Mattayo 26:41 - NEAJEEDA EESH BEA BUUNEESSEAN

⁴¹ Oang'ng'wearni nea ghoamwaashchi Aseetta ea mwoappittani jeeda simsimda; gurorooda ghwanyawa gagasa, amaduw ang'arng'ar saseeda.

Bibliyeeda Ghaydit

⁴¹ Oang'wearni nea ghoamwaashchi ASEETA ea moapiitani jeeda simsimda; guroorooda ghwanyawa gagasa, amadu ea ng'arng'ar saseeda.”

Mattayo 26:41 Mawu Ofanana

Mattayo 24:42

Asi oang'ng'wearni aba gideaba mwoanali eaweetta jea ghwahinna Ng'uttamideang'wa.

Mattayo 25:13

Hean gwayeeshsha, asi oang'ng'wearni, aba gideaba mwoanali eaweetta jea gawaseewa ghana damanda.”

Mattayo 26:38

Miighoaw gil gwayeeshsha, “Guroroodeanyu eagisaneat muuchchi ea ghwariikghta dami, ooppitpiida aba hiji nea ghoang'ng'wearu sea aniini.

Mattayo 6:13

Adigealleasa jeeda simsimda, ak gighuhaneasa gitta muyiin.

Marko 14:38

Ng'atta gwayeeshsha ginealangaaschi, “Oang'ng'wearni nea ghoamwaashchi Aseetta ea mesmeegwa. Gurorooda gagasa amaduw saseeda ea manduurda.”

Lukka 11:4

samseasa riing'eagaasa, gawuurji gidasisammiisiindi siida mideawa sileedeanya; ak ea adiigalleassa jeeda simsimda.’”

Lukka 21:36

Asi agooga afra geaet galaagasean, nea ghoamwaashchi Aseetta gagoonegwa uurda jea oattaraamwa ng'asheesu sean jea gapnun, ea aminaada aba madeeda Balleanda Siida.”

Lukka 22:40

Hitta hooweani gwayeeshsha saawa, “Amwaasha Aseetta adiiduw gesmeegwa ak ghoappitti jeeda samsiinda.”

Lukka 22:46

ak gwayeeshsha, “Ghwasaan anda goolilli? Ang'eatng'eada amwaasha Aseetta adiiduw ghooppitti jeeda simsimda.”

Lukka 8:13

Nea giikka abitpissa badayda harearachcheandean, giikka ama iiy ng'asheanda ghoang'ng'waay nea gahoosaniini; ak ea mandeawana hawungeani, iissa ghamwas gilinuwaas ama duw nea geesimsim gabay gabiikta bwadaw.

Ruumi 8:3

Aba gideaba ng'asheekka meammu aba deaweedean, aba gideaba manda uurjeenga aba ng'asheega saseedean, iiduw aba gijeaknooda ajeagu Aseetta Balleandaannyi nea ghwanung' gawuurji siida mideawa ring'eeda, amaduw appadayda ring'eeda iiduw goorgweaksa ring'eeda mida saseeda;

1 Goriinto 10:13

Manda simsimda ninyaseagwa agooga mawosa dea geallaan aba heeda siida. Aseetta doabiiwaat, nea niny ea mayghwanung'waada eesmeegwa ea ghwanaawa uurjeengeagwa, earappeadi jea eesmeegwean gaygwasin naweeda jea aritteawana ak abeeda ghoammuuschi arjeang'da.

1 Goriinto 16:13

Oang'ng'wearni, nea ghoamiinaadi muuchchi aba jeeda masaweegeagwa, adarusiitta nea ghoanyaschi uurda.

1 Goriinto 9:27

aba sareani geasawannyi saseedeanyu nea geagadiiyi, ak amwahuuwi siida rukkwiisa giijasta buneessuurja, amaduu ghaahuuyi aniini siida jea eaheawa.

Galattiya 5:24

Fukka was gea Yeesu Gristohiin ningoorda saseeda ea ng'asheagaaschi munyas bwariiy nea gagasa.

Efeeso 6:18

Amwaasha Aseetta damannyoojiga sean aba jeeda Gurorooda aba mooshta sean bea Aseetta ea baditta. Ak ghoang'ng'wearu nea ghoashng'u aba baditta Aseetta appdahuukka fuga ghaydidi sean,

1 Betro 4:7

Ak muudeanooda haleanjeessean ea nineekiit, asi amilmiliitta ak ghoang'wearu aba baditta Aseetta.

1 Betro 5:8

Andeawana gheadeenda nea ghoang'ng'wearu. Aba gideaba weajoochcheandeang'wa was meang'nyeandeenda gawuurji ng'adiida ak gwanyeara daghatta, nea gwaneay gagasa siida jea ghwanukghuta.

2 Betro 2:9

Asi Ng'uttamiida ghwanal gichchea gwalealdeayda fuga awali gheangda Aseetta aba jeeda simsimda, nea ghwayiin fuga mii doabiiweadi ghoammuughu ghealooda ea ghwahitta eaweeda girgweaksiinda,

Giidaheechta 16:15

“Asi, gaydoanda mareanghweanda! Ghang'wana siida majeek, nea ghaghamwat hang'weakaaschi ak ea mawa nea dawiish ak geadaa baspaseagaaschi!”

Giidaheechta 3:10

Aba gideaba ning'ng'waannyi ng'asheandeanyu bea milikghteayda nea gihang'waanyi, ak aniini gaydafurnyi, nea giritti aba damanda simsimda jea gwahissa ng'eanyiisean, ak gwasimsim fuga mida badayda ng'eanyiida.