Mattayo 21:28 - NEAJEEDA EESH BEA BUUNEESSEAN

²⁸ “Heappi ghoadaaktiin? Gwandeawa siyagi oorju iyyeenya; gaweesa dea madeeda ak gwayeeshsha, ‘Balleanda, askwareani una ak gisni gadiyeeda aba jeeda madamnyeanda misabiibu.’

Bibliyeeda Ghaydit

²⁸ “Heapi ghoadaaktiin? Gwandeawa siyagi orju iyeenya; gaweesa dea madeeda ak gwayeesha, ‘Orjeeda, askweareani una ak gisini gadiyeeda aba jeeda madamnyeanda sabiibu.’

Mattayo 21:28 Mawu Ofanana

Mattayo 17:25

Gwayeeshsha, “Eah goodayyiida.” Iiduw nea nihitta ghoah, goosheeda Yeesu ghoanyaash niny nea gwayeeshsha, “Simon, iing'ulayi ang'iing'i gawuurjiin? Sugoodiga muunda ng'eanyiida goong'ng'oonyi gujaweeda ghana gwaadi aba hichpa ana fih? Aba heeda balloojiga nyaawa ghana hichpa fih suuk?”

Mattayo 20:1

“Aba gideaba sugoochcheandumeeda humng'eeda gawuurji siida bea gheeda ritteawa sakteayda duw ak gagasa fuga jea ghabwar ng'eanyi aba jeeda madamnyeandaannyi bea misabiibu.

Mattayo 21:27

Hean ghwasha ghuutta Yeesu nea gwayeeshsha, “Meanali.” Ghwayeeshsha saawa, “Eara aniini abeeda ea maydarukneegwa heeda aanyasi gheambalmeani easni ng'asheesu seaniin.”

Mattayo 21:29

Ghwasha nea gwayeeshsha, ‘Maydawa.’ Iiduw gwaduukkuunna ak gawa.

Mattayo 21:33

“Olleysiniit gideagali nuut. Ghayi gwanda siisi bea gheeda ak gwandeawa madamnyeanda misabiibu ak gooneaweesa hilgweanda ak gwasin heeda jea eesissa difaayi aba jeeda ak ghwadeas eara madalooda, ak ghoadaw fuga jea gooragan, ak ghang'eat gawa bareannyeekka aba ng'eanyi nuut.

Mattayo 22:17

Heappi, rukuneasa aba ang'iing'i gidaaktiini. Ghwadoabiiwi gideaba geattawji Gaysaari gwaadi ghana mwadoabiiwa?”

Marko 13:34

Gawuurji Siisi ghayi wea bareannyeekka ak gwaruuda nea ghwanung'wa gheeda fuga gadiyeeda. Nea nigeanu ak gaba siisi adaw gichchea gwasin ak gageanu ghwayiin furiischochcheanda jea gafur dooshta nea gwayeeshsha milmiliida.

Lukka 13:4

Ghana fukka attamassis bea Siloamu meewa ing'adeesa gheeda geawiin, ghoaghanyi gideaba fiisu niramwas muuchchi ea ghang'al buuneasean abiitta Yerusaleemu?

1 Goriinto 10:15

Geabalooldaneegwa fuga mideawa fughareenga; asi otteemsheesiina agooga ng'asheesu earguun.

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.