Mattayo 28:9 - NEAJEEDA EESH BEA BUUNEESSEAN

⁹ Hean gwaroonnyi Yeesu sea saawa ak gwayeeshsha, “Seayu!” Gwaneekkiissa ak ghoang'ng'waay geeshanga ak ghaghadoawan.

Bibliyeeda Ghaydit

⁹ Hean gwaroonyi Yesu sea saawa ak gwayeesha, “Seayu!” Gwaneekiisa ak ghoang'waay geeshanga ak ghaghadoawan.

Mattayo 28:9 Mawu Ofanana

Mattayo 14:33

Hean ghaghadoawan fukka sean mida jeeda maleamboodean nea gwayeeshsha, “Aba huumwa ang'iing'i guwosi Balleanda Aseetta.”

Mattayo 23:7

Iissa ghabwariiy gideaba gajeeyeenniisa seayu aba naadajeega nea gaguura buuneeda Rabi.

Mattayo 28:10

Ng'atta gwayeeshsha Yeesu saawa, “Adoabealli! Aweayeena ak goorukusi oorjoogiyya gaweay Galilaaya amahitta hoowa gayaghwadaahan.”

Mattayo 28:17

Hean daa ghaghadoawan, nea mwaatkwa ghamwachmwach jeesinga nyaawa.

Mattayo 28:8

Ghwalamwajaada ghabeawa heeda bung'eeda aba muuwda nea gang'weela muuchchi, gwasalda ak ghoadaw giinealangaaschi iitta.

Lukka 1:28

Ghwahidu headaannyi ak gwayeeshsha, “Seayuu ang'iing'eeda siittaw dagheerjeandumeeda ang'iing'i gindeayi sea Ng'uttamiida!”

Lukka 24:52

Ama ng'atta gabiigu Yerusaleemu nea gahoosan muuchchi,

Lukka 7:38

hean ghamiinaada appwadaw aba murdeeda geeshangaaschi ak gooyeawda, ea goobitpissa dabeakkaaschi geeshanga ak gobuus aba buudeagaaschi uhuudaannyi ak ghwasam geeshanga nea ghwayeasha nagheedida.

Yohaana 12:3

Ng'atta gageanu Mariya nagheeda ng'andit suguura nardo mida gideeshteayda sikkuuyi bureetta bissa gaba sheayeeda haw, ak ghwayeasha geeshanga Yeesu ak gobuusa budeegaaschi; gang'andiit gheassean aba shearooda nagheeda.

Yohaana 20:19

Iiduw nea niiw shing'adeeda eaweettida bea madeeda bea wikkajeandean abeeda ea nibassa geat Ginealanga jeemba ghaaw, nea abeeda asirat gidaghuut aba gheawalmeeda fuga Yahuudi, deagheatta ghwaan Yeesu ak ghamiinaada appugusta nyaawa ak gwayeeshsha, “Abeaha Hoyyoo.”

Yohaana 20:28

Ghwasha Domaso nea gwayeeshsha, “Ng'uttamiideanyu ea Aseetteanyu!”

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.

Giidaheechta 3:9

Ng'ulla, gaydanung' ghoaw fukka was gheeda sinnealshachcheewa bea Shattaani eena geawoschi Yahuudi nea mawosa ak gwanaba ng'uyyeegean, ng'ulla, gaydanung' ghapka ak gwatkuy aba madeeda geeshangaagu, ak ghwanal gideaba ghaabwariinyeay.