Mattayo 2:2 - NEAJEEDA EESH BEA BUUNEESSEAN

² “Gwanda yeenu jeepta siji was sugoochcheanda Yahuudi? Aba gideaba geadeaksi ming'weandaannyi heeda ghayeawa, ak geapkannyi eaghadoawana.”

Bibliyeeda Ghaydit

² “Gwanda yeenu baleanda siji was sugoocheanda Yahudi? Aba gideaba geadeaksi miing'weandaanyi heeda ghayeawa, ak geapkaanyi eaghadoawana.”

Mattayo 2:2 Mawu Ofanana

Mattayo 2:3

Iiy sugoochcheanda siyi Heroode ng'asheesu, gwahirbaban sea Yerusaleemossean.

Mattayo 21:5

“Ayeeshshiina hudeaba Sayuuni, Ang'wearda, sugoochcheandaang'u ghwaan headaang'u, ea ng'eeni nea gwading'da digeeda, gureenda digeeda, dayeenda digeeda.”

Mattayo 27:11

Geanung' ghaminaada Yeesu aba madeeda siida haw bea ng'eanyiitta. Hean ghoanyaash Siitta haw bea ng'eanyiidean nea gwayeeshsha, “Ang'iing'i guwosi sugoochcheanda fuga Yahuudi?” Gwayeeshsha Yeesu, “Girgu ang'iing'i.”

Lukka 19:38

nea geeyi, “Ning'ushsha Aseetta sugoochcheanda wuna gheawunga Ng'uttamida! Niiw hooyoo aba humng'eeda ea gigheambiitta aba hoowa bea humng'eedean.”

Lukka 2:11

Aba gideaba eannean aba mujiineeda Dawdi siji appadahuukkeagwa, lealnoochcheanda, niny Gristoyda was Ng'uttamiida gil.

Lukka 23:3

Ghoanyaash Bilatto nea gwayeeshsha, “Assang'iing'i guwosi sugoochcheanda Yahuudi?” Ghwasha niny ak gwayeeshsha, “Gidirukuteaydi ang'iing'i gil.”

Lukka 23:38

Gwanda ng'ooruutka uhuuda behiidaannyi sung'waar, “Nii sugoochcheanda Yahuudi gil.”

Yohaana 1:49

Ghwasha Nattanaeeli nea gwayeeshsha, “Rabi, ang'iing'i guwosi Balleanda Aseetta! Guwosi Sugoochcheanda Israeeli!”

Yohaana 12:13

Hean gwahirjeawu damealga miilayga ak gaweay ronnyeeda nea gojuur muuchchi nea gwayi, “Hosaana! Sing'usha siisi wuna gheawunga Ng'uttamiidean, eara sugoochcheanda Israeeli!”

Yohaana 18:37

Hean gwayeeshsha Bilatto niny, “Asi ghamneawa ang'iing'i guwosi sugoochcheanda?” Ghwasha Yeesu nea gwayeeshsha, “Girgu ang'iing'i gideaba aniini geawoschi sugoochcheanda. Aniini geejiilan appadaydeaba nii, nea appadaydeaba nii ghawunnyi jeeda ng'eanyiida, gideaba gaydamuuwwu huumeanda. Siida wassean mida jeeda humeanda iissa goleeysiit ghutteanyu.”

Yohaana 19:19

Gang'oorsa Bilatto uhuuda behiida; ng'asheega siyi, “Yeesuuyda Nasareetti Sugoochcheanda Yahuudi.”

Yohaana 20:28

Ghwasha Domaso nea gwayeeshsha, “Ng'uttamiideanyu ea Aseetteanyu!”

Yohaana 5:23

abeeda gwasissa buuneessean mureeda Balleanda gawuurji gidasinnisiinda mureeda Bwaabwa. Siida masissiina Balleanda mureeda masissiina mureeda Bwaabwa ghayi ajeagu niny.

Yohaana 9:38

Hean gwayeeshsha, “Ng'uttamiida, Namwaschi;” ak ghaghadoawan niny.

Ebraniya 1:6

Ak gichcha, iyeadu duweachcheadaannyi badayda ng'eanyiida, gwayeeshsha, “Nung'waada ghaghadoawan niny malaykajeega sean bea Aseetta.”

Giidaheechta 22:16

“Aniini Yeesu, neajeagu malaykajeandeanyu headaang'u nea gweadu muwwunooni heeda ganisajeega. Aniini geawaschi hawunnyeanda ea jeatta Dawdi, was ming'weandida aboong'u bea muchchuunoodean.”