Mattayo 16:27 - NEAJEEDA EESH BEA BUUNEESSEAN

²⁷ Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Bibliyeeda Ghaydit

²⁷ Aba gideaba Orjeeda Siida gayghoana giigheambiita Ghwaan nea goodeana malaykajeega ak abeeda gayghoadaw gilinyoo ea sihi gidageatindaanyi aba sinaweagaaschi.

Mattayo 16:27 Mawu Ofanana

Mattayo 13:41

Balleanda Siida gaygoojeagu malaykajeagaaschi, ak ghoawaam aba jeeda sugoochcheandumeadaannyi haleanjeessean eadu ringeeda ea fuga sean sina ng'asheega munyas.

Mattayo 13:49

Nii gichchea gawuurji gil eaweetta muudeanooda ng'eanyiida aba gideaba eaweettida gayghwahidu malaykajeega ak gooheelli fuga munyas ea gea doobiiweadi,

Mattayo 24:30

ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw;

Mattayo 25:31

“Damanda jea ghwahinna Balleanda Siida aba jeeda gigheambiittaannyi, nea goodeana malaykajeega, hean gaygoopteada aba uhuuda hoorgda giigheambiittaannyi.

Mattayo 26:64

Gwayeeshsha Yeesu niny, “Girgu ang'iing'i. Asi gaydayeeshshineegwa, ghang'eada ghamneawa gajadaaha Balleanda Siida nea goopteada aba meatkweeda geattinda dugwa hoauur, nea ghwaana badayda shamooghuutka humng'eeda.”

Mattayo 8:20

Gwayeeshsha Yeesu, “Fureayoonga gwandeawa shoomeanga, dariidakka gwandeawa ghoorajeega; nea Balleanda Siida ea mandeawana heechea ghwayiin uhuudannyi.”

Marko 14:62

Gwayeeshsha Yeesu, “Ea ada geawoschi. Ghabwada nii gajadaaha Balleanji bea Siidean nea gobideada aba meatkweeda geattinda dugwa bea Aseetta hoauur, nea godeana shamoghuutka humng'eeda.”

Marko 8:38

Siida wassean aba seaygeani bea ring'eeda biissa ea meawalla Aseettean, siida isinnean gheanyanga ea ng'asheegeasu, abeeda Balleanda Siida gaygwasissa gheanyanga siidida, damanda jea ghwaana nea nighambiit ghwaan sea giijasoodiga ghaydidi bea humng'eeda.”

Lukka 21:27

Ak gajeadaah Balleanda Siida nea ghwaana jeeda shamoghooda nea gwandeawa uurda ea gigheambiitta haw.

Lukka 22:69

Nea gidang'eada ghamneawa Balleanda Siida gaygoopteada aba meatkweeda geattinda dugwa bea Aseetta hoauur.”

Lukka 9:26

Siida isinnean gheanyanga ea ng'asheegeasu, eara ninyi gaygwasissa gheanyanga Balleanda Siida, damanda jea ghwahinna aba giighaambiittaanyi ea dea Bwaabwa ea dea malaykajeega ghaydidi.

Yohaana 21:22

Gwayeeshsha Yeesu niny, “Iyeagasayi gobiida badayda ng'eanyiida ea dabiigu gwasawannyi naaha? Ang'iing'i eanni geeshteanyu!”

Yohaana 21:23

Hean ghaghayda iittida aba jeedeaba oorjookka gideaba ginealaneetta mayghami; nea Yeesu niny ea mii gwayeeshsha, ginealaneani mayghami geaghus gideaba gwayeeshsha, “Iyeagasayi gobiida badayda ng'eanyiida ea dabiigu, gwasawannyiini?”

Gadiyeeda Giijasoodiga 1:11

ak gwayi, “Fuga Galilaaya ghwasaan anda ghoamiinaadi nea gong'ulayi humng'eeda? Yeesuheeni beawa heedeang'wa ak gawa humng'eedean, gaygabiikteaydunu gawuurji gidaghamneawa oadaakti nea gawa humng'eedean.”

Ruumi 14:12

Asi gwasnu giliwassih aba jeedeanya gaygagu iittaannyi aba madeeda Aseetta.”

Ruumi 2:6

Imuchchu ghoadaw giliwas siida gitteenna seang'ayda ng'asheega nisin:

1 Goriinto 15:23

Ak gaygaba siisi siittuudu aba badiida Aseetta: Nea Gristo ea haghweega madeeda gil, nea damanda jea ghwahinna gayghwaan heeda fuga was gea Gristo.

1 Goriinto 3:13

abeeda gajeattajiit gadiyeemba giliwas sih; aba gideaba gayghoahiimu Eaweettida, aba gideaba gajeattaajiida beasta, ak abeeda gwasin beasta gadiyeeda ghayi sisin giduurji.

1 Goriinto 8:8

Nea hamitta ghanyea maygagwarseasa aba heeda Aseetta. Iisunung'waadi agitta amwasunyeawaneasa gil, ama siyaaji ea maygooheadeeseasa gil.

2 Goriinto 5:10

Aba gideaba gajeahitta eesasean madeeda hoorgeeda girgweageeda Gristo, ak abeeda gaba siisi nyas gidamiy ghanea gidamuyi, gawuurji gitta ghayi sin aba saseedean.

Efeeso 6:8

nea ghoanalli gideaba gidamiy wassean sin siida, gaygabiikta ghwanyas gichcha aba heeda Ng'uttamiida, ea ging'ng'oonyaneeda gil ghanea siida abalgeawi.

Golosaayi 3:25

Aba gideaba siida wassean sina ng'asheega munyas gayghwanyas gidageattindaanyi uurji dea sina nea maygwanda shiitmeeda.

1 Desaloniikke 1:10

nea ghoammuughu Balleandaannyi jea gwaleabu humng'eeda, ghayi aduunna miyeeda, nea Yeesu gil, lealnaneasa nyarasta jea ghwahidu.

1 Desaloniikke 4:16

Aba gideaba Ng'uttamiida gaygwashuubean niny nea gwaleabu humng'eeda ea shookcheanda haw mideawa digheanda, ea nyeashta malaykajeanda haw, sea nyeashta durumbeatteeda Aseetta. Ak abeeda fukka ghayi meewwiisa jeeda Gristohiin gajeshsheeda ettuuttu;

Yakkobo 5:7

Asi fuga eaduupcheewi, amilikghta ea ghwahitta damanda jea ghwahinna Ng'uttamiida. Ang'ulla, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huydean.

1 Betro 1:17

Agooga iyoomwashchi awuurjeewana Bwaabwa jea goorgweaksa giliwas sii nea manda shiitmeeda aba giduurji sinaweagaaschi, asi abeawana muuwda damandeang'wa oowosi mang'aweannyeekka.

1 Yohaana 2:28

Asi ghamneawa diibiga manang'i, oppiidana jeadaannyi, aba gideaba ihidu abeeda geaghuschi ak ea meebiiktani bwadaw aba baspaseega aba hinnoadaannyi.

Yuuda 1:14

Appadaydeaba suu Enokki aba seaygeedeaba ispwa ng'eada Adamu gayghwaramoaran, nea gwayi, “Ng'ulla, Ng'uttamiida ghwaan nea goodeana malaykajeagaaschi meammu eyiida, gwanuuseada aba girgweaksiinda,

Giidaheechta 1:7

Ng'ulla, ghwaan nea godeana shamooghuutka, ak gayghwadaa niny giliwas gheang'da, ea giliwas sii ghayi ng'ut niny; ea emoojiga sean bea ng'eanyiida gaygaguuttu heareagaaschi. Asaha. Amin.

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawoschi siida sikkiideawa fughareenga ea guroruunatka, ak gaba siisi adawji aba jeedeang'wa gitteaschi sea gadiyoojigeagwa.”

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.