Yakkobo 2:19 - NEAJEEDA EESH BEA BUUNEESSEAN

¹⁹ Ang'iing'i gumwasi gideaba Aseetta aagi; gidoabiiwi. Eara meangeenda ghamwas nea ghabwaadani.

Bibliyeeda Ghaydit

¹⁹ Ang'iing'i gumwasi gideaba ASEETA ea agi; giidoabiiwi. Eara meangeenda ghamwas nea ghaboadan.

Yakkobo 2:19 Mawu Ofanana

Mattayo 8:29

Ng'ulla Goojuur nea gwayeena, “Geendeayeesi naaha sea ang'iing'i, Ea Balleanda Aseetta? Guwuni sawaneasa nea miighwahidu damandeanya?”

Marko 1:24

Gojuur nea gwayi, “Gendeayeesi naaha sea ang'iing'i Yeesuyda Nasareetti? Guwuni lasa uhuudeanya? Ghanalli siiduwosi guwosi siida Ghaydit bea Aseetta!”

Marko 12:29

Hean gwayeeshsha Yeesu, “Dea madeeda nii gil, ‘Aniyean aleaydiit Israeeli! Ng'uttamiida Aseetteanya gil. Ng'uttamiida niny gil nea gaba geaw.

Marko 5:7

ak gojuur nea gwayeeshsha, Gendeeyeesi naaha Yeesu sea ang'iing'i, “Balleanda Aseetta haw? Geamuscheey aba gheawunga Aseetta adisawannyean!” (

Marko 7:9

Gabiikta Yeesu ak gwayeeshsha, “Agooga gowoschi milmili. Ghoanalli amulsiina deaweedeeda Aseetta aba ng'asheegeangwa oang'ng'wanyaannyi.

Lukka 4:34

“Seh! Akayhindaneasan ang'iing'i Yeesuuyda Nasareetti? Ghwasaan anda gineayaneasa? Ghanalli siiduwosi guwosi dea Ghaydit bea Aseetta.”

Yohaana 17:3

Nea eaweega manda mudeanooda ea nii gil, gideaba ghwanalnyi ang'iing'eeda was Aseetta huumwa ea Yeesu Gristoyda ghayi ijeagu.

Gadiyeeda Giijasoodiga 16:17

Hean ghwaat hudida geeshta Baulo ea geeshteanya nea goojuur nea gwayeena, “Fiisu soomjooga Aseetta haw gil, ak ghapka gwarukuneegwa naweeda lealeanooda.”

Gadiyeeda Giijasoodiga 19:15

Ghwalamda meang'nyeandeenda ak gwayeeshsha saawa, “Ghaanalli Yeesu, ak ghaanalli eara Baulo; as agooga goowoscho geabeang'a?”

Gadiyeeda Giijasoodiga 24:25

Damanda balool Baulo ak ghwasat ng'asheega doobiiwnatta ea gheadeenda ea iitta girgweaksiinda jea ghwahidu, ghabeal Feliksi ak gwayeeshsha, “Nyoobiikta, iyaanyaschi gheatta gichcha gaydaguurneey.”

Ruumi 3:30

Aba huumwa Aseetta iiyagi, nea dea jea ghoadaw doobiiwnatta fukka siyaat ghasmeahooda aba masaweegeani abeeda gay ghoadaw doobiiwnatta eara fukka mii gaweay ghasmeahoodean aba masaweega.

1 Goriinto 8:4

Hean aba iitta agitta hamitta siittaw haleanjeeda mawosa aseetta, geanalli gideaba, “Gidamawosa aseetta mayghwashng'u,” ea gideaba manda Aseetta nuut geaghus akkalealla.

1 Goriinto 8:6

iiduu aba heedeanya aseasa Aseetta aakkalealla, was Ghweanda, was deaghayi leabu haleanjeessean, ak geepiideewi bwadaydaannyi ak gabiissa gwanda Ng'uttamiinagi, was Yeesu Gristo, ghayi rinna haleanjeessean badaydeaba niny, nea eara aseasa geepiideewi niny.

Galattiya 3:20

Asi siida aduuptooschi meaduupchi siyagi ak Aseetta aagi.

1 Dimotteo 2:5

Aba gideaba Aseetta aagi, ak eara dea aaduupchi buuneeda ea Aseetta aagi, ninyi siida was Gristo Yeesu;

Yakkobo 2:8

Hean iyoosinnyi deaweedeedida bea sugoodigean gawuurji ginnyaashta ng'oruutka nea gwayi, “Bwariiyda giischewoochcheandaang'u gidubwariiydi geaw,” abeeda goosinnyi ng'asheanda miy.

Yuuda 1:4

Aba gideaba gheatta ninyas fuga mwaatkwa gaseadayyi aba makcheameeda ghang'eada garayi ak geegwalu aba girgweaksiinda, fuga maba aseetta hutteawi dagheerjeandumeeda Aseetteanya ak ghoabuutta jeeda hiseadayeandumeeda nea ghwashaang' Siideanya haw assakkalealla was Ng'uttamiida, Yeesu Gristo.

Yuuda 1:6

Nea malaykajeega mang'ulla muuchchi hoorgajeega nyaawa ak ghang'amwa heeda eajusu abiitta ea nirattiisa niny jeeda munyaloalajeega maygammuudean aba jeeda misaneeda ea ghwahitta eaweetta haw bea girgweaksiindean;

Giidaheechta 20:10

ak geejaksa meang'nyeandida reengani saawaan jeeda basooda beasta ea giikkayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoaw damanda manda muudeanooda.