Yakkobo 1:21 - NEAJEEDA EESH BEA BUUNEESSEAN

²¹ Asi oshsheagiidana geat ririnnyeanda ea gassooda hawunda muy ak ghoang'ng'waanyi aba garbabanda ng'asheandida, ammu gwaleabu guroruunatkeagwean.

Bibliyeeda Ghaydit

²¹ Asi oosheagiidana geat ririnnyeanda ea gasooda hawunda muy ak ghoang'waanyi aba garbabanda ng'asheandida, ammu gwaleabu gurooruunatkeagwean.

Yakkobo 1:21 Mawu Ofanana

Mattayo 5:5

Ghang'wana fuga ng'eeni, aba gideaba gaygoombal ng'eanyiida.

Yohaana 6:63

Gurorooda dea eattu eaweega gil, aba gideaba saseeda manda gidammu; ng'asheesu earukuneegwean gurorooda gil ea eaweega.

Yohaana 6:68

Ghwasha Simon Betro ak gwayeeshsha, “Ng'uttamiida, akajeeweaya heedeabeang'a? Ang'iing'i gindeawi ng'asheega eaweega manda mudeanooda;

Gadiyeeda Giijasoodiga 10:33

Ak geajeagu buuneeda aba geeshangiga ak eara ang'iing'i gidoabiiwi muuchchi aba gideaba guwuuni. Asi ghamneawa aseasa geendi hiji bea madeeda Aseettean, elleeysiiniit ng'asheega sean indeawi gonnyi Ng'uttamiida.”

Gadiyeeda Giijasoodiga 13:26

“Fugeaduupcheewi, balloojiga dooshta Abrahaamu, ea buuneessean mida jeedeang'wa awali gheang'da Aseettean, giijasi bea lealnoodean siyanneasa.

Ruumi 1:16

Aba gideaba maydabwaspwas aba Giijasta Miy, ba gideaba uurda Aseetta gil dea eadu lealeanooda aba heeda siida wassean mideawa masaweega, heeda siida Yahuudi ammadeeda ak gabassa siida Yunaani.

Ruumi 11:17

Nea damealga mwaatkwa iisihirjeaweada, ama ang'iing'eeda was maseytunajeanda dareabeetta, sing'eapsa bugusta nyaawa, ak goobareannyi baruureega geetta sabiibu asi damealga adoaghwarji geat.

Ruumi 6:17

Ak gagasa ebadiischeesa Aseetta, aba gideaba ghayi goowooschi ging'ng'oonyanga ring'eeda amaduw goosinnyi mureeda aba gurorooda gawuurji fughareetta ghayi siinnaleagwean,

1 Goriinto 15:2

amaduu geelealneegwa, aba iyoang'ng'waanyi muuchchi ak geaghus gaba masaweegeagwa mwadaagha.

2 Goriinto 7:1

Iinukkwa gendeawi hellesiini fugeasu abwariinyi, abeeda ghang'wana geehhuunnyi geat aba ririnnyoojiga sean bea saseeda ea gurorooda nea geemmajeekchi ghaydidanda aba gheawalmeeda Aseetta.

Efeeso 1:13

Ak agooga aba jeedeaba niny noayiinyi ng'asheanda huumwa, nea giijasta miy bea lealeanoodeang'wa, ak ea noamwaschi niny, nea gorooreegwa heelleeda Gurorooda Ghaydit,

Efeeso 4:22

Oappuuda searoojigeagwa bea garayi bea giibinda biissa eamuy aba haleanjeeda sigaseadayyi reengani fih,

Efeeso 4:25

Asi anung'waada ng'uyyeega, daba siisi abaloola gischeewochcheandaannyi humeanda, aba gideaba aseasa geewoschi fuga weechchi.

Efeeso 5:4

Ak ea adiiduw geyiing'sa heedeaeng'wa ng'asheega baspaseega ea gea leendeeda ghana nyootta mureeda.

1 Desaloniikke 1:5

bea gideaba giijasteanya miy mwahinna heedeang'wa nea geaghus ng'asheanda akghwahit, ghabwada gwandeawa uurda, ea Gurorooda Ghaydit nea geesikteawi muuchchi. Ak ghoanalli siisi sirguun giduurji jea goobiida heedeang'wa, appadahuukkeagwa.

1 Desaloniikke 2:13

Nea iissa geebadiischeesi Aseetta galeagasean appadaydeaba ng'asheanji, gideaba deanoang'ng'waanyi ng'asheanda Aseetta ghayi oyiing'si heedeanya, ea moang'ng'waaydani ng'asheanda buuneeda ghoanung' gawuurji ng'asheanda Aseetta, biissa gagadiyi aba jeedeang'wa agoogeeda mideawa masaweega.

Ditto 2:11

Aba gideaba dagheerjeandumeeda Aseetta lealu buuneessean sittaajiiti,

Ebraniya 12:1

Asi, dea nineaweesiinaneasa shamooghooda haw bea muushoodiga, gagasa easaja giliwas sareenda, ea ring'eeda nekkiisseasa muuchchi ak ghwanung' eesalda nea geemmiriikchi ng'weega siyiin madeedeanya,

Ebraniya 2:3

aseasa gajeammuusa eemuldaan imeduuppi lealeanooda haw deenu? Aba gideaba ghayi nibay gwayi Ng'uttamiida ammwadi, ak gagoaneasa fukghayi iiy niny,

Ebraniya 4:2

Aba gideaba giijasta miy ghwahittaayda heedeanya gidahittaayda heannyaawa; nea iitta nyas ghanyea maloossiina gil, aba gideaba mwanyasa masaweega aba jeeda fuga iiy.

Yakkobo 4:8

Aneekkissiina Aseetta ak gaygwaneekkiseegwa agooga. Oammiinni geattingeagwa, ea fuga ring'eega, oammiinni guroruunatkeagwa, ea fuga mabwagi.

Yakkobo 5:20

abeeda ea danala gideaba siida adeelu siida ring'eeda ea gwarinna jeeda ramaseanda naweadaannyi gaygwalealna guroroadaannyi miyeeda ak gaygwadukuta seang'ayda ring'eega.

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

1 Betro 1:9

Gawuurji huuydeanda masaweegeagwa abeeda gajanyasa lealeanooda guroruunatkeagwa.

1 Betro 2:1

Asi ageandeawana geat munyinda sean ea milmilanda sean ea nyootta doobiiwnatta ea shidoodeaba ghaang' ea beeshta sean.

1 Betro 2:11

Fugabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchchi sea guroruunatkeagwa.