Mattayo 11:11 - NEAJEEDA EESH BEA BUUNEESSEAN

¹¹ Aba huumwa geayeeshshineegwa, manda siida wassean aba gea jii gadeemga dea haweewa Yohaaneeda Abattiisachchi eara siitta siyi amwanang'eawa sean aba jeeda sugoochcheandumeeda humng'eedean ahaweewa niny.

Bibliyeeda Ghaydit

¹¹ Aba huumwa geayeeshiineegwa, manda siida wassean aba gea jih gadeemga dea haweewa Yohaneeda Abaatiisachi eara siidida siyi ea mwanang'eawa sean aba jeeda sugoocheanduumeeda humng'eedean eahaweewa niny.

Mattayo 11:11 Mawu Ofanana

Mattayo 11:10

Nii siida sung'oorsa ng'asheesuun gil, ‘Ng'ulla aniini geajeagu giijasoochcheandeanyu madeeda gheanyangaang'u, jea gwasinneey naweadang'u aba madeadaang'u.’

Mattayo 11:12

Ghang'eada askwearjoojiga Yohaaneeda Abattiisachchi ea gagul ghamneawa sugoochcheandumeeda humng'eeda subwasay, nea fuga bwasay gageanda aba uurda.

Mattayo 3:1

Askwearjoojikka ghwahidu Yohaaneeda Abattiisachchi, ak gwarukkwiida ng'asheega Aseetta aba dareapcheeda Yudeeya, nea gwayeenniisa;

Mattayo 3:11

Geabattisananeegwa beega aba dukkuunooda, nea dea jea ghwaduupnaan geash gaburdeawean uurda, nea mammisean eara sareenda geakkaaschi; niny gaygoobattiisananeegwa Gurorooda Ghaydit ea beasta.

Mattayo 5:19

Asi siida wasean jea ghwalach diigheanjagi mwanang'eawa sean, aba jeedeaba diigheannyeeksu ak ghoannaaldunu buuneeda, gajeeguura dea mwanang' muuchchi aba jeeda sugoochcheandumeeda humng'eeda; amaduw siitta jea gwasin nea ghoanaal suurjeeniin, nii gajeeguura dea haw aba jeeda sugoochcheandumeeda humng'eeda.

Lukka 1:15

aba gideaba gaygwaheedu aba madeeda Ng'uttamiida, Mayghwali difaayi ghana gichchea gooboogit, ak gajeannyiit Gurorooda Ghaydit, ghang'eada jeeda ghaamwat.

Lukka 7:28

Asi geayeeshshineegwa aba jeeda diibiga jih gadeemga manda dea haweewa Yohaana; ak eara gwasa siida mwanang' muuchchi aba jeeda sugoochcheandumeeda Aseetta ahaweewa niny.”

Lukka 9:48

ak gwayeeshsha saawa, “Siida deaptaawa gheawunngeasu jeepta uurji nii ghwadeaptanaan aniini, nea siida deaptanaan aniini ghwadeapta siida ghayi ajeaknean; aba gideaba siida mwanang'eewaneegwa oagasean ahaweewaneegwa oagasean.”

Yohaana 1:15

(Yohaana gamuuwwu iittaannyi, ak goojur, “Nii dea ghayi earukku nea geayi, ‘Nii dea ghayi eayeennyi gay gweadu geeshteanyu ak ahaweawaneani aba gideaba gwanda madeedeanyu.’”)

Yohaana 1:27

Siisi gaygamaseawnean ak aniini ea mammisean gideaba gaydeameew deanga geakkaaschi.”

Yohaana 10:41

Gaweayi fuga saang'a headaannyi ak geyeeshsha, “Yohaana miigwasin gwadeagooda, duukku ng'asheega sean ghayi rugu appadaydeaba siisi ahuumwa gil.”

Yohaana 3:30

Gammiisa niny gideaba gajea ghaloamwat ak ea meawosi aniini ghaloamwaat.”

Yohaana 5:35

Niny ghayi gheabong'nyeanda yeat ak ghoabwaay gil, amaduw ghoabwariinyi agooga weeshindaannyi gil nuwaas.

Yohaana 7:39

Gwargu ng'asheesu appadayda Gurorooda, jea ghwanyas fukka jea ghamwas ninyiin; damandida Gurorooda mii ghwaan aba gideaba damandida Yeesu miyeakghambiit.

1 Goriinto 15:9

Aba gideaba aniini geawoschi mwanang'eawa giijasoodiga, biissa ea mammiissean gideaba gajeeguureewean giijasoochcheanda, aba gideaba ghayi naaghabwaschi ganiiseeda Aseetta.

1 Goriinto 6:4

Asi iyoondeawi girgweaguutka sunu, ghwasaan inyas ghoayiinnyi madeeda fuga meawwala gheanyanga aba jeeda ganiisa?

Efeeso 2:3

aba suu ghayi earaseasa sippiidi eesasean jeeda haleanjeeda gasa sasanuukkaasa, nea geayaachchi geeshta haleanjeeda gasa saseeda ea uhuuda, nea geebean eewosa diibiga nyarasta, ak geewuurjeewi fuga mwaatkwa.

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

2 Dimoteo 1:10

Ak ghamneawa dagheerjeandumeani geataajiit aba hinnooda lealnoocheandeanya was Gristo Yeesu Ninyi nijoar miyeeda, ak ghwadaajiiti eaweega mayghwadatasa aba giijasta miy,

Ebraniya 11:40

iiduw nea nibada Aseetta gidamiy appadahuukkaasa, iiduw isihelleewi ghanyea maygamajeekcheewiidi.

1 Betro 1:10

Sibanga ghayi ramoaran dagheerjeandumeeda jea ghoaw deang'wa gagaseadayyi nea goonyearriida iitteaba lealeanoani;