Mattayo 12:28 - NEAJEEDA EESH BEA BUUNEESSEAN

²⁸ Ama ghamneawa earutteawi meangeenda uurda Gurorooda Aseetta, abeeda ghoanalli gideaba nihidu heedeang'wa Sugoochcheandumeeda Aseetta.

Bibliyeeda Ghaydit

²⁸ Ama ghamneawa earuuteawi meangeenda uurda Guroorooda ASEETA, abeeda ghoanali gideaba nihidu heedeang'wa Sugoocheanduumeeda ASEETA.

Mattayo 12:28 Mawu Ofanana

Mattayo 12:18

“Ng'ulla siideanyu bea gadiyeeda aloachchi, abwariinyi nea iissa ghwanung'u gahoosan jeedeanyu. Gaydayiin guroroodeanyu badaydaannyi, nea gaygwarukkwiida girgweageedeanyu aba jeeda Emoojiga.

Mattayo 12:29

Gayghoammustaan siida gideaba gayghabwasay gheeda siida mideawa uurda ak ghoawreat halanjeadannyi, nea mighannyi gwarada siitta mideawa uurdean? Ak abeeda gayghoammu ghoareat halanjeadannyi.

Mattayo 21:31

Heappi! Aba jeedeaba fiisu assiyyeenyean gwasin anneeda gidagasa ghwaan?” Gwayeeshsha saawa, “Diitta bea madeedeani.” Ng'atta gwayeeshsha Yeesu saawa, aba huumwa, geayeeshshineegwa, fuga ang'ng'oonyi gwaadi ea fuga hiseada gaygoosheedeaweegwa beatta jeeda sugoochcheandumeeda Aseetta.

Mattayo 21:43

Aba nii geayeeshshineegwa, sugoochcheandumeeda Aseetta gajearreadeagwa ak geattaw eemwa nuut ammu gagu haghweagaschi.”

Mattayo 4:24

Gageawiit iittannyi aba ng'eanyiisean bea Sirya, geeyeassa fuga sean miyeani, bearji heeluutka geeyoonung'weakka ea gea mideawa sawanaduutka, ea gea bearji meangeenda, ea gea ahiili, ea gea abittu damealga, ak ghoahaap.

Mattayo 6:33

Anyoo ghannyi oshsheeda agassa sugoochcheandumeadaannyi ea doobiiwnattaannyi, ak abeeda gajeehheaneegwa haleanjeeni seaniin gajea geagwa.

Marko 1:15

nea gwayeenniisa, “Nugul damanda, nea gheambalmeeda Aseetta ea nineekkiit, Adukkuunana ring'oojiga ak ghoamwaschi Giijasta Miy.”

Marko 11:10

Sibadischooweey ea gheambalmeeda sugoochcheanda ghayi was ghweandeanya siyi Dawdi. Oakghambiida Aseetta mida humng'eeda.”

Marko 16:17

Ak abeeda eara gwadeagooda gaygodeaydooschi Fukka mideawa masawegean, aba gheawungeasu gaygoruutta meangeeniga ak gaygabaloola iit nuut.

Lukka 10:11

‘eara birjeanda mujiineedeang'wa noas geashangaasa geelalaksi iheengeagwa; ak gobiissi anala gideaba sugoochcheandumeeda Aseetta nineekiit.’

Lukka 11:20

Ama iyearuutti meangeenda aba uurda Aseetta abeeda ghoanalli gideaba sugoochcheandumeeda Aseetta nihissegwa.

Lukka 16:16

Deaweedajeega ea sibanga ea gagul Yohaana; hean geerukkwiida Giijaasta miy bea sugoochcheandumeeda Aseetta, nea gaba siisi abwasaay geaw.

Lukka 9:2

Goojeakta gaweay gwarukkwiida sugoochcheandumeeda Aseetta, nea ghoahaap fuga miyeani.

Gadiyeeda Giijasoodiga 10:38

gidamwaarda Aseetta Yeesuyda Nasareetti aba Gurorooda Ghaydit ea uurda; ea gidaneayeatta nea gwasin ng'asheega miyaas nea ghoahaap buuneessean minighis meang'nyeandeendean, aba gideaba Aseetta gwandeayi sea niny.

Ruumi 14:17

Aba gideaba gheambalmeeda Aseetta mii agiischooda gil ea leeshooda, ada doobiiwnatta gil ea weayda ea hooseaneega aba jeeda Gurorooda Ghaydit;

Golosaayi 1:13

Ak niny gwalealnaneasa jeeda uurda misanumeeda ak goobaleegeasa ea ghwadeasa jeeda sugoochcheandumeeda Balleandaannyi bwariiy,

Ebraniya 12:28

Asi eahuuwa fuga mideawa badiischooda aba nyasooda sugoochcheandumeeda majeettuumduum, ak geattawji Aseetta ghadoowanda huumwa, aba mureeda ea mooshta ghawooda.

1 Yohaana 3:8

Siida sina riing'eeda gaba meang'nyeandeenda; aba gideaba meang'nyeandeenda ghayi gollagabean gwasna riing'eeda. Gissibaysiina wunooda Balleanda Aseetta geattaajiit ghwadattas gadiyeeda meang'nyeandeenda.