Yakkobo 1:16 - NEAJEEDA EESH BEA BUUNEESSEAN

¹⁶ Adereenganneegwa, fuga eaduupcheewi abwariinyi.

Bibliyeeda Ghaydit

¹⁶ Adeereenganeegwa, fuga eaduupcheewi aabwariinyi.

Yakkobo 1:16 Mawu Ofanana

Mattayo 22:29

Ghwasha Yeesu nea gwayeeshsha saawa, “Agooga ghoaramwaschi aba gideaba mwoanali Ng'ooruutka ghana uurda Aseetta.

Marko 12:24

Gwayeeshsha Yeesu saawa, “Agooga noaramwaschi muuchchi aba gideaba moanali ginnyaah ng'ooruutka Ghaydit ghana uurda Aseetta.

Marko 12:27

Niny mii Aseetta fuga nimeewa gil. Niny Aseetta fuga duugwanda. Agooga noaramwaschi muuchchi.”

Gadiyeeda Giijasoodiga 1:15

Aba eawoojikka ghang'eat Betro ghamiinaada aba jeeda fuga siduupcheewi (nea abeeda monneeda buuneeda ghwahitta bughala ea diktam), ak gwayeeshsha,

1 Goriinto 6:9

Ghana moanali gideaba fuga mii doobiiweadi maygwahearan sugoochcheandumeeda Aseetta? Adeereenganneegwa; fuga munyas searooji gil, ghanea fuga bada haleanjeeda gidamawosa Aseetta, ghanea fuga mealuuli, ghanea fuga ashiigi suurja,

Galattiya 6:7

Adereenganneegwa, Aseetta meereenganna, aba gideaba siida gayghwalach gidawassean ghayi hista.

Filippi 2:12

Asi fugeasu abwariinyi, aba gideajusu ondeayeatti mureeda galagasean, asi ghamneawa, ea adoosinnyi gideaballi ghwaraanya muuchchi iimeandani hiji, agadiyeesiina lealeanoodeang'wa aba muwda nea ghoabwadannyi;

Filippi 4:1

Asi, orjoogiyya, abwariinyi nea geagasayi, was hooseaneegeasu ea shiipka amiinaada nea goomajeegichchi aba jeeda Ng'uttamiideanyu, fugeasu abwariinyi.

Golosaayi 2:4

Geargu nii aba gideaba adiiduw ghoamwaschi gwareenganeegwa siida aba ng'asheega ng'uyyeega.

Golosaayi 2:8

Asi ashageada adaghaghaseagwa siida ak gahuttaneegwa aba fughareedaannyi bea mwadaagha aba searoojikka bea buneedean, aba haleanjeedeaba garayi bea meangeenda mida jeeda ng'eanyiida nea mii dea Gristoohi.

2 Dimoteo 2:18

Nea saawa ea ninung'waada naweeta bea humeandean nea geebaloola gideaba duunooda goolla ghwahidu, ea ghwayam masaweega buuneeda mwaatkwa.

Ebraniya 13:1

Bariinyeega oorjoogiyya gagasa eamaduuleana.

Yakkobo 1:19

Hean nea ghoanalli ng'asheesu, fuga eaduupcheewi abwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea miiassas nyaras,

Yakkobo 1:2

Anung' ghoaw haleanjeessean hooseaneega, fuga eaduupcheewi, aba isisimsimeegwa aba gilakkil,

Yakkobo 2:1

Fuga eaduupcheewi, adiiduw ghoahhiimu shiitmeeda nea ghoong'ng'waanyi masaweega Ng'uttamiideanya was Yeesu Gristo, Ng'uttamiida gigheambiita.

Yakkobo 2:14

Fuga eaduupcheewi, gayghwaloat naaha, iyayi siida geandeawi masaweega ak ea mandeawana gadiyeeda? Masaweekka ikkaaschiin gayghoammu gwalealu?

Yakkobo 2:5

Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Yakkobo 3:1

Fuga eaduupcheewi, adoohuuyi ginealshoodiga saang'a aba gideaba ghoanalli beadi aseaseeni anealshiin jea eanyasa girgweaksiinda haw ea ghwanaawda.

Yakkobo 3:10

Aba ghuuttida assagiin iissa gwarinna ghawooda ea mooshteada. Fuga eaduupcheewi, ng'asheesu mwahida gideaba gaygwasnu.

Yakkobo 4:11

Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Yakkobo 5:12

Fuga eaduupcheewi, aba haleanjeessean, adiiduw giyaagi habeawooda, aba humng'eeda ghana aba ng'eanyiida, ghana aba habeawooda wassean, iyoyeennyi eah gagasa ghoaw eah, nea iyoyeennyi manda gagasa ghoaw manda, ak abeeda ea moppedeaysiini jeeda girgweaksiinda.

Yakkobo 5:19

Fuga eaduupcheewi, siida wassean aba jeedeang'wa ineeyi ea gwasheagiida huumeanda ak godeelu sih nuut gabiigu,