Mattayo 16:19 - NEAJEEDA EESH BEA BUUNEESSEAN

¹⁹ Ak aniini gaydagoonnyi gichchea attinana sugoochcheandumeeda humng'eeda, ak gidiradi aba hiji bea muunda ng'eanyiidean abeeda gajeasirat aba hoowa bea humng'eedean, ak gidawassean iittini aba hiji bea muunda ng'eanyiidean abeeda gajeettin aba hoowa bea humng'eedean.”

Bibliyeeda Ghaydit

¹⁹ Ak aniini gaydagoonyi gichea atinana sugoocheanduumeeda humng'eeda, ak gidiradi aba hiji bea muunda ng'eanyiidean abeeda gajea sirat aba hoowa bea humng'eedean, ak gida wassean iitini aba hiji bea muunda ng'eanyiidean abeeda gajeetin aba hoowa bea humng'eedean.”

Mattayo 16:19 Mawu Ofanana

Mattayo 18:18

“Aba huumwa, geayeeshshineegwa, gida wassean oarachchi aba hiji bea ng'eanyiidean abeeda gajeasirat aba hoowa bea humng'eedean, nea gidoottinnyi aba hiji bea ng'eanyiidean gajeasiittin aba hoowa bea humng'eedean.

Yohaana 20:23

Nea iyosammiisi ring'eega buuneeda, gajeesamsa, ammosamsiini, ea majeesamsa.”

Gadiyeeda Giijasoodiga 15:7

Geebalool ea gageawiit baloolda, hean ghang'eat Betro ak gwayeeshsha, “Ea fuga eaduupcheewi, agooga ghoanalli gideaba ghayi ammwadi Aseetta ghwaloadan aba bugusteang'wa, ak aba ghuutteanyu ghwayiiy fuga Emoojiga ng'asheanda giijasta miy ak ghammwas.

2 Goriinto 2:10

Siida wassean oosamsi, earaniini gaydasamsa. Gidaneasamsi, ama deeppa eaneasamsi gidawassean, nii gweagu badahuukkeagwa aba madeeda Gristo,

1 Desaloniikke 4:8

Nea siida heawa ng'asheesu, ea mwaheawa siida ghaheawa Aseetta, goneegwa agooga Guroroodaannyi Ghaydit.

Giidaheechta 1:18

ghayi ghameayi, ak ging'ulayi geawoschi majeek; ghayi ghaameayi, asi ng'ulla geawoschi majeek damanda manda mudeanooda, ak geandeawi gissiittinna gidaghuutta Miyeeda ea Gheeda maloonghajeega.

Giidaheechta 11:6

Saawa gwandeawa uurda jea ghwarada humng'eeda, ak ea mwaroabwana damanda ramwaarana, ak gwandeawa uurda appadayda beega ak ghwayam ghoaw foojeanda, ak ghwalas ng'eanyiida aba giliwas dawni, aba gidagassiida.

Giidaheechta 3:7

“Heeda malaykajeanda ganiiseeda Filadeelfiya ng'waara: ‘Suh ng'asheega siida ghaydit gil assakkalealla, bea huumwa, mideawa gissiittinna gidaghuutta sugoochcheandumeeda Dawdi, siida amattin ea manda siida ammu ghwarat, siida amarat ea manda siida jea goottin.’

Giidaheechta 9:1

Hean goguul malaykajeandeaba muut durumbeatteadaannyi, ak ghaadaayi ming'weanda ng'adaana humng'eeda ak goobissa badayda ng'eanyiida, ak geattaw gidajea goottina ghuutta shoomanda mammuudeana;