Mattayo 27:19 - NEAJEEDA EESH BEA BUUNEESSEAN

¹⁹ Damanda mideawa Bilatto uhuuda hoorgeeda argweachcha goojeakta gatmoadannyi siida weah gwayeeshsha, “Adiiduw gighasi geaw siisi doabiiwaadiin, aba gideaba geesawanan muuchchi aba jeeda girgweatka appadaydaannyi.”

Bibliyeeda Ghaydit

¹⁹ Damanda mideawa Bilato uhuuda hoorgeeda argweacha goojeakta gatmoadaanyi siida weah gwayeesha, “Adiidu gighasi geaw siisi doabiiwaadiin, aba gideaba geesawanan muuchi aba jeeda giirgweatka aba badaydaanyi.”

Mattayo 27:19 Mawu Ofanana

Mattayo 1:20

Iiduw nea gudugoottemsheesa ng'asheanji ghwahidu headaannyi Malaykajeanda Ng'uttamiida aba jeeda girgweatka ak gwayeeshsha, “Yoseefu, balleanda Dawdi, adibeali ea nung'waada gheenda Mariya ghoaw gatmoadang'u, aba gideaba gweayumeani iittaannyiin ghwanyas aba uurda Gurorooda Ghaydit.

Mattayo 2:19

Ing'atta miyeeda Heroode, hean gabussa Yoseefu Malaykajeanda Ng'uttamiida aba jeeda girgweatka aba Misri,

Mattayo 2:22

Iimuchchu nea ghwayiiy gideaba Akkelao niimbal ng'eanyiida Yudeeya ghoang'ng'waay hoorgeeda ghwaan was Heroode, hean ghoawal gawa hoowa, amaduw nea sireekusa aba jeeda giirgweatka hean ghwayam geaw ak gawa ng'eanyiida Galilaaya.

Mattayo 27:18

Ghoanyashtaydunu nea ghwanal gideaba geayaat headaannyi aba lachng'eanyiida.

Mattayo 27:24

Daa Bilatto gideaba mwanyasa gil ghoahaada nyarasta, gageanu beega ak goohuun geattingaaschi aba madeeda emeeda ak gwayeeshsha, “Aniini manda gichchea ghwaagan aba foojeadeaba siisi asawsiina agooga nea goobwageat.”

Mattayo 27:4

Gwayeeshsha, “Neadiinyi aba gideaba ghadaydi siida manda gidinyeanda ennus.” Gwayeeshsha Saawa, “Neada ghwadaseasaani aseasa? Ng'asheanji gabeachcheeweey ang'iing'i.”

Lukka 23:41

Nii gammiiseasa aseasa, aba gideaba geanyaschi gimeardeanya aba gissisinnyi, nea siisi ea miigwasin gidamuy wassean.”

Lukka 23:47

Daa shirikkarajeanda haw gwaduumsheesa Aseetta nea gwayi, “Aba huumwa siisi ea doabiiwaat!”

Yohaana 19:13

Hean iiy Bilatto ng'asheesu goruutta Yeesu jarooda amahit goopteada aba uhuuda hoorgeeda silachcha girgweaguutka mida heesuguura Lagheaneeda bwarak, nea aba iitta Ebraniya geguura Gabatta.

Gadiyeeda Giijasoodiga 12:21

Ghayi eaweechcha ghang'eat Herode ak gooshshuup geat hang'weakaaschi bea sugoochcheandumeeda, ak gawa goopteadawa hoorgeadaannyi bea sugoochcheandumeeda, hean gorgweaksa buuneeda.

Gadiyeeda Giijasoodiga 18:12

Ak damanda waseewa Galiyo sugoochcheanda ahaghwa ng'eanyiida Akkaya, gaguuyi fuga Yahuudi ak gang'eessa Baulo ak geayaat gheeda sirgweachcha,

Gadiyeeda Giijasoodiga 18:16

Ak ghahoan gooruutteawa jeeda gheeda sirgweachcha.

Gadiyeeda Giijasoodiga 18:17

Hean geeng'eessa sean ak geeng'ng'waay Sostene, was siida ambal ghooriida sinnealshachcheewa, ak geebarsa madeeda girgweageeda. Nea Galiyo gang'ula nea maduupeewana gil ng'asheanji.

Gadiyeeda Giijasoodiga 25:10

Ghwalamda Baulo ak gwayeeshsha, “Aniini ghaamiinaadi aba heeda sirgweachcha bea Gaysaari, ak hiji ea heeda miisean ergweaksiinanean gil; ginali muuchch gideaba manda ng'asheanji muy neasissi fuga Yahuudi, ak eara ang'iing'i ginali muuchchi.

Gadiyeeda Giijasoodiga 25:17

Hean nea ghabwat geat aba hiji, ea mwashing'dani iimuchchu geawi jeeda gheeda sirgweachcha ak geapteadi, ak ghaanung' eyeadu siidida.

Gadiyeeda Giijasoodiga 25:6

Iing'atta gibindeaba hoowa eawooji sis ghana damanamughuush sea saawa, iiduw gawa Gaysariya, muchchu gawa jeeda gheeda sirgweachcha ak goopteada aba hoorgeeda amahit gwayeeshsha ayeanni Baulo.

1 Betro 2:22

Niny mii gwasin ring'eeda; ak eara ng'asheanda milmilanda ea miiyeeyiing'sa ghuuytaannyi.

1 Yohaana 2:1

Diibigeasu manang'i, geang'ooneegwa ng'asheesu ak abeeda ea moosni riing'eeda; ama mida siida nisin riing'eeda, abeeda gendeawi siida ghuutteanya aba heeda Bwaabwa nea Yeesu Gristoyda doabiiwaat gil;