Yakkobo 1:12 - NEAJEEDA EESH BEA BUUNEESSEAN

¹² Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Bibliyeeda Ghaydit

¹² Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

Yakkobo 1:12 Mawu Ofanana

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

Lukka 6:22

Ghoang'wani agoogeeda sideagwa buuneeda, nea gwahistaneegwa nea gong'eawweegwa ak geemmunyasiidi gheawungeagwa, appadayda Balleanda Siida!

Ruumi 5:4

nea milikghteayda gaygweadu hang'ooynatta jeeda, nea hang'ooynatta jeeda gaygweadu rarooda,

Ruumi 8:28

Ak geanalli gideaba aba jeeda ng'asheega sean iissa gwasin Aseetta gadiyeeda miy sea fukka bwariiy ninyiin, fukka ghayi suguursa aba gidagassiida ninyiin.

1 Goriinto 2:9

gawuurji gissung'waarda, “Haleanjeeda manda gheang'da nidaa, ghana iitta niyiiy, ghana ghoapkaat guroorooda siida, haleanjeeda nigeawiit gwasissin Aseetta appadahuukka fuga bwariiy niny.”

1 Goriinto 8:3

Nea siida iibwariiy Aseetta, abeeda siisi ghwanal Aseetta.

1 Goriinto 9:25

Nea siida mida jeeda deangheeda iissa ghwasaja geaw haleanjeessean. Asi iissa gwasindunu ak abeeda ghwanyas shiipka, ak geegalleadi ak abeeda geanyaschi shiipka mayghwadattasa.

2 Dimoteo 2:15

Milmiliida eadaanyi gideaba nimwasnyi Aseetta, siida gadiyeeda mwabwaspwasa aba gadiyeedaanyi, ak ginaali ng'asheanda huumwa aba gidamisiinda.

2 Dimoteo 4:8

ama ng'atta suu geegoonan shiipka aba doobiiwnatta dea iiduw eaweetta jea gagoonan Nguttamiida nea niny ea dea doobiiwaat girgweaga ak ea mii aniini gil akghwahit eara fukka sean gasa gidaheachtannyiin.

Ebraniya 10:32

Asi apkaada askwearjoojiga ghayi bea mwadi damanda sippwaanyaneey, hean ghoarjeang'di ng'uchcheeda ng'waan ea sawanadeeda,

Ebraniya 11:17

Abrahaamu aba masaweega, eaweetta sisimsima, ghoadayda Isakka, nea ninnyeeda ghayi nyas helleesiinda hean gagasa ghoadayda balleandaannyi was haghasheeda,

Ebraniya 12:5

Ak ea niroosseegwa ng'asheega ghayi rukuneegwa nea gwahindaneegwa balloojiga? “Balleandeanyu, adiiduw gung'ulayi nea giibudeayani lasooda lasnyi Ng'uttamiida, ghana gabur iheengeagwa iilaseegwa niny.

Ebraniya 6:15

Gwasnu eara Abrahaamu, aba riyeeng'deayda, ghwanyas helleesiinda.

Yakkobo 2:5

Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Yakkobo 5:11

Ang'ulla, geguuri fiisu fuga mideawa ng'wanaweega aba gideaba ghamilikghta. Ak ea noayiinyi iitta milikghteayda Ayuubu, ak ea noadaayi gidabaysiina Ng'uttamiida gwandeawa baydeayda nea garbabu.

1 Betro 3:14

Eara gwasa asawanana appadayda doabiiwnatta, gajeegooneegwa ghawooda. Adoawalli saawa, nea adaghang'udeegwa muuwda,

1 Betro 4:13

Asi ahoosana aba gideaba nooppareanyi sawanaduutka Gristo, ak abeeda earagooga gohoosannyi nea goong'weelayi damanda jea eattahaaja gigheambiittaannyi.

1 Betro 4:14

Iisiyeattaneagwa ghuut aba gheawunga Gristo ea ng'wanaweegeagwa gil aba gideaba gurorooda gigheambiitta bea Aseetta gwanda badaydeang'wa.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

1 Betro 5:4

Iiduw nea geattajiit Jeagiischoochcheanda haw, gajanyasa shiipka giikka mayghaghajaamiit bea gigheambiittean.

1 Yohaana 4:19

Aseasa geabwariinyi, aba gideaba goosheeda niny ghabwariinyeasa.

Giidaheechta 2:10

Asi adiiwali ng'asheega jea nyasa was sawanadeeda. Ng'ulla, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda gesimsimeegwa, ak aba jeemba askweajooji damanamughuush gajanyasa sawanadeeda. Wosa doabiiwaat ea hitta miyeeda, ak gaydagoonnyi shiipka mideawa eaweega.’”

Giidaheechta 3:19

Fukkeanji abwariinyiin, inyeessa geawoowsi nea ghabwarji; asi milmiliida ak giduukkuuni.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.