Mattayo 10:15 - NEAJEEDA EESH BEA BUUNEESSEAN

¹⁵ Aba huumwa geayeeshsheegwa eaweetta girgweaksiinda gajeawussus ng'eanyiida Sodooma ea Gomoora gamilikghteaysa ghorjooda eaweetta girgweaksiinda ea ghang'al mujiineetta.”

Bibliyeeda Ghaydit

¹⁵ Aba huumwa geayeesheegwa eaweeda girgweaksiinda gajeawusus ng'eanyiida Sodoma ea Gomora gamilikghteaysa ghoorjooda eaweeda girgweaksiinda ea ghang'al mujiineedida.

Mattayo 10:15 Mawu Ofanana

Mattayo 12:36

Asi geayeeshshineegwa, eawetta girgweaksiinda gaygaba siisi rugu ng'asheanda marachchi gil ghayi nyoo ea nurgu;

Mattayo 5:18

Aba huumwa geayeeshshineegwa; eara ghang'atta humng'eeda ea ng'eanyiida, ghanyeamanda eara hiji mwanang', ghana roobadeanagi mwanang', muuchchi bea deaweeda majeegeanda ea gwasa ng'asheega sean.

Mattayo 7:22

Eaweettida gaygwayeeshshinean fuga saang'a; ‘Ng'uttamiida, Ng'uttamiida, miyearamoorana aba ghawungaagu, nea aba ghawungaagu geerruutti meangeenda, ak geesinnyi haleanjeeda saang'a deamdeameadi aba ghawungaagu?’

Marko 6:11

Nea iyoahitti ng'eanyiida deeppa ea meadeaptaneegwa nea ghanyea mealeyseegwa eara iit, iyoabeawi ng'eang'da nyaawa alalakta birjeanda geeshangeagwa. Abeeda gajea gibuhanda nyaawa gil.”

Yohaana 12:48

Siida jaktanean nea mwoang'ng'waanya ng'asheegeasu gwandeawa dea jea gorgweaksa; ng'asheandida earuguun deajea gorgweaksa gil eaweeda huydean.

Yohaana 6:39

nea gidagasa dea ajeaknean ea nii gil, gideaba ea meahuttani earagi aba jeeda geagoonan, geaghus deaduudu eaweeda huydean.

Yohaana 6:40

Aba gideaba gidagasa Bwaabwa nii gil, gideaba siida nyoo ghwadaa Balleanda ak ghamwas abeeda ghwanyas eaweega manda mudeanooda, ak gaydeaduudu eaweeda huydean.”

Gadiyeeda Giijasoodiga 17:31

aba gideaba nisin eaweeda jea goorgweaksiina fuga muunda ng'eanyiida nea ghoadoabiiw, aba siitta ghayi loat ninyiin, ak ea niidaw buuneessean ng'asheesu nea goomajeek aba gidaduutteayda aba jeeda miyeeda.”

1 Goriinto 3:13

abeeda gajeattajiit gadiyeemba giliwas sih; aba gideaba gayghoahiimu Eaweettida, aba gideaba gajeattaajiida beasta, ak abeeda gwasin beasta gadiyeeda ghayi sisin giduurji.

1 Desaloniikke 5:4

Ak ea moondani jeeda misaneeda, fuga eaduupcheewi, ea ghwanung' eaweettida ghahameegwa ng'eanyi gawuurji mareanghweanda.

Ebraniya 10:25

nea adeanung'waadi badoodeaba geat, ak geesinnyi seareeda fuga mwaatkwa, gidabal gaba siisi amajeek nuut, nea aba sean ghoadaayi gideaba Eaweettida girgweaksiinda nineekkiit.

2 Betro 2:6

nea iiyam mujiinajeega Sodooma ea Gomoora, ak ghwanung' ghoaw deareeda ak ghwaaga ghorjooda saawa ak gwanuseada nea ghwanung' ghoaw gichchea eegala aba heeda fuga mabatta Aseettean;

2 Betro 2:9

Asi Ng'uttamiida ghwanal gichchea gwalealdeayda fuga awali gheangda Aseetta aba jeeda simsimda, nea ghwayiin fuga mii doabiiweadi ghoammuughu ghealooda ea ghwahitta eaweeda girgweaksiinda,

2 Betro 3:7

Nea aba ng'asheandida ea sunung' ghoamuughu humng'eeda ghamneawa mida ea ng'eanyiida beasta, geattiiw ea ghwahitta eaweeda girgweaksiinda ea dea nyariida fuga munyas.

1 Yohaana 4:17

Aba jeedeaba bariinyeesu sihhiit aba heedeanya, ak geamwaschi aba eaweeda girgweaksiinda, aba gideaba giduurjeatta niny ea gissuwuurjeatti gil aba badaydeaba ng'eanyiini.

Yuuda 1:6

Nea malaykajeega mang'ulla muuchchi hoorgajeega nyaawa ak ghang'amwa heeda eajusu abiitta ea nirattiisa niny jeeda munyaloalajeega maygammuudean aba jeeda misaneeda ea ghwahitta eaweetta haw bea girgweaksiindean;

Yuuda 1:7

gawuurji Sodooma ea Gomoora ea mujiinajeega neekkeewa, fukka abeeda gwasna ng'asheega munyas gawuurji gidaghayi sin fukka nea geayaat geeshta ng'asheega saseeda nea geegala ak ghwanyas girgweaksiinda beasta manda muudeanooda.