Mattayo 24:14 - NEAJEEDA EESH BEA BUUNEESSEAN

¹⁴ Gichcha gajeerukkwiida Giijasta Miy bea sugoochcheandumeeda aba ng'eanyissean ghoaw muwwunooda aba emoojiga sean, ama ng'atta abeeda ghwahidu mudeanooda ng'eanyiida.”

Bibliyeeda Ghaydit

¹⁴ Gicha gajeerukwiida Giijasta Miy bea sugoocheanduumeeda aba ng'eanyiisean ghoah muuwuunooda aba eemoojiga sean, ama ng'ata abeeda ghwahidu muudeanooda ng'eanyiida.

Mattayo 24:14 Mawu Ofanana

Mattayo 10:7

Aba jeeda neayeedeang'wa arukkwiida gideaba, ‘Sugoochcheandumeeda humng'eeda nineekkiit.’

Mattayo 18:19

Geayeeshshineegwa gichcha, aba jeedeang'wa ineajeesa fii iyyeenya ng'ashaan aba hiji bea badayda ng'eanyiidean ak ghamwaash Aseetta, gayghoadaw Bwaabwa mida humng'eeda.

Mattayo 24:3

Iiduw nea goopteada Yeesu aba uhuuda gijeeda Maseytuunajeega, gaweesa giinealangaaschi aba heeda funyaat ak geanyasa hichpa geaw ak geannyaash gideaba, “Rukuni ng'asheesu gayghoaw eeju? Amaduw hinnoadaang'u gwanda gwadeagooda jea eadaaha ghana dea mudeanooda damanda?”

Mattayo 24:6

Gajayiinya iitta ng'uchcheeda ea dea ng'uchcheadinga, ang'ulla adaghoabealeagwa, aba gideaba ng'asheesu mayghwashiy hinnooda, amaduukku mudeanooda ea mighoaw.

Mattayo 4:23

Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Mattayo 9:35

Gwaneayeewa Yeesu jeeda mujiinajeega sean ea gharang'weakka nea goonealshi aba jeesinga ghoorajeega nyaawa siinnealshachcheewa ikkaanyaawa nea gwarukkwiida Giijasta miy bea sugoochcheandumeeda, nea ghoahaap geeyoonung'weakka sean ea gili nyoo ea sawanadeeda.

Marko 13:10

Nea hinnooda jea ghwahidu mudeanooda ng'eanyiida, abeeda gajeasurukusa buuneessean Giijasta miy.

Lukka 2:1

Askwearjoojikka ghoadayda Gaysaari Aguusto digheanda nea gwayeeshsha, ang'waara monneeda buneassean mida jeeda ng'eanyiida.

Lukka 24:47

ea gideaba duukkuunooda ea samsiinda ring'eega gajeerukkwiida aba gheawungaaschi, aba jeeda emoojiiga sean, ghang'eada Yerusaleemu.

Lukka 4:5

Ghwaat Meang'nyeandeenda ak goodiing'da heeda miy ghaang' ak goohiimsa daroorakka sean bea ng'eanyiida gili nuwaas.

Gadiyeeda Giijasoodiga 1:2

ea ghwahitta eaweetta siyaada humng'eeda, iing'atta nea niidaw digheanda giijasoodiga ghayi loat aba naweeda Gurorooda Ghaydit.

Gadiyeeda Giijasoodiga 11:28

Hean ghamiinaada siyagi aba jeedeaba fukkeanji suguura Agapo ak gwargu ramooraneadaannyi aba uurda Gurorooda, gideaba gayghang'eat geejeeda ng'waan aba muunda ng'eanyiida sean; ghang'eada damanda waseewa Glaudio sugoochcheanda.

Gadiyeeda Giijasoodiga 17:31

aba gideaba nisin eaweeda jea goorgweaksiina fuga muunda ng'eanyiida nea ghoadoabiiw, aba siitta ghayi loat ninyiin, ak ea niidaw buuneessean ng'asheesu nea goomajeek aba gidaduutteayda aba jeeda miyeeda.”

Gadiyeeda Giijasoodiga 17:6

Ama iiduw nea mudeanyas, hean geengiir Yason eayaat sea fiisu ng'ay siduupcheewi ak geayaat ea eehitta madeeda sugoodiga mujiini, nea geechchuur nea geeyi, “Fiisu yam ng'eanyiidean nupka eara hiji,

Gadiyeeda Giijasoodiga 19:27

Mii gideaba gadiyeedeanya gwanda jeeda washta foolaweega, eara gheeda sibatta aseetta was gatmooda suguura Artemi, ak geanung' ghoaw gili mii gili, ak geegeandeawa hawundaannyi, biissa gagadoowani Asiyaayda sean ea muunda ng'eanyiida.”

Gadiyeeda Giijasoodiga 20:25

Asi ghamneawa, ng'ulla, aniini ghaanaalleagwa oagasean nea geaneayeewi jeedeang'wa nea geerukkwiidi giijasta sugoochcheandumeeda ak ea manda siida jea gudughwadaah gheamamdeanyu.

Ruumi 10:18

Ak ghanyaashti gichcha, neada saawa ea mii ghwayiiyi? Huumwa gil niyiiy; “Ghuusiga nyaawa nighayda aba ng'eanyiissean, nea ng'asheega nyaawa ea nihitta muudeanooda ng'eanyiida.”

Golosaayi 1:23

Asi iyoppiidi jeeda masaweega, ak ghoomiinaadi nea noahang'waanyichchi, nea meayameagwa aba heeda giijasta miy oayiinyi, ghayi surukkwiisa haleanjeessean mida hiing'eadayda humng'eeda, nea aniini Baulo geawoschi siidaannyi bea gadiyeeda.

Golosaayi 1:6

nea nihidu heedeang'wa, ea gidaguulleatta ng'eanyiissean gil, ak gwaji haghweega ak gwaheedu gawurji gidaheetteayda aba heedeang'wa, ghang'eada damanda ghayi oayinyi ak ghoanalli dagheerjeandumeeda Aseetta bea huumwa,

Ebraniya 1:6

Ak gichcha, iyeadu duweachcheadaannyi badayda ng'eanyiida, gwayeeshsha, “Nung'waada ghaghadoawan niny malaykajeega sean bea Aseetta.”

Ebraniya 2:5

Aba gideaba Aseetta moadawa malaykajeega ng'eanyiida jea ghwahidu, was dea sibalooli.

Giidaheechta 14:6

Hean ghaadaayi malaykajeanda nuut nea ghang'eatta aba bugusta humng'eeda, nea gwandeawa giijasta miy manda muudeanooda jea gwarukwiisa fuga mida muunda ng'eanyiida, ea giliwas eamwa ea emeeda ea iitta ea buuneeda;

Giidaheechta 16:14

suu guroruunatka meangeenda gil, sina gwadeagwajeega, inyeessa gwaritta ak gaweesa sugoodiga mida gigheawda bea ng'eanyiissean, ak ghoamughuush saawa aba ng'uchcheedida aba eaweetta haw bea Aseetta Hoauuriin.

Giidaheechta 3:10

Aba gideaba ning'ng'waannyi ng'asheandeanyu bea milikghteayda nea gihang'waanyi, ak aniini gaydafurnyi, nea giritti aba damanda simsimda jea gwahissa ng'eanyiisean, ak gwasimsim fuga mida badayda ng'eanyiida.