Mattayo 7:21 - NEAJEEDA EESH BEA BUUNEESSEAN

²¹ “Mii giliwas sih ennisean, ‘Ng'uttamiida, Ng'uttamiida,’ jea gawa jeeda sugoochcheandumeeda humng'eeda, geaghus siida sin gidagasa Bwaabwa mida humng'eeda.

Bibliyeeda Ghaydit

²¹ “Mii giliwas sih eeniisean, ‘Ng'utamiida, Ng'utamiida,’ jea gawa jeeda sugoocheanduumeeda humng'eeda, geaghus siida sin gidagasa Bwaabeeda mida humng'eeda.

Mattayo 7:21 Mawu Ofanana

Mattayo 12:50

Aba gideaba siida wassean nyoo gwasin gitta bwariiy Bwaabwa mida humng'eedean, siisi abeeda oorjeeda giyyeanya gil, ea huda giyyeanya, ea iyya.”

Mattayo 16:17

Ghwasha Yeesu nea gwayeeshsha niny, “Ging'wani ang'iing'i, Simoneeda Bar-Yoona! Aba gideaba ng'asheanji moadaajiida saseeda ea foojeanda nii ghoahiimneey Bwaabwa mida humng'eeda.

Mattayo 18:10

Ang'ulla! Adiiduw goofoolli earagi aba jeedeaba suu manang'iin, asi geayeeshshineegwa aba humng'eeda malaykajeega nyaawa iissa gang'ula galeegasean gheamamda Bwaabwa mida humng'eeda. [

Mattayo 18:19

Geayeeshshineegwa gichcha, aba jeedeang'wa ineajeesa fii iyyeenya ng'ashaan aba hiji bea badayda ng'eanyiidean ak ghamwaash Aseetta, gayghoadaw Bwaabwa mida humng'eeda.

Mattayo 18:3

ak gwayi, “Aba huumwa geayeeshshineegwa, imwoayami geat ea awuurjeewana diibiga, ea majaghannyi aweayeena jeeda sugoochcheandumeeda humng'eeda.

Mattayo 18:35

Asi gwasunu eara Bwaabwa mida humng'eeda gaygwahinduneegwa eara agooga iimaba siisi samsa oorjeeda geannyaawa aba jeadaannyi sean.”

Mattayo 19:24

Nuut gichcha geayeeshshineegwa, gajawussis muuchchi gideaba gaygwasik diyeayda suguura nngamiya seawadeeda sidageeda ea eamawuurji gideaba gaygawa meanang'oochcheanda jeeda sugoochcheandumeeda Aseetta.”

Mattayo 25:10

Ng'eat ng'eat haweekka dasheahiin gaweay ghwasha nagheeda, goobeeru siida geeshshi ak goodeayi jeeda gheeda haweekka hidaat bay ea niding'ding'dean ak gaweay jeeda gheeda nyeangiida amang'atta gearat gidaghuut.

Mattayo 25:21

Gwayeeshsha siitta hawiin, Ghwadoabiiw soomjeanda miy doabiiwaat; nuwosi doabiwaat aba haleanjeeda ng'ayi, gajambala gasaang'a, benni apteada nea gihoosani sea siida haw.

Mattayo 26:39

Hean gawa mwadi gilimwanang' ak gwatkuy ak gakkula gheamamdaannyi ng'eanyi ak ghamwaash Aseetta nea, gwayi Ea Bwaabwa, iimmuusi ginung' ghwasajaadawanaan bayoogi, ea adaghoaw gideagassiidi aniini, nung' ghoaw gidigassiidi ang'iing'i.”

Mattayo 26:42

Gabiikta deabiyyeenya ak ghamwaash Aseetta nea gwayi, ea Bwaabwa, iimay ghwasajaadawanaan bayoogi ea eeghus daleayda nung'waanda gwasa gidigassiidi ang'iing'i.”

Marko 3:35

Siida nyoo gwasna haleanjeeda bwariiy Aseetta, siisi gayghoaw oorjeediyya, nea gayghoow eara hudiyya, nea gayghoaw iyya.”

Marko 9:47

Eara gheang'daang'u iyaschoardaneey, ghang'wana giloodu! Ghang'wana guwi jeeda gheambalmeeda Aseetta nea gibeahi ghaang'agi. Mwasamwa gideaba gindeawi gheanyangaagu duwaaw amaduw geejakseey jeeda beasta manda mudeanooda.

Lukka 11:28

Hean gwayeeshsha, “Ghang'wana fukka iiy ng'asheega Aseetta nea ghoang'waayiin!”

Lukka 13:25

Gayghwahidu damanda jea ghang'eat siida bea gheeda ak ghwajap gidaghuutta, hean goobissi amiinaada ak googulgulli gidaghuutta, nea gooyeennyi, ‘Ng'uttamiida, jasseasa.’ Ak gayghwasha niny nea gwayeeshsha, ‘Mwaanali heedooleabu.’

Lukka 18:25

Asi gajawussis muuchchi gideaba gaygwasik nngamiya seawadeeda sidageeda, maygawuurji beatta jea gawa meanang'oochcheanda jeeda sugoochcheandumeeda Aseetta.”

Lukka 6:46

“Ghwasan anda googurewean ‘Ng'uttamiida, Ng'uttamiida,’ nea moosinni gidearukneegwa?

Yohaana 14:7

Inyeeda ghwanyawa ghoanallaan, gajanala eara Bwaabwa, ghang'eada ghamneawa ghoanalli ak ea noadaayi niny.”

Yohaana 15:23

Siida sidan aniini abeeda ghwasit eara Bwaabwa.

Yohaana 3:5

Ghwasha Yeesu ak gwayeeshsha, “Aba huumwa, aba huumwa, geayeeshshineey, siida imiyeejiilna beega ea Gurorooda ea mayghoammu gawa jeeda sugoochcheandumeeda Aseetta.

Yohaana 5:17

Ng'atta gwayeeshsha Yeesu saawa, “Bwaabwa gudugagadiyi eara ghamneawa, ak earaniini geagadiyi.”

Yohaana 6:40

Aba gideaba gidagasa Bwaabwa nii gil, gideaba siida nyoo ghwadaa Balleanda ak ghamwas abeeda ghwanyas eaweega manda mudeanooda, ak gaydeaduudu eaweeda huydean.”

Yohaana 7:17

siida bwariiy gwasin gida bwariiy niny, gayghwanal ginealshooni ea gwaleabu heeda Aseetta ghana gideaba gearukku aba gheambalmeedeanyu.

Gadiyeeda Giijasoodiga 14:22

hean goomajeek guroruunatka ginealanga, nea gobaloola gideaba oppiidana jeeda masaweega, ak gwayeeshsha gajeanyasa sawanaduutka saang'a ijea eweaya jeeda sugoochcheandumeeda Aseetta.

Ruumi 12:2

Adiiduw gommaseawji giduurji ng'eanyiida, geaghus ghanyi eayameagwa ak geanung' ahuuwa fuga eashish aba fughareengeagwa, ak abeeda ghoanalli muuchchi gidabwariiy Aseetta was ng'asheega miyaas, sumwas biissa ea majeekcheewi.

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda Aseetta, geaghus fukka sina deaweeda jea eattaw doobiiwnatta.

Efeeso 6:6

nea mii gideaba googadiyeesi aba gheanyanga gil akghwahit, gawuurji fuga ahoosan buuneeda, gagasa gawuurji soomjooga Gristo, nea goosinnyi ng'asheega bwariiy Aseetta leabu jih,

Golosaayi 4:12

Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

1 Desaloniikke 4:3

Aba gideaba ng'asheesu gea bwariiy Aseetta gil was gimmiinnoodeang'wa, ak gohhelleewi geat hiseadayeandumeeda;

1 Desaloniikke 5:18

abadiischeena aba giliwas gil; aba gideaba nii gidabwariiyda Aseetta aba heedeang'wa aba jeeda Gristo Yeesu.

Ditto 1:16

Iissa gwargu gideaba geanalli Aseetta, nea iissa ghwashaang' aba sinaweega nyaawa, nea gwandeawa sichcheeda, ak ea mandeawana mureeda, mammiisiina sinooda gadiyeeda miy.

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

Ebraniya 4:6

Asi earagwasa gideaba gwanda fuga jea gaweay jeeda, nea fukka ghayi asheeda ghoang'ng'waay giijasta miyiin ghwaraay gaweay jeeda aba nyootta mureeda,

Yakkobo 1:22

Nea gagasa ahuuwa fuga sina ng'asheanda, adoobeachcheewi iing'da akghwahit, nea goreenganayi geat.

1 Betro 2:15

Aba gideaba nii gidagassiida Aseetta gil, gideaba aba sunooda ng'asheega miyaas abeeda geanung' ghwasiinda leendeeda fuga dasheahi.

1 Betro 4:2

nea heessunung' abiideewa siida badayda ng'eanyiida aba ng'asheega gasa saseeda nea mii gidagassiida Aseetta gil.

Giidaheechta 2:27

ak gayghoohaaghwiida saawa bileangida gharinnyeanda, gawuurji gidiissa ghwanyarda haleanjeeda sisna sigeeda ak ghoaw banajanga, gwasnu earaniini naanyaschi uurda leabu heeda Bwaabwa;

Giidaheechta 22:14

Ghang'wana fuga ahuun hang'weakka nyaawa, ak gwandeawa doobiiwnatta jea gaweesiina geetta eaweega ak gaweay jeeda mujiini aba gidaghuudajeagaaschi.

Giidaheechta 3:5

“Nea siida jooriischi gajeekwealsa hang'weakka eeshish, ak ea maydeabuus ghawungaaschi aba jeeda gittaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.