Mattayo 17:23 - NEAJEEDA EESH BEA BUUNEESSEAN

²³ ak gaygwanuus, ama eaweetteaba samwagu gaygwaduudu.” Hean gagiisan giinealanga muuchchi.

Bibliyeeda Ghaydit

²³ ak gaygwanuus, ama eaweeteaba samwagu gaygwaduudu.” Hean gagiisan giinealanga muuchi.

Mattayo 17:23 Mawu Ofanana

Mattayo 16:21

Ghang'eada damandida gwaruksa Yeesu giinealangaaschi gideaba gammiissa beatta jea gawa Yerusaleemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweetteaba samwagu gwaduudu.

Mattayo 17:9

Iiduw nea ghwararang'aana giijeeda, gwayeeshsha Yeesu, “Adiiduw goorukusi eara sih iitteaba ng'asheesu oadayiin ea eaghus ea niduunna Balleanda Siida jeeda miyeeda.”

Mattayo 20:19

ng'atta gajeayaat ak geayiin geattinga Emoojiga eeshka, nea geabwar aba mughoowooda, ak geenngoor, ama eawetteaba samwagu gaygwaduudu.”

Mattayo 27:63

gwayeeshsha, “Ea Siida mureeda, sipkaachchi gidaghayi rugu siitta milmiliin damanda mii ghameawa gideaba, ‘Ing'atta eawooji samwagu gaydaduudu.’

Marko 8:31

Gabiissa hean goneali Yeesu ginealangaaschi nea gwayeeshsha, “Asi anala gideaba Balleanda Siida gayghwanyas sawanadeeda haw muuchchi nea gayghaheawa gweargwa, ea ashoohoodiga hees ea ginealshoodiga diini. Gaygwanuus ama ng'atta eawooji samwagu gaygwaduudu.”

Marko 9:30

Gawa Yeesu nea godeayi ginealangaaschi, Gaweay nea gwasik jeeda ng'eanyiida Galilaaya. Abeeda Yeesu niny magassa ghwanal buuneeda heeda mida.

Yohaana 16:6

Ghamneawa ea nearukuneegwa ng'asheesu ak aning'ut jeesingeagwa giseaneega.

Yohaana 2:19

Ghwasha Yeesu nea gwayeeshsha, “Anyarja gheawi sibatta Aseettean ak gaydadeas aba jeemba askwearjooji assamwagu.”