Marko 8:12 - NEAJEEDA EESH BEA BUUNEESSEAN

¹² Gagiisan Yeesu aba guroroadaannyi aba ng'asheanji ak gwayi, “Anda fiisu bea seaygeaniin gagassiidunu gwadeagooda? Adiiduw. Aba huumwa fiisu bea seaygeaniin mwajeattaw gwadeagooda.”

Bibliyeeda Ghaydit

¹² Gagiisan Yesu aba gurooroadaanyi aba ng'asheanji ak gwayi, “Anda fiisu bea seaygeaniin gagassiidunu gwadeagooda? Adiidu. Aba huumwa fiisu bea seaygeaniin mwajeataw gwadeagooda.”

Marko 8:12 Mawu Ofanana

Mattayo 12:38

Ak gwayeeshsha Ng'oorshoodiga ea Farisayajeega, “Giinealshoochcheanda geegasayi eadaaha gwadeagooda aba headaang'u.”

Mattayo 16:4

Seaygeeda munyas mealuuleadi ak gagasa gwadeagooda, ak ea mwajeattaw geaghus gwadeagooda ghayi bea Yoona.” Ng'atta ghwanung'wa heeda ak ghang'eat gawa.

Marko 3:5

Hean ghoaduup ghaang' Yeesu buuneeda aba nyarasta ak ghang'ut giseaneega idaah hang'ooynachcheekka guroruunatkeaba fugiga. Gwayeeshsha siitta aptu geattindean, “Asi adoabiiwa gattindaang'u.” Ghoadoobiiw siidida geattindaannyi ak gabiikta geattinda gamajegiit.

Marko 6:6

Ghahamng'eanyi Yeesu idaah gidamwamwasta buuneeda ng'asheagaaschi. Iiduw gwaskeada Yeesu gealga aba hoowa nea gonealshi.

Marko 7:34

Hean gong'weersa Yeesu humng'eeda, amahit gosiima, ak gwayeeshsha siida ghwanyawa miyaan, “Efwatta!” Nea gideaba, “Jaadana.”

Marko 8:13

Ghang'eat Yeesu ghang'amwa ng'eang'da nyaawa. Gwading'da maleambooda ak gawa ea ghoaghaawa basooda.

Marko 9:19

Gwayeeshsha Yeesu saawa, “Anda agooga gowoschi seaygeeda mandeawana masaweega! Assagooga gaydeabiita heedeang'wa ea ghoaw eeju? Gaydabattiseegwa ea ghoaw eeju? Heappi ayeanni hedeanyu.”

Lukka 19:41

Iiduw nea gwaneekkiit mujiini ak ghwadaa goyyeawussa,