Mattayo 7:7 - NEAJEEDA EESH BEA BUUNEESSEAN

⁷ “Amusa, ak gajeegooneegwa, agassa ak gajanyasa, aguurdeawana dooshta ak gajeejeasseegwa.

Bibliyeeda Ghaydit

⁷ “Amusa, ak gajeegooneegwa, agassa ak gajanyasa, aguurdeawana dooshta ak gajeejeaseegwa.

Mattayo 7:7 Mawu Ofanana

Mattayo 18:19

Geayeeshshineegwa gichcha, aba jeedeang'wa ineajeesa fii iyyeenya ng'ashaan aba hiji bea badayda ng'eanyiidean ak ghamwaash Aseetta, gayghoadaw Bwaabwa mida humng'eeda.

Mattayo 21:22

Amaduw iyondeawi masaweega, ak goomuschi nea ghoamwaashchi ghawooda gajanyasa haleanjeessean oogasayi.”

Mattayo 6:33

Anyoo ghannyi oshsheeda agassa sugoochcheandumeadaannyi ea doobiiwnattaannyi, ak abeeda gajeehheaneegwa haleanjeeni seaniin gajea geagwa.

Mattayo 7:11

Abeeda iyoanalli agoogeeda munyas gideaba gajoattawa diibigeagwa haleanjeeda miyaas, ea mayghwaraanya muuchchi Ghweandeang'wa mida humng'eeda ak ghoadaw gea miyaas fukka ikkaaschi musiini!

Mattayo 7:8

Aba gideaba siida nyoo gamusiischi gajeattaw, ama siida gasiischi gayghwanyas, nea siida guurdeawa dooshta gajeejeassa.

Marko 11:24

Asi Gaydayeeshshineegwa, iyoamwaashchi nea goomuschi gil, amwasa gideaba noanyaschi, ak gajegooneegwa.

Lukka 13:25

Gayghwahidu damanda jea ghang'eat siida bea gheeda ak ghwajap gidaghuutta, hean goobissi amiinaada ak googulgulli gidaghuutta, nea gooyeennyi, ‘Ng'uttamiida, jasseasa.’ Ak gayghwasha niny nea gwayeeshsha, ‘Mwaanali heedooleabu.’

Lukka 18:1

Hean gwarukusa ng'asheega nea gagalla geat nea gagasa gideaba gaygammiisa sawa mooshta Aseetta galeagasean nea mapra.

Yohaana 15:16

Aniini moaloadaan agooga, ghaloachcheagwa aniini ak ghaanung' aweayeena ak gojiilli haghweega jea ghwashng'u; ak abeeda gagoneegwa Bwaabwa gidawassean iyoomuschi aba gheawungeasu.

Yohaana 15:7

Iyoppiidi jeedeanyu, nea gobiida ng'asheegeasu jeesingeagwa, abeeda amsa gidawassean oogasayi ak gajeesinneagwa.

Yohaana 4:10

Ghwasha Yeesu nea gwayeeshsha niny, “Inyeeda ghwanyawa ginali haleanjeeda goona Aseetta ak ea ng'eaha gil siida eshshiineey, ‘Gonean beega jaadali,’ ghwanyawa gaymusa niny ak gaygagoonnyi beega mideawa eaweega.”

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

Ruumi 3:11

manda siida nal gil, manda siida gaseadayyi Aseetta.

Ebraniya 11:6

Nea iimanda masaweega ahang'waay gideaba gajahoosana niny. Aba gideaba siida wassean jea gwaneekkiissa Aseetta gagasa ghwanal gideaba niny gwanda ak gomeari fukka gaseadayyi ninyiin.

Yakkobo 5:15

nea mooshta Aseetta aba masaweega gaygwalealu siida miyaan, ak gaygagatkat Ng'uttamiida; amadeeppa ea nisin ring'eega, abeeda gajeesamsa.

1 Yohaana 3:22

ak iissa geenyaschi gidasumuschi, aba gideaba geang'ng'waanyi digheannyeekkaaschi nea geesinnyi gidabwariiy niny.