Mattayo 6:2 - NEAJEEDA EESH BEA BUUNEESSEAN

² Asi ang'iing'i iidaydi haleanjeeda iiweadi fuga barbari adidiing'u geaw ak gisindi gidasinniida fuga ammiitu geat aba jeesinga ghorajeega siinnealshachcheewa ea ghuusiga naweadinga, gagwarsa buuneeda. Aba huumwa, geeyeeshshineegwa suuh ninyas gimearda nyaawa.

Bibliyeeda Ghaydit

² “Asi ang'iing'i iidaydi haleanjeeda iiweadi fuga barbari adiidiing'u geaw ak gisindi gidasiniida fuga amiitu geat aba jeesinga ghoorajeega siinealshacheewa ea ghuusiga naweadinga, gagwarsa buuneeda. Aba huumwa, geeyeeshiineegwa suh ninyas giimearda nyaawa.

Mattayo 6:2 Mawu Ofanana

Mattayo 15:7

Ea fuga ammittu geat! Nidoabiiw ng'asheanda ghayi ramoaran sibaneeda suguura Isaaya appadahuukkeagwa nea gwayi,

Mattayo 16:3

Iighar gayeew iissa gooyeennyi, ‘Askwareani gaygwaduksa, aba gideaba humng'eeda ea areara nea ghwang' eabeal.’ Ghoammuschi anala damannyoojiga iyoong'ulayi humng'eeda, nea mwoammuusi anala gwadeagwajeega damannyoonyiga.

Mattayo 22:18

Gwajeeng'u Yeesu munyasnachcheekka nyaawa ak gwayeeshsha, “Anda googasayi asimsimean ea fuga ammitu geat?

Mattayo 23:5

Gichcha sinaweega nyaawa sean inyeessa gwasin ghwadaa buuneeda aba gideaba iissa gooheettu barawajeegeagwa bea mooshta ghawooda, nea googeawiidi seapseata nyaawa.

Mattayo 23:6

Fuga bwariiy goobitpiida hoorgajeegeaba mwadi eaweetta ghwelmeeda, nea ghabwaariiy goobiida mwadi aba jeesinga ghoorajeega sinnealshachcheewa.

Mattayo 24:51

Ak gayghwaaga ghorjooda, ak ghwanung' gwandeayi sea fuga ammittu geat; abeeda gaygwanda shookka ea giwiirrooda geeshatka.

Mattayo 5:18

Aba huumwa geayeeshshineegwa; eara ghang'atta humng'eeda ea ng'eanyiida, ghanyeamanda eara hiji mwanang', ghana roobadeanagi mwanang', muuchchi bea deaweeda majeegeanda ea gwasa ng'asheega sean.

Mattayo 6:16

“Gichcha iyoolluuldi geat, ea adoowuurjeewi fuga ammittu geat, saawa iissa gookkaroomnyi gheamamuunatka nyaawa ghoahiimu geat ghwadaa buuneeda gideaba niluudi geaw. Aba gideaba geayeeshshineegwa suuh ninyas giimearda nyaawa.

Mattayo 6:3

Asi ang'iing'i iidaydi haleanjeeda iiweadi fuga barbari eara geattindaang'u ghaadaam adaghwanal gisiin geattindaang'u bea dugwa.

Mattayo 6:5

“Asi iyoamwaashchi Aseetta, ea adoowurjeewi fugiga ammiittu geadiin; saawa ghabwariiy ghamwaash Aseetta nea ghaminaada aba jeesinga ghorajeega siinnealshachcheewa ea ghuusiga naweadinga, ghwadaa buuneeda. Aba huumwa, geayeeshshineegwa, nigeawiit ghwanyas gimearda nyaawa.

Mattayo 7:5

Ea siida ammiittu geaw, nyoo ghannyi asheeda geanda geetta mida jeeda gheang'daang'u, ak abeeda gajammuusa geanni hararooyeanda mida gheang'da oorjeeda geamadu.

Marko 12:39

Nea eara Iweay gealga ghwelmeeda ghwanyoahaada hoorgajeega madeeda.

Marko 7:6

Ghwalamda Yeesu ak gwayeeshsha, “Fuga ammiittu geat! Niiw huumwa ramoraneeda ghayi rukutteawa. Isaya badahukkeagwa, ‘Ghayi gwayi Aseetta, Fiisu gwasinnunean mureeda aba ghuusiga akghwahit, nea guroruunatka nyaawa easheagewean.

Lukka 11:41

Asi oattawa haleanjeeda sisappa geadi bea ghadoweeda bea jih; abeeda gayghammiidu haleanjeessean aba heedeang'wa.

Lukka 11:43

Farisayajeega ashageada! aba gideaba ghoabwariinyi oppitpiidana horgajeega madeeda aba jeeda gealga sinnealshachcheewa nea geekkeattooscheeweegwa aba naada.

Lukka 12:33

Ashaayda haleanjeeda ondeawi ak ghoattaydi haleanjeeda sisappa geadi bea ghadooweeda; asissina geat shageeniga mawoosiitta, gheaseeda mayghoashoay aba humng'eeda heeda may gwaneekkiissa mareanghweanda, heeda mayghwaak eara muguyga.

Lukka 12:56

Fuga ammiittu geat! Ghoanalli arukuni giduurji ng'eanyiida ea humng'eeda ak ea moanaldaniin arukuni damani bea ghamneawean?”

Lukka 13:15

Hean ghwasha Ng'uttamiida nea gwayeeshsha, “Fuga ammiittugeat! Aba agooga gwanda siida maygwajeassa heaydaannyi ghana digeadaannyi aba seammooda, eaweeda Sabatto ak gawa ghoalleayda?

Lukka 20:46

“Ashageada ng'oorshoodiga, fuga bwariiy gwaleammideawa hang'weakka geawwi bwariiy eyenniisa seayu aba naadajeega, ea hoorgajeega miyaas aba gealga sinnealshachcheewa, nea eara iweay gealga ghwelmeeda ghwanyoahaada hoorgajeega madeeda,

Lukka 6:24

“Asi ashageada agoogeeni owoschi baruurjeewiin, aba gideaba noanyaaschi hawdeayda.

Lukka 6:42

Ak gajammuustaan eshshiina oorjeeda geamadu, ‘Oorjeeda iyya, nung' dageanu hararooyeanda mida gheang'daang'u,’ nea midaahi geetta mida gheang'daangu ang'iing'i. Siida ammiittu geaw, nyoo ghanyi geanda geetta mida ghang'daang'u, abeeda gaydaaha muuchchi gichchea geandeayda hararooyeanda mida gheang'da oorjeeda geamadu.”

Yohaana 13:29

Aba gideaba Yuuda abeeda siida adiinng'iida sandakkwajeanda lappiya gil, hean ghaghay ginealanga mwaatkwa gili eeshsha Yeesu shaaha haleanjeeda sigasa eaweetta ghwelmeeda, ghana gideaba gwayeeshsha adawa fuga barbari haleanjeeda.

Yohaana 5:41

Aniini mwaanyasi gigheambiitta aba heeda buuneeda.

Yohaana 5:44

Abeeda gajamwastaan, siida nyasa gigheambiitta hichpa siinuut ak ea magassa gigheambiitta leabu heeda Aseetta?

Yohaana 7:18

Siida baloola gheambalmeadaannyi abeeda gagaseadayyi gigheambitteaba geaw, amadukku siida gasa gigheambiitta siida ghayi ajeagu gaba huumwa nea jeadaannyi ea mannda munyinda.

Gadiyeeda Giijasoodiga 10:2

siisi amiy ea fugeaba gheanyi sean, ak goowali Aseetta, iissa ghoadayda haleanjeeda sisappa geadi bea ghadoweeda ak ghaweat buuneeda, nea inyeessa ghamwash Aseetta galagasean.

Gadiyeeda Giijasoodiga 10:31

nea gwayi, ‘Gorneliyo, mooshtaang'u bea Aseetta siyiiy ak eara haleanjeeda isabi geadi ea niipkaat Aseetta.

Gadiyeeda Giijasoodiga 10:4

Gang'ula nea nibeal ak gwayeeshsha, “Naaha gil Ng'uttamiida?” Ghwalamda ak gwayeeshsha, “Mooshtaang'u bea Aseetta ea haleanjeeda isabi geadi nidiyeada ak ghoaw giipkeatta aba madeeda Aseetta.

Gadiyeeda Giijasoodiga 11:29

Ghang'eat fukka was ginealangean ak gabaniiaat gida ammu wassean, ak geeyeassa weetta fuga siduupcheewi mida Yudeeyaan;

Gadiyeeda Giijasoodiga 24:17

Iing'atta gweanyeekka saang'a ghawunnyi deassa fuga emeedeanyu haleanjeeda sisappa geadi bea ghadooweeda ea gujaweeda.

Gadiyeeda Giijasoodiga 9:36

Abeeda gwanda ng'eanyiida Yoppa ginealaneeni suguura gheawungaaschi Dabitta, nea gideaba Dorkas gil. Abeeda gwasna gadiyoojiga ninyas nea gaweeda buuneeda.

Ruumi 12:8

ea siida reekkwiisa buuneeda gil, aba jeeda reekusiindaannyi; ea siida adayyiida haleanjeeda, aba jeedeesh; ea siida weeda buuneeda mideawa doobiiwnatta; siida sina gadiyeeda baydeayda, biissa gahoosani.

1 Goriinto 13:3

Iyaadaydi haleanjeedeanyu sean eandeawi, ama adaydi saseedeanyu eaghwarda, ak ea meandeawani bariinyeega, ea meanyasi gil.

Galattiya 2:10

ak goopkanneasa gideaba eepkaada fuga barbari, was gitta easawani aba gasooda sinoodean.

Efeeso 4:28

Mareanghweanda danung'waada gwadishta, dang'eada ghuutta gadiyeeda miy aba geattingaaschi, ak ghwanyas gichchea ghoadaw fukka gassean.

1 Desaloniikke 2:6

nea ghanyea miyeegassa gharbeeda aba heeda buuneeda, ghana heedeang'wa ghana hichpa fii suuk, ghana gwadeeppa ea sigasayi aba gideaba gewoschi giijasoodiga Gristo.

1 Dimotteo 6:18

Dasna ng'asheega miyaas ak ghoaw meanang'oodiga aba sinooda gaamiyaas, ak ghoadayda haleanjeenyaawa nea gabareanyi sea buneesuurja aba jeeda miy,

Filimoon 1:7

Aba gideaba naanyaschi hooseaneega muuchchi ea hawdeayda aba bariinyeegaagu oorjeediyya, aba gideaba guroruunatka fuga ghaydidi nihawda appadaydaang'u.

Ebraniya 13:16

Adoofoolli sinooda ng'asheega miyaas nea gooppareannyi haleanjeeda oondeawi, aba gideaba lukghumeeda sunu goohoosan Aseetta.

1 Betro 4:11

siida wassean balool, gawuurji dea rukku ng'asheega Aseetta; nea dea wassean sin gadiyeeda, dawuurji dea sin gadiyeeda aba uurda adaw Aseetta; ak abeeda aba haleanjeessean geakghaambiit Aseetta aba naweeda Yeesu Gristo. Gigheambiitta gammiisa niny ea gheambalmeeda ea ghoaw damanda manda muudeanooda. Amin.