Mattayo 28:6 - NEAJEEDA EESH BEA BUUNEESSEAN

⁶ Manda hiji aba gideaba nuduutteayda gidaghayi rukuteayda. Apkaani adaaha heeda heetta siyiin.

Bibliyeeda Ghaydit

⁶ Manda hiji aba gideaba niduuteayda gidaghayi rukuteayda. Apkaani adaaha heeda heeta siyiin.

Mattayo 28:6 Mawu Ofanana

Mattayo 12:40

Gawuurji gida abiideatta Yoona jeeda ghweayeanda haw eawooji samwagu eawa ea askweari nii gichchea gawuurji Balleanda Siida gaygoobiida jeessigeeda eawooji samwagu eawa ea askweari.

Mattayo 16:21

Ghang'eada damandida gwaruksa Yeesu giinealangaaschi gideaba gammiissa beatta jea gawa Yerusaleemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweetteaba samwagu gwaduudu.

Mattayo 17:23

ak gaygwanuus, ama eaweetteaba samwagu gaygwaduudu.” Hean gagiisan giinealanga muuchchi.

Mattayo 17:9

Iiduw nea ghwararang'aana giijeeda, gwayeeshsha Yeesu, “Adiiduw goorukusi eara sih iitteaba ng'asheesu oadayiin ea eaghus ea niduunna Balleanda Siida jeeda miyeeda.”

Mattayo 20:19

ng'atta gajeayaat ak geayiin geattinga Emoojiga eeshka, nea geabwar aba mughoowooda, ak geenngoor, ama eawetteaba samwagu gaygwaduudu.”

Mattayo 27:63

gwayeeshsha, “Ea Siida mureeda, sipkaachchi gidaghayi rugu siitta milmiliin damanda mii ghameawa gideaba, ‘Ing'atta eawooji samwagu gaydaduudu.’

Marko 16:6

Hean gwayeeshsha Ghearemaneeni gadeemgiga, “Ada ghahameegwa ng'eanyi. Ghanalli beadi ogaseadayyi Yeesuuyda Nasareetti, singoorsa uhuuda behiida. Siisi nuduudu eara hiji mudugwanda. Ang'ulla heeda siyiin.

Marko 8:31

Gabiissa hean goneali Yeesu ginealangaaschi nea gwayeeshsha, “Asi anala gideaba Balleanda Siida gayghwanyas sawanadeeda haw muuchchi nea gayghaheawa gweargwa, ea ashoohoodiga hees ea ginealshoodiga diini. Gaygwanuus ama ng'atta eawooji samwagu gaygwaduudu.”

Lukka 24:12

Aka gawuurji ng'asheega nyaawa aba heannyaawa duguuga mwadaagha, nea ghanyea mwamwasa. Ng'atta ghang'eat Betro ak ghafwach ea ghwahitta heeda bung'eeda, ak ghwahiiy geaw gong'weersa jeeda, ghwadaa wegeakkiga sibung'dean akghwahit; hean ghang'eat gawa nea ghaham ng'eanyi aba ng'asheega bunu.

Lukka 24:23

ea mwadaaha mustaannyi; ak ghwahidu ak gwargu gideaba niroonnyi sea malaykajeanda eeshsha ea majeek.

Lukka 24:44

Hean gwayeeshsha saawa, “Suu ng'asheegeasu ghayi earukuneegwa, damanda sindeaydooscheewi, ak abeeda ng'asheega appadaydeanyu aba jeeda deaweedeeda Muusa ea sibanga ea gittaabooda Nyiigheega gajeahhiit.”

Yohaana 10:17

Aba sareani Bwaabwa ghabwariinyan, aba gideaba ghaghaashti eaweegeasu, ak geabiikti dageanu gichcha.

Yohaana 2:19

Ghwasha Yeesu nea gwayeeshsha, “Anyarja gheawi sibatta Aseettean ak gaydadeas aba jeemba askwearjooji assamwagu.”

Gadiyeeda Giijasoodiga 2:24

Ak siisi iiduw gooduudu Aseetta, nea gageandeawa sawanadeeda miyeeda, aba gideaba niny moammu ghoang'ng'waay miyeeda.