Mattayo 16:21 - NEAJEEDA EESH BEA BUUNEESSEAN

²¹ Ghang'eada damandida gwaruksa Yeesu giinealangaaschi gideaba gammiissa beatta jea gawa Yerusaleemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweetteaba samwagu gwaduudu.

Bibliyeeda Ghaydit

²¹ Ghang'eada damandida gwarukusa Yesu giinealangaaschi gideaba gammiisa beata jea gawa Yerusalemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweeteaba samwagu gwaduudu.

Mattayo 16:21 Mawu Ofanana

Mattayo 12:40

Gawuurji gida abiideatta Yoona jeeda ghweayeanda haw eawooji samwagu eawa ea askweari nii gichchea gawuurji Balleanda Siida gaygoobiida jeessigeeda eawooji samwagu eawa ea askweari.

Mattayo 16:22

Ghwaat Betro ea gameaji gwadilda ak goojuursa nea gwayeeshsha, “Mwayiinya Aseetta, Ng'uttamiida! Ng'asheesu mayghwanyasnyi.”

Mattayo 16:28

Aba huumwa geayeeshshineegwa, gwanda hiji bea jeedeang'wean fuga maygameewa, ea eaghus anidaah Balleanda Siida nea ghwaana jeeda sugoochcheandumeadaannyi.”

Mattayo 17:12

ak geayeeshshineegwa, Eliya nigeawiit ghwaan ak ea meanala, ak geesma halanjeassean gasa saawa. Gwasnu eara Balleanda Siida gaygawa ak gajeesawan aba geattinga nyaawa.”

Mattayo 17:9

Iiduw nea ghwararang'aana giijeeda, gwayeeshsha Yeesu, “Adiiduw goorukusi eara sih iitteaba ng'asheesu oadayiin ea eaghus ea niduunna Balleanda Siida jeeda miyeeda.”

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Mattayo 26:2

“Mwoanali gideaba ing'atta eawooji iyyeenya abeeda gajea ghweelmeeda Basakka gil, ak gajeattayda Balleanda Siida engoor.”

Mattayo 26:47

Damanda duugwandeawa hoowa nea gabalool ghwahidu Juuda nea gaba jeedeaba giinealangiga attamaniyyeenyean, nea goodeannyi sea emeeda mideawa bwaangajeega ea gulupkeakka nea goojeagu ashoohoodiga hees ea gweargwa.

Mattayo 27:12

Nea aba damandida argweaksiina ashoohoodiga hees ea gweargwean ghanyea mwasha eara ng'ashaan.

Mattayo 27:63

gwayeeshsha, “Ea Siida mureeda, sipkaachchi gidaghayi rugu siitta milmiliin damanda mii ghameawa gideaba, ‘Ing'atta eawooji samwagu gaydaduudu.’

Mattayo 28:6

Manda hiji aba gideaba nuduutteayda gidaghayi rukuteayda. Apkaani adaaha heeda heetta siyiin.

Marko 8:31

Gabiissa hean goneali Yeesu ginealangaaschi nea gwayeeshsha, “Asi anala gideaba Balleanda Siida gayghwanyas sawanadeeda haw muuchchi nea gayghaheawa gweargwa, ea ashoohoodiga hees ea ginealshoodiga diini. Gaygwanuus ama ng'atta eawooji samwagu gaygwaduudu.”

Marko 9:12

Gwayeeshsha, ada huumwa, “Eliya gayghanyi goshoohu ghwaan gwasissin halanjeassean. Eara gwasa, ghwasaan anda geang'waar aba jeeda Ng'ooruutka Ghaydit gideaba, Balleanda Siida gayghwanyas hang'weanidooda muuchchi nea gefool?

Lukka 17:25

Ak gayghanyi ghwanyas hang'weanidooda ammadeeda aba haleanjeessaang'a, nea gayghaheawa fiisu bea jeachcheeng'suun.

Lukka 24:46

Ak gwayeeshsha saawa, “Nii gidaghayi sung'waarda gil gideaba Gristo gayghwanyas hang'weanidooda ak gwaduuna miyeeda eaweetteaba samwagu,

Lukka 9:31

fiisu ghwahidu nea godeana gigheambiitta ak gabaloola badayda miyeadaannyi, jea gwasa aba Yerusaleemu.