Mattayo 16:28 - NEAJEEDA EESH BEA BUUNEESSEAN

²⁸ Aba huumwa geayeeshshineegwa, gwanda hiji bea jeedeang'wean fuga maygameewa, ea eaghus anidaah Balleanda Siida nea ghwaana jeeda sugoochcheandumeadaannyi.”

Bibliyeeda Ghaydit

²⁸ Aba huumwa geayeeshiineegwa, gwanda hiji bea jeedeang'wean fuga maygameewa, ea eaghus ea nidaah Orjeeda Siida nea ghoana jeeda sugoocheanduumeadaanyi.”

Mattayo 16:28 Mawu Ofanana

Mattayo 10:23

Ighabwaseagwa buuneeda aba mujiineani, goomng'awsi mujiineannuut. Aba huumwa geayeeshshineegwa majaduulni mujiinajeega ng'eanyiida Israeeli nea miighwahidu Balleanda Siida.

Mattayo 16:13

Muchchu nea gawa Yeesu ng'eanyiida Gaysariyeeda Filippi, ghoanyaash giinealangaaschi nea gwayeeshsha, “Buuneeda gwayeena Balleanda Siida ng'eaha?”

Mattayo 24:3

Iiduw nea goopteada Yeesu aba uhuuda gijeeda Maseytuunajeega, gaweesa giinealangaaschi aba heeda funyaat ak geanyasa hichpa geaw ak geannyaash gideaba, “Rukuni ng'asheesu gayghoaw eeju? Amaduw hinnoadaang'u gwanda gwadeagooda jea eadaaha ghana dea mudeanooda damanda?”

Mattayo 24:34

Aba huumwa gaydarukuneegwa gideaba mayghwanawda seaygeani nea miighwahidu suu seaniin.

Mattayo 24:42

Asi oang'ng'wearni aba gideaba mwoanali eaweetta jea ghwahinna Ng'uttamideang'wa.

Mattayo 26:64

Gwayeeshsha Yeesu niny, “Girgu ang'iing'i. Asi gaydayeeshshineegwa, ghang'eada ghamneawa gajadaaha Balleanda Siida nea goopteada aba meatkweeda geattinda dugwa hoauur, nea ghwaana badayda shamooghuutka humng'eeda.”

Mattayo 8:20

Gwayeeshsha Yeesu, “Fureayoonga gwandeawa shoomeanga, dariidakka gwandeawa ghoorajeega; nea Balleanda Siida ea mandeawana heechea ghwayiin uhuudannyi.”

Marko 13:26

Ak gajeadaah Balleanda Siida nea gwashubeana jeeda shamoghuutka nea gaygwandeawa uurda haw ea gigheambiitta.

Marko 8:38

Siida wassean aba seaygeani bea ring'eeda biissa ea meawalla Aseettean, siida isinnean gheanyanga ea ng'asheegeasu, abeeda Balleanda Siida gaygwasissa gheanyanga siidida, damanda jea ghwaana nea nighambiit ghwaan sea giijasoodiga ghaydidi bea humng'eeda.”

Marko 9:1

Gabiikta Yeesu ak gwayeeshsha, “Aba huumwa gaydarukuneegwa gideaba aba jeani hiji gwanda fuga maygameewa ea eaghus anidaah gheambalmeeda Aseetta gidahittaayda nea gweadu uurda.”

Lukka 18:8

Geayeeshshineegwa, Gayghwalamwachi ghoadaw gidamiisa, nea Balleanda Siida ihiidu gayghwadaah masaweega aba jeeda ng'eanyiida?”

Lukka 2:26

Nea ea nigeawiit goohiimsa Gurorooda Ghaydit gideaba mayghami nea mighwadaah Gristoyda Ng'uttamiida.

Lukka 9:27

Aba huumwa gaydarukuneegwa gideaba aba jeeni itteang'wean gwanda fuga miinaada aba hiji maygwasamu miyeeda ea eaghus anidaah sugoochcheandumeeda Aseetta.”

Yohaana 21:22

Gwayeeshsha Yeesu niny, “Iyeagasayi gobiida badayda ng'eanyiida ea dabiigu gwasawannyi naaha? Ang'iing'i eanni geeshteanyu!”

Yohaana 8:51

Aba huumwa, aba huumwa, geayeeshshineegwa, siida jea ghoang'ng'waay ng'asheandeanyu ea mayghwadaa miyeeda eara hay.”

Yohaana 8:52

Hean gwayeeshsha Fuga Yahuudi niny, “Asi ghamneawa sinalli gideaba ang'iing'i gindeawi meangeenda. Abrahaamu ghami ak eara sibanga, ak ghamneawa giyeeni, ‘Siida ang'ng'waay ng'asheandeanyu maygwasamu miyeeda eara hay.’

Gadiyeeda Giijasoodiga 1:11

ak gwayi, “Fuga Galilaaya ghwasaan anda ghoamiinaadi nea gong'ulayi humng'eeda? Yeesuheeni beawa heedeang'wa ak gawa humng'eedean, gaygabiikteaydunu gawuurji gidaghamneawa oadaakti nea gawa humng'eedean.”

1 Goriinto 15:23

Ak gaygaba siisi siittuudu aba badiida Aseetta: Nea Gristo ea haghweega madeeda gil, nea damanda jea ghwahinna gayghwaan heeda fuga was gea Gristo.

1 Desaloniikke 1:10

nea ghoammuughu Balleandaannyi jea gwaleabu humng'eeda, ghayi aduunna miyeeda, nea Yeesu gil, lealnaneasa nyarasta jea ghwahidu.

Ebraniya 2:9

Iiduw geedaayi Yeesu, dea aba gheadi nuwaas geanung' ghamwanng'iit ea ghwalaabwa hoowa malaykajeega, nea siyiin uhuuda gigheambiitta ea mureeda aba sawanadeeda ea miyeeda, ak abeeda aba dagheerjeandumeeda Aseetta abeeda gwasamu miyeeda aba giliwas sih.

Yakkobo 5:7

Asi fuga eaduupcheewi, amilikghta ea ghwahitta damanda jea ghwahinna Ng'uttamiida. Ang'ulla, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huydean.

2 Betro 1:16

Aba gideaba meayaadi geeshta ghwasiildeanga sisna milmilinda damanda sinung' anala uurda ea hinnooda Ng'uttamiideanya was Yeesu Gristo, geewoschi muushoodiga daa aba gheanyanga uurdaannyi.

1 Yohaana 2:28

Asi ghamneawa diibiga manang'i, oppiidana jeadaannyi, aba gideaba ihidu abeeda geaghuschi ak ea meebiiktani bwadaw aba baspaseega aba hinnoadaannyi.