Yakkobo 1:17 - NEAJEEDA EESH BEA BUUNEESSEAN

¹⁷ Gilinyoo eahhaakta miy ea gilinyoo eattayda hidaat gwaleabu heettiyeada, ak ghwararang'aana heeda Bwaabwa weeshinda nea headaannyi ea manda yammoodeaba geaw ghana jironeeda yamitteaba geaw.

Bibliyeeda Ghaydit

¹⁷ Gilinyoo eahaakta miy ea gilinyoo eatayda hidaat gwaleabu heetiyeada, ak ghwararang'aana heeda Bwaabwa weeshinda nea headaanyi ea manda yamoodeaba geaw ghana jirooneeda yamiteaba geaw.

Yakkobo 1:17 Mawu Ofanana

Mattayo 7:11

Abeeda iyoanalli agoogeeda munyas gideaba gajoattawa diibigeagwa haleanjeeda miyaas, ea mayghwaraanya muuchchi Ghweandeang'wa mida humng'eeda ak ghoadaw gea miyaas fukka ikkaaschi musiini!

Lukka 11:13

Agooga fuga munyas, iyoanaldunu gichchea oattawda diibigeagwa haleanjeeda miyaas, abeeda Ghweandeang'wa mida humng'eeda mwanala muuchchi ghoadawda Gurorooda Ghaydiit fukka musa ninyiin!”

Yohaana 1:9

Nii weeshinda huumwa gil hidu jeeda ng'eanyiida ak ghoabwaay giliwas sihi.

Yohaana 3:27

Gwayeeshsha Yohaana, “Siida mwoammu ghwanyas gidawassean geaghus dea siittaw leabu humng'eeda.

Yohaana 3:3

Ghwasha Yeesu ak gwayeeshsha niny, “Aba huumwa, aba huumwa geayeeshshineey siida imebiikta eeji deaba iyyeennya ea mayghwadaah sugoochcheandumeeda Aseetta.”

Yohaana 8:12

Gabiikta Yeesu gichcha gobalool saawa nea gwayeeshsha, “Aniini geawoschi weeshinda ng'eanyiida; siida eadu geeshteanyu maygwaneayeewa jeeda misaneeda, niny abeeda gaygwandeawa weeshinda eaweega.”

Gadiyeeda Giijasoodiga 11:18

Iiduw nea ghwayiiy ng'asheesu ghwasiinda. Ng'atta geakghambiit Aseetta nea geeyi, “Aseetta niidaw eara Emoojiga gheatta duukkuunooda ak ghwanyas eaweega.”

Gadiyeeda Giijasoodiga 5:31

Nii deaghayi adiing'u Aseetta gil ak gawa geattindaannyi bea dugwa ak ghoaw siida haw ea lealnoochcheanda, ak ghwanung' gwaduukuuna fuga Israeeli ak geesamsa ring'eega.

Ruumi 6:23

Aba gideaba mushaahareeda ring'eeda miyeeda gil, nea gichchea gagu Aseetta mwadaagha ea eaweega manda mudeanooda gil aba jeeda Gristo Yeesu Ng'uttamiideanya.

1 Goriinto 4:7

Ghwadaah ng'eaha gidawassean sajaadawaat aba jeedeang'wa? Ak gondeawi naaha ghayi moanyasi? Ama ghayi oanyaschi, ghwasaan inyas ghoaghwarji geat ea gawuurji gili megooneegwa?

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

Efeeso 1:18

Gheanyanga mida jeesingeagwa gagasa eayyeat, ak ghoanalli rarooda gidaguurdeaydaneegwa giduurji, ea meanang'oochcheandumeadaannyi ea giigheambiitta hearaniischoodaannyi aba heeda fuga ghaydidi,

Efeeso 2:8

Aba dagheerjeandumeeda silealneegwa aba naweeda masaweega; ea masna milmilandeang'wa osinnyi, nii gagu Aseetta,

Filippi 1:29

Aba gideaba agooga geegooneegwa gheatta appadayda Gristo jea agadiyeesiina, ea mabeachchi masaweega gwanda eara gideaba gajeesawaneegwa appadaydaannyi,

1 Dimotteo 6:16

ninyi nea gaba geaw mwayghami ak gwanda jeeda weeshinda majeeneekiisa ak ea manda siida nidaah ak ea manda siida ammu ghwadaa. Mureeda ea uurda daanyi gil ea ghoaw eaweega manda mudeanooda! Amin.

Ebraniya 13:8

Yeesu Gristo gawuurji gideaba heetta ea ghamneawa ea gagul damanda manda mudeanooda.

Yakkobo 1:5

Asi siida wassean mida jeedeang'wa isuunyeewa weaghumeeda, ea damwaash Aseetta, adawi buuneessean haleanjeeda aba innyeanda jeeda, nea maygwareekusa ak gajeattaw.

Yakkobo 3:15

Abeeda weaghumeeni ea maleapna heettiyeada, nii gaba badayda ng'eanyiida, ak ea maba gurorooda, ak gaba meang'nyeandeenda.

Yakkobo 3:17

Duukku weaghumeeda leabu heettiyeada gidamadeeda aamiy, nuut gaba weayda, ak ea garbabu, nea iissa goleeysiit ng'asheega buuneeda, nea gwandeawa haghweega miyaas, ak ea mayamiisachchi ghana gwareengani buuneeda.

1 Yohaana 1:5

Nii ng'asheanda ghayi siyiing'si headaannyi gil ak geerukuneegwa, gideaba Aseetta weeshinda gil ak jeadaannyi ea manda misaneeda earahay.

1 Yohaana 4:10

Nea nii ea bariinyeega, mii gideaba geabwariinyi aseesa Aseetta ghabwariinyeasa niny ak goojeagu Balleandaannyi ghoaw dea adayda leadeeda riing'eegaasa.

Giidaheechta 21:23

Ak mujiineedida ea magassa gideaba gayghoobwaay aseetta ghana sheeda, aba gideaba giigheambiitta Aseetta weeshindaannyi, ak gheaboong'nyeandaannyi ea Dayeenda Gisilleanda gil.

Giidaheechta 22:5

Ak ea maygutgwanda eaweeda; nea magasa weeshinda gheaboong'nyeanda ghana aseetta aba gideaba Ng'uttamiida was Aseetta gayghoaw weeshinda nyaawa, saawa gaygoombaliischi ea ghoaw damanda manda muudeanooda.