Yakkobo 2:5 - NEAJEEDA EESH BEA BUUNEESSEAN

⁵ Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Bibliyeeda Ghaydit

⁵ Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

Yakkobo 2:5 Mawu Ofanana

Mattayo 11:5

fuga ng'oawwi ghoang'wearda, fuga badeeda gaweelweel, gea bearji udamusuura geammidu, gea miinyi gwayiing'shi, fuga meewa gwaduuttu nea fuga barbari geerukusa Giijasta Miy.

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

Mattayo 5:3

“Ghang'wana fuga barbari guroruunat, aba gideaba sugoochcheandumeeda humng'eeda daanyaawa.

Marko 7:14

Ghabwadageat Yeesu emeeda ama hit gwayeeshsha, “Oalleaydiit oagasean ak gojeeng'u.

Lukka 12:21

Asi nii giduurji siida adiiwwiisa geaw gheaseeda, “Nea meabarursiina gea Aseetta.”

Lukka 12:32

“Adoabealli agoogeeda ng'ay, aba gideaba gagasa Ghweandeang'wa gideaba gahaguuw gagoneegwa sugoochcheandumeeda.

Lukka 16:22

Ghami siitta bwarbwariin, ak ghwaat malykajeega ea ghoahiitta madeeda Abrahaamu. Muchchu ghami eara meanang'oochcheandida ak geebuy;

Lukka 16:25

Gwayeeshsha Abrahaamu, ‘Balleandeanyu, apkaada gideaba ang'iing'i ninyasi haleanjeeda miyaas aba jeeda aweagaagu, nea Lasaaro ghwanyas gea munyas, ak ghamneawa niny geenung' ghahawda, nea ang'iing'i gindi jeeda hang'weanidooda.

Lukka 22:29

gawuurji gidaghayi gondaneani Bwaabwa sugoochcheandumeeda, earaniini gaydagooneegwa,

Lukka 6:20

Iiduw gagatgat gheanyangaaschi goong'weersa ginealangaaschi, ak gwayeeshsha: “Ghoang'wani agogeeda barbari, aba gideaba sugoochcheandumeeda Aseetta deang'wa.

Yohaana 7:48

Ghoang'ng'wa adaaha earea siyagi gil aba jeeda fuga ambaliischi dea mwas ghana Farisaayu dea mwas niny?

Gadiyeeda Giijasoodiga 7:2

Ghwasha Stefano ak gwayeeshsha, “Fugeaduupcheewi ea ghweanigeasu, oleeysean iit. Aseetta ghaambiidaat ghayi gabussiinnyi sea ghweandeanya was Abrahaamu, damanda mideewa ng'eanyiida Mesopotamiya, nea mii gawa goobiida Haraani,

Ruumi 8:17

ama suwooschi diibiga, adabeeda geewooschi fuga jea gwahearaniischi, fuga adaw Aseetta hearaniischooda, jea gwahearaniischi sea Gristo, asaha, iisisawaneasa sea niny abeeda iimuchchu geakghambiideasa sea niny.

1 Goriinto 2:9

gawuurji gissung'waarda, “Haleanjeeda manda gheang'da nidaa, ghana iitta niyiiy, ghana ghoapkaat guroorooda siida, haleanjeeda nigeawiit gwasissin Aseetta appadahuukka fuga bwariiy niny.”

2 Goriinto 4:15

Aba gideaba ng'asheega sean gaba badahuukkeagwa nea gidahadaatta dagheerjeandumeeda muuchchi, ghoahaada badiischeesiinda aba heeda fuga saang'a, aba gigheambiitta Aseetta.

2 Goriinto 6:10

geewuurjeewi fuga giisan, nea ghana gehoosannyi galeagasean; nea geewuurjeewi fuga barbari, nea ghana geepparuurji fuga saang'a; geewuurjeewi fuga mandeawana gil, nea ghana geendeawi haleanjeessean.

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.

Efeeso 1:18

Gheanyanga mida jeesingeagwa gagasa eayyeat, ak ghoanalli rarooda gidaguurdeaydaneegwa giduurji, ea meanang'oochcheandumeadaannyi ea giigheambiitta hearaniischoodaannyi aba heeda fuga ghaydidi,

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

1 Desaloniikke 2:12

ak ghoabeadi gidahaguuwdaneegwa aba madeeda Aseetta, ghayi guurneegwa agooga ak abeeda goweayi jeeda sugoochcheandumeadaannyi ea gigheambiittaannyi.

2 Desaloniikke 1:5

Nii gwadeagooda girgweageeda huumwa bea Aseetta, ak abeeda geanung' ahuuwa fuga miisa gheambalmeeda Aseetta, was dea ghamneawa sisawasseegwa,

1 Dimotteo 6:18

Dasna ng'asheega miyaas ak ghoaw meanang'oodiga aba sinooda gaamiyaas, ak ghoadayda haleanjeenyaawa nea gabareanyi sea buneesuurja aba jeeda miy,

2 Dimoteo 4:18

Ak gaygwalealneani Ng'uttamiida aba ng'asheanda wassean muy, ak gayghaghamwadan ea dahitta gheambalmeedanyi bea humng'eeda. Gigheambiita daanyi gil ea ghwoaw eaweega manda mudeanooda. Amin.

2 Dimoteo 4:8

ama ng'atta suu geegoonan shiipka aba doobiiwnatta dea iiduw eaweetta jea gagoonan Nguttamiida nea niny ea dea doobiiwaat girgweaga ak ea mii aniini gil akghwahit eara fukka sean gasa gidaheachtannyiin.

Ebraniya 11:26

Ak ghwanung' ghoaw ging'weakka ea sawanadeeda Gristo meanang'oochcheandumeeda haw mawuurji maghasuukka sittiing'da bea ng'eanyiida Misri, aba gideaba ghoamuughu gimearda.

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Yakkobo 1:16

Adereenganneegwa, fuga eaduupcheewi abwariinyi.

Yakkobo 1:19

Hean nea ghoanalli ng'asheesu, fuga eaduupcheewi abwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea miiassas nyaras,

Yakkobo 1:9

Anung'waada oorjeeda giyeanya mwanang' ghaghwar geaw aba jeeda hooseaneagaaschi,

1 Betro 1:4

ak geanyaschi hearanda may ghwadattasa, mandeawana ririnnyeanda, nea mayghwasis, sighamwat aba humng'eeda appadahuukkeagwa,

2 Betro 1:11

ak gajanyasa muuchchi beatta jeeda sugoochcheandumeeda manda muudeanooda bea Ng'uttamiideanya ea lealnoochcheandeanya was Yeesu Gristo.

Giidaheechta 2:9

Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.

Giidaheechta 21:7

Nea dea jooriischi gaygwahearan haleanjeeni, ak gaydoaw Aseettaannyi nea niny gayghoaw balleandeanyu.

Giidaheechta 3:18

Ak gaydayeeshshiineey, shaaha aba heedeanyu lagheanga meeng'meeng'i siihuuna beasta, ak abeeda gaywosa meanang'oochcheanda, nea giikwealli hang'weakka eashish, ak ea meadaaha baspaseega dawiishnattaang'u, ak gaynyasa meajooda jea eashana gheanyangaagu ak abeeda gingweardi.