Mattayo 16:18 - NEAJEEDA EESH BEA BUUNEESSEAN

¹⁸ Ak geayeeshshineey, ang'iing'i guwosi Betro, ak badaydeaba laghaneani gaydadeeksa ganisedeanyu, ak eara uurda miyeeda ea mayghoammu ghwajoar.

Bibliyeeda Ghaydit

¹⁸ Ak geayeeshiineey, ang'iing'i guwoosi Betaro, ak badaydeaba lagheaneani gaydadeeksa ganiiseedeanyu, ak eara uurda miyeeda ea mayghoamu ghwajoar.

Mattayo 16:18 Mawu Ofanana

Mattayo 10:2

Gheawungeaba giijasoodusu attamaniyyeenyean ea suhu, dea madeeda Simoneeda suguura Betrohi ea oorjeeda ghaamwat suguura Andereya, ea Yakkobo balleanda Sebedaayo ea Yohaana oorjeeda ghaamwat.

Mattayo 11:23

Eara angiing'i Gapernaumu, gajeettiing'neey ea gula humng'eeda? Gajeahing'neayi ea una jeeda maloonghajeega. Aba gideaba inyeada ghayi ng'asheaga deamdeameadi sisin aba ng'eang'deang'wa geesissa mujiineeda Sodooma, gwachchi mujiineetta gajeagudugwanda ea gagul ghamneawa.

Mattayo 18:17

Ama mealeysiniit saawa, abeeda girukusi ganiisa; ama mealeysiiniit ganiisa, abeeda ginung' ghoaw aba headaang'u siida Emoojiga ea dea ang'ng'waannyi gwaadi.”

Mattayo 4:18

Damanda neayeewa aba ghuutta basooda Galilaaya, ghwadaa oorju iyyeenya bea ghaamwadagi, nea Simoneeda suguura Betro gil ea oorjeeda ghaamwat suguura Andereya, nea ghoabuutta gheareedanga nyaawa jeeda basooda; aba gideaba fuga leallu ghweayeega.

Mattayo 7:24

“Asi siida wassean nyoo ghwayiiy ng'asheegeasu ak gwasin, gajeegala weaghoochcheanda fughareeda, deeksa gheannyi uhuuda harearacheanda;

Yohaana 1:42

Hean ghwaat heeda Yeesu. Daa Yeesu gwayeeshsha, “Ghamneawa gegureweey Simon Balleanda Yohaana? Asi gajegureweey Geefa.” (Nea gideabeadaannyi ea Betro gil).

Gadiyeeda Giijasoodiga 2:47

iiduw geduumsheesa Aseetta nea ghabwariy buuneessean. Ak ghwanung' Ng'uttamiida ghoahaada monneeda fuga silealu galeagasean.

Gadiyeeda Giijasoodiga 20:28

was gea ghayi nung' Gurorooda Ghaydit ahuuwa fuga jea ghoahaaghwa, ak goong'ulayi ganiiseeda Aseetta ghayi nyas aba foojeanda Balleandaannyi bea saseadaannyi.

Gadiyeeda Giijasoodiga 8:1

Ak ghamwas Sauli miyeadaannyi. Nea aba eaweettida ghwanyas ganiiseeda mida Yerusaleemu ghabasta haw; ak ghwadarda sean aba jeeda ng'eanyiida Yuudeeya sea Samariya, ea eaghus giijasoodiga.

1 Goriinto 15:55

“Ea miyeeda, jooriischoadaang'u gwanda yeenu? Ea miyeeda, ng'weanindaang'u gwandayeenu?”

Galattiya 2:9

iiduw nea ghwanyas dagheerjeandumeeda ghayi sugoonan, Yakkobo ea Geefa ea Yohaana, siiwwal gheanyangean, gagoonan sea Barnaba geattinda dugwa bea weechcheeda, bea gideaba gajeeweaya heeda fuga Emoojiga nea gaweay saawa heeda fuga ghasmeahooda;

Efeeso 3:10

ak aba naweeda ganiisa abeeda weaghumeeda Aseetta meammu ettean abeeda ghwanal sugoodiga ea gheambalmeeda aba jeeda daroorakka humng'eeda.

Efeeso 5:32

Makcheameeni funyaadiin ahaw ak aniini geabalooli badayda Gristo ea ganiisa;

Golosaayi 1:18

Nea niny ea uhuuda saseeda gil, nea dea Ganiisa, nea niny ea ging'eetta, ak ea duweachcheeda leabu miyeeda, ak abeeda ghoaw siichchea goosheedeawa haleanjeessean.

1 Dimotteo 3:15

Ama deeppa dashingda ginali gidamiisa gibinda fuga gheeda Aseetta was Ganiiseeda Aseetta majeek, wa sindeetta ea Lagheaneeda akar gheeda bea huumwa.

1 Dimotteo 3:5

(aba gideaba siida mwaammu goombal gheanyi gay ghwamustaan ghoahaaghwa Ganiseeda Aseetta?)

Ebraniya 12:28

Asi eahuuwa fuga mideawa badiischooda aba nyasooda sugoochcheandumeeda majeettuumduum, ak geattawji Aseetta ghadoowanda huumwa, aba mureeda ea mooshta ghawooda.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Giidaheechta 21:14

Ak ghamarda mujiini abeeda gwandeawa sindeechcheewi damaniyyeenya, ak badaydeaba sindeechcheekkiga gwanda gheawun damaniyyeenya bea giijasoodikka attamaniyyeeenya bea Dayeenda Gisilleandean.