaydit, ea bariinyeega huumwa,

2 Goriinto 7:11

Asi ang'ulla badiini bea fuga bada Aseettean gaygwanyakneegwa naaha agooga, ak ea gassoomba naaha bea furoodeaba geediin, nii ana nyaras gil, nii hirbabandeemba naaha, bariinyeespa naaha, giidaydeaydeaba geaw bea naaha, ghoorjoomba naaha! Aba gheatkweakka sean noahhiimu geat gideaba mondeawani ramaseamba gil aba ng'asheanji.

2 Goriinto 9:10

Nea siida adaw mmbeyooda siida jea gwahista ak ghoaw mukkattee ghoaw hamitta gaygagooneegwa ak gwalakkuuneegwa haleanjeeda ak ghwanung' ghoahaada booga aba doobiiwnatteang'wa,

Efeeso 5:9

(aba gideaba haghweeega weeshinda geenyassa jeeda haleanjeessean miyaas ea doobiiwnatta ea huumwa),

Filippi 1:11

nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Filippi 4:8

Asi oorjoogiyya gidahuydean jea otteemsheesiina nii, ng'asheega sean was gea huumwa, ea gea mideawa mureeda, ea gea doobiiweadi, ea gea miyaasi, ea gea subwariiyi, ea dagheerjeandumeeda iimida miyinda wassean, ghana giigheambiitta miy wassean, otteemsheesiina ng'asheesu.

Golosaayi 1:10

ak abeeda gajoommuusa oppideatta gidagasiida Ng'uttamiida nea goosinnyi gichchea goohoosan, ak gibindeang'wa gaygwaji haghweega aba gadiyoojiga miyaas neagoheettu aba fughareeda Aseetta.

1 Desaloniikke 2:7

Iissa gewoschi ng'eeni aba jeedeang'wa, gawuurji gidang'ulliida gheamatta diibigaaschi.

1 Dimotteo 5:21

Ngasheanji gearukneey aba madeeda Aseetta ea madeeda Gristo Yeesu ea madeeda gijasoodiga humng'eeda siloat, sina ng'asheesu nea adilamwaji girgweaksiinda, nea adisini ng'asheanda aba shiitmeeda.

2 Dimoteo 2:24

Ak ea mamiisiina siida gadiyeeda Ng'uttamiida gaba jalliida, gamiisa gideaba gajeagarbabu aba heeda buuneessean, bissa nala gooneashi ak gamilikiida ng'asheega.

Ditto 1:15

Aba heeda fuga miyaas haleanjeessean amiyaas, nea gea munyas ea gea mandeawana masaweega aba heannyaawa manda gidamuy; fughareenga nyaawa ea gitteemshooda nyaawa ea munyas.

Ditto 3:2

adagoong'eawi siida wassean, amulsiina jaliida, ahuuwa emoojiga miyaas, nea ghoahiimu garbabanda sean aba heeda buuneessean.

Ebraniya 12:11

Aba gheadi nuwaas bayiiga sean iisung'ula ang'waan mawuurji gissubwariiy; ammuuchchu gwaji haghweega eadu hoyyoo bea doobiiwnatta aba heeda fuga sibean eannaal ng'asheesu.

Ebraniya 12:14

Gagasa gimiriikta hoyyoo aba heeda buuneessean, aba ghaydidanda nea manda siida jea ghwadaa Ng'uttamiida iimandeawana.

Yakkobo 1:17

Gilinyoo eahhaakta miy ea gilinyoo eattayda hidaat gwaleabu heettiyeada, ak ghwararang'aana heeda Bwaabwa weeshinda nea headaannyi ea manda yammoodeaba geaw ghana jironeeda yamitteaba geaw.

Yakkobo 1:5

Asi siida wassean mida jeedeang'wa isuunyeewa weaghumeeda, ea damwaash Aseetta, adawi buuneessean haleanjeeda aba innyeanda jeeda, nea maygwareekusa ak gajeattaw.

Yakkobo 2:13

Aba gideaba girgweaksiinda mayghabwayda siida mandeawana baydeayda; asi baydeayda iissa ghwajoar girgweageeda.

Yakkobo 2:4

abeeda miyoashiida buuneeda aba jeedeang'wa. Ak ghoahuuyi fuga ajiili girgweaguutka munyas fugheeri?

Yakkobo 3:15

Abeeda weaghumeeni ea maleapna heettiyeada, nii gaba badayda ng'eanyiida, ak ea maba gurorooda, ak gaba meang'nyeandeenda.

Yakkobo 4:8

Aneekkissiina Aseetta ak gaygwaneekkiseegwa agooga. Oammiinni geattingeagwa, ea fuga ring'eega, oammiinni guroruunatkeagwa, ea fuga mabwagi.

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

1 Betro 2:1

Asi ageandeawana geat munyinda sean ea milmilanda sean ea nyootta doobiiwnatta ea shidoodeaba ghaang' ea beeshta sean.

1 Betro 2:18

Soomjooga, asissiina fugeagwa hees mureeda aba mureeda sean, ea gea miyaas eara heeda fuga jooriischi,

1 Yohaana 3:18

Diibiga manang'i, adeabwariinyi aba gadiyeeda ghana baloolda gagasa eabwariinya aba sinooda ea huumeanda.

1 Yohaana 3:3

Nea giliwas sih rar niny iissa ghoammiidu geaw gawuurji gidamiyda niny.