Mattayo 5:10 - NEAJEEDA EESH BEA BUUNEESSEAN

¹⁰ Ghang'wana fuga sisawana aba doobiiwnatta, aba gideaba sugoochcheandumeeda humng'eeda daanyaawa.

Bibliyeeda Ghaydit

¹⁰ “Ghang'wana fuga sisawana aba doobiiwnata, aba gideaba sugoocheanduumeeda humng'eeda daanyaawa.

Mattayo 5:10 Mawu Ofanana

Mattayo 10:23

Ighabwaseagwa buuneeda aba mujiineani, goomng'awsi mujiineannuut. Aba huumwa geayeeshshineegwa majaduulni mujiinajeega ng'eanyiida Israeeli nea miighwahidu Balleanda Siida.

Mattayo 19:14

gwayeeshsha Yeesu, “Anung'waada diibiga manang'i ghapka heedeanyu, adoakghuumnyi; aba gideaba fuga uurji suu sugoochcheandumeeda humng'eeda daanyaawa.”

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

Mattayo 5:3

“Ghang'wana fuga barbari guroruunat, aba gideaba sugoochcheandumeeda humng'eeda daanyaawa.

Marko 10:14

Daa Yeesu gissin ginealangaaschi gwanyareeksa ak gwayeeshsha, “Anung'waada diibiga ghapka hedeanyu adoakghuumnyi, aba gideaba Gheambalmeeda Aseetta gammiisa fuga uurji suh.

Marko 10:30

aba damani bea ghamneawean, gajeattaw niba bughala, ea ghwanaawa damani bea ghamneawean gheeda, ea oorjooga ghaamwat, haweega ghaamwat, ghaamwat, diibiga, ea madameega ea sawanadeeda ama damanda jea ghwahidu gayghwanyas eaweega manda mudeanooda.

Lukka 21:12

Ak damanda migapnu ng'asheesu seaniin gajeang'ng'waanyeagwa ak geesawaneegwa, nea geayadeagwa gealga sinnealshachcheewa ak gajeejakseegwa ghealooniga ak gajeayadeagwa madeeda sugoodiga hees ea madeeda fuga hees ambaliischi aba gheawungeasu.

Lukka 22:29

gawuurji gidaghayi gondaneani Bwaabwa sugoochcheandumeeda, earaniini gaydagooneegwa,

Lukka 6:20

Iiduw gagatgat gheanyangaaschi goong'weersa ginealangaaschi, ak gwayeeshsha: “Ghoang'wani agogeeda barbari, aba gideaba sugoochcheandumeeda Aseetta deang'wa.

Lukka 6:22

Ghoang'wani agoogeeda sideagwa buuneeda, nea gwahistaneegwa nea gong'eawweegwa ak geemmunyasiidi gheawungeagwa, appadayda Balleanda Siida!

Yohaana 15:20

Oapkaada ng'asheanda ghayi earukuneegwa, bea gideaba, ‘Soomjeanda mihaweawa siida haw.’ Iinukwa nisawanan aniini, earagooga gaygwasawaneegwa; inyeeda gwachchi ghoang'ng'waay ng'asheandeanyu, gayghoang'ng'waay eara ng'asheegeagwa.

Gadiyeeda Giijasoodiga 5:40

Ng'atta geesin gidagasa, iiduw nea geeguursa giijasoodiga, geabwar amahit geeruksa gideaba adagudoannalli buuneeda aba gheawunga Yeesu, iiduw geesiksa gaweay.

Gadiyeeda Giijasoodiga 8:1

Ak ghamwas Sauli miyeadaannyi. Nea aba eaweettida ghwanyas ganiiseeda mida Yerusaleemu ghabasta haw; ak ghwadarda sean aba jeeda ng'eanyiida Yuudeeya sea Samariya, ea eaghus giijasoodiga.

2 Goriinto 4:17

Aba gideaba sawanadeedeanya sinyaschi gaba gheadi nuwaas ak gwasinneasa gigheambiitta haw manda gichchea eegala,

Filippi 1:28

Nea moawwali weajoodigeagwa aba ng'asheanda wassean. Aba gideaba aba heennyaawa suuh gwadeagooda majeek bea nyariida, nea aba heedeang'wa ea gwadeagooda lealeanoodeang'wa, ea gideaba gwaleabu heeda Aseetta.

2 Dimoteo 2:12

Nea isimilikghiti, gajeembalischeena sea ninyi, Nea isiheawu ninyi, ninyi earada gay ghwaheawaneasa.

2 Dimoteo 3:11

ea bariinyeega ea milighteada ea sawanaduutkeasu bea ng'asheega ghayi anyaschi aba ng'eanyiida Andogiya nea Igunio ea Listra, bea haleanoojiga sawanaduutka ea milighteaysi ak gwalealneani Ng'uttamiida aba suuh seaniin.

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Yakkobo 5:11

Ang'ulla, geguuri fiisu fuga mideawa ng'wanaweega aba gideaba ghamilikghta. Ak ea noayiinyi iitta milikghteayda Ayuubu, ak ea noadaayi gidabaysiina Ng'uttamiida gwandeawa baydeayda nea garbabu.

1 Yohaana 3:12

ak ea adoowuurjeewi Gain ghayi was siida muy ak gwanuus oorjeeda ghaamwat. Ak ghwasaan inyas gwanuus? Gweagu sinaweagaaschi munyas nea oorjeeda ghaamwat ea doabiiwaat.

Giidaheechta 2:10

Asi adiiwali ng'asheega jea nyasa was sawanadeeda. Ng'ulla, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda gesimsimeegwa, ak aba jeemba askweajooji damanamughuush gajanyasa sawanadeeda. Wosa doabiiwaat ea hitta miyeeda, ak gaydagoonnyi shiipka mideawa eaweega.’”