Mattayo 5:12 - NEAJEEDA EESH BEA BUUNEESSEAN

¹² Ahoosana nea goong'weelayi, aba gideaba gimeardeeng'wa ahaw aba humng'eeda, nii gidaghayi bay gwasawanda buuneeda sibanga ashooynaneegwa.”

Bibliyeeda Ghaydit

¹² Ahoosana nea goong'weelayi, aba gideaba giimeardeang'wa aahaw aba humng'eeda, nih gidaghayi bay gwasawanda buuneeda sibanga ashooynaneegwa.

Mattayo 5:12 Mawu Ofanana

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Mattayo 6:16

“Gichcha iyoolluuldi geat, ea adoowuurjeewi fuga ammittu geat, saawa iissa gookkaroomnyi gheamamuunatka nyaawa ghoahiimu geat ghwadaa buuneeda gideaba niluudi geaw. Aba gideaba geayeeshshineegwa suuh ninyas giimearda nyaawa.

Lukka 13:34

Ea Yerusaleemu, Yerusaleemu, gibarayi sibanga nea guftayi aba lagheanga fuga siichcheagu headaang'u! Neagasay niba hada damuughuushta diibigaagu gidamguurriida nghaghooda dayeagaaschi aba jeesinga meang'eagaaschi, ak ghoaheawi!”

Lukka 6:23

Ahoosana aba eaweettida, nea ghoang'waschi aba hooseaneega, aba gideaba gimeardeang'wa aahaw aba humng'eeda, aba gideaba nii gidaghayi hinda ghweaniga nyaawa sibanga.

Lukka 6:35

Asi abwariinya weajoodigeagwa, nea goosinnyi gea miyaas, nea ghoanung' goleakshi, nea adoofurdi godelneegwa gil; abeeda gimeardeang'wa gajaahaw, ak gajahuuwa balloojiga Aseetta haw mida humng'eeda; aba gideaba niny aamiy aba fuga mabadiischeesiina ea gea geawwi gheanyan.

Gadiyeeda Giijasoodiga 16:25

Hitta bugusta eaweeda abeeda Baulo ea Sila ghamwaash Aseetta nea gwasarman sarmeeda gigheambiitta Aseetta, nea gooleeysiit buneesuurja bea ghealooniga,

Gadiyeeda Giijasoodiga 5:41

Gwaritta ak ghang'amwa madeeda girgweageeda, nea gahoosan aba gideaba gamiissa sawanadeeda aba gheawunga Yeesu.

Ruumi 5:3

Ameakghusa nii, aseasa geehoosannyi aba jeeda sawanaduutkaasa, nea geanalli gideaba sawanadeeda iissa gweadu milikghteayda,

1 Goriinto 3:8

Siida hista ea dea iin beega gooyang'deayyi, amaduu gay gaba siisi nyas gimeardaannyi gawuurji gidaghayi sinda gadiyeeda.

2 Goriinto 4:17

Aba gideaba sawanadeedeanya sinyaschi gaba gheadi nuwaas ak gwasinneasa gigheambiitta haw manda gichchea eegala,

Filippi 1:29

Aba gideaba agooga geegooneegwa gheatta appadayda Gristo jea agadiyeesiina, ea mabeachchi masaweega gwanda eara gideaba gajeesawaneegwa appadaydaannyi,

Filippi 2:17

Eara eayiinan uhuuda haleanjeeda sisappa geadi bea ghadooweeda appadayda masaweegeagwa, aniini geahoosannyi nea geang'weelayi sea agoogeeni seaniin.

Golosaayi 1:24

Ak ghamneawa geang'weelayi aba sawanadeeda anyaschi appadahuukkeagwa, nea aba saseedeanyu ghahiichchi giikka shoodaan aba sawanadeeda Gristo appadayda saseadaannyi, nea ea ganiisa,

Golosaayi 3:24

Nea ghoanalli gideaba gaygagooneegwa Ng'uttamiida gidageattindeang'wa bea hearaniischooda, ak googadiyeesi Ng'uttamiida was Gristo.

1 Desaloniikke 2:15

dea ghayi nuus sean Ng'uttamiida was Yeesu ea sibanga, ak gooruuttaneasa jarooda, ak ghoanyareas Aseetta nea ghaheawa buuneessean

Ebraniya 10:34

Aba gideaba nondeawi baydeayda appadahuukka fuga mida ghealooniga, ak ghoamwaschi nea gohoosannyi aba gireetta haleanjeedeang'wa, nea ghoanalli gideaba agooga gondeawi haleanjeeda miyaas jea ghwashng'u.

Ebraniya 11:26

Ak ghwanung' ghoaw ging'weakka ea sawanadeeda Gristo meanang'oochcheandumeeda haw mawuurji maghasuukka sittiing'da bea ng'eanyiida Misri, aba gideaba ghoamuughu gimearda.

Ebraniya 11:33

nea aba naweeda masaweega ghwajoar daroorakka, ak ghwanung' eesin gittoabiiw, ak ghwanyas heelleesiinda, ak ghwarat ghuusiga ng'annyeekka,

Ebraniya 11:6

Nea iimanda masaweega ahang'waay gideaba gajahoosana niny. Aba gideaba siida wassean jea gwaneekkiissa Aseetta gagasa ghwanal gideaba niny gwanda ak gomeari fukka gaseadayyi ninyiin.

Yakkobo 1:2

Anung' ghoaw haleanjeessean hooseaneega, fuga eaduupcheewi, aba isisimsimeegwa aba gilakkil,

Yakkobo 5:10

Aba gideaba gichchea agalana was sawanadeeda ea milikghteayda, fuga eaduupcheewi, oapkaada sibanga ghayi rugu ng'asheega aba gheawunga Ng'uttamiida.

1 Betro 4:13

Asi ahoosana aba gideaba nooppareanyi sawanaduutka Gristo, ak abeeda earagooga gohoosannyi nea goong'weelayi damanda jea eattahaaja gigheambiittaannyi.