Marko 5:7 - NEAJEEDA EESH BEA BUUNEESSEAN

⁷ ak gojuur nea gwayeeshsha, Gendeeyeesi naaha Yeesu sea ang'iing'i, “Balleanda Aseetta haw? Geamuscheey aba gheawunga Aseetta adisawannyean!” (

Bibliyeeda Ghaydit

⁷ ak goojuur nea gwayeesha, “Geendeayeesi naaha Yesu sea ang'iing'i, Orjeeda ASEETA haw? Geamuscheey aba gheawunga ASEETA adisawanyean!”

Marko 5:7 Mawu Ofanana

Mattayo 16:16

Ghwasha Simoneeda was Betro nea gwayeeshsha, “Ang'iing'i guwosi Gristo, Balleanda Aseetta majeek.”

Mattayo 26:63

Ghwasiinda Yeesu. Gwayeeshsha Ashoohoochcheanda haw, “Eaniyean aksiina Aseetta majeek habeawooda rukuneasa ang'iing'i ea guwosi Gristo, Balleanda Aseetta.”

Mattayo 4:3

Ghwahidu headaannyi gichchea gwasimsim ak gwayeeshsha, Iiwosa Balleanda Aseetta giyami lagheangsu ghoaw mukkatte.

Mattayo 8:29

Ng'ulla Goojuur nea gwayeena, “Geendeayeesi naaha sea ang'iing'i, Ea Balleanda Aseetta? Guwuni sawaneasa nea miighwahidu damandeanya?”

Marko 1:24

Gojuur nea gwayi, “Gendeayeesi naaha sea ang'iing'i Yeesuyda Nasareetti? Guwuni lasa uhuudeanya? Ghanalli siiduwosi guwosi siida Ghaydit bea Aseetta!”

Marko 14:61

Ghwasiinda Yeesu marukuta eara ng'ashaanjagi. Gabiikta asohohoochcheandida ghoanyaash Yeesu nea gwayeeshsha, “Heappi ang'iing'i guwosi Gristoyda was Balleanda Aseetta Ghambidaadi?”

Marko 3:11

Nea fuga bearji meang'nyeandeenda inyoo gwaroonnyi Yeesu, gobedeaysa madeadaannyi nea goojuur nea gwayeeshsha, “Ang'iing'i guwosi Balleanda Aseetta!”

Marko 5:6

Iiduw nea ghwadaa Yeesu nea gudeasheagi Ghafwach ama hitta heeda ghwahiiy geaw aba mureeda aba madeeda Yeesu

Marko 5:8

Ghwanyaashtunu aba gideaba niyeeshsha niny, “Ritteaysiina siisi.”)

Lukka 1:32

Nea gajeahaw, ak gajeeguura Balleanda Aseetta haw mida humng'eeda; nea gayghoadaw Ng'uttamiida was Aseetta hoorgeeda sugoochcheandumeeda Dawdi was ghwaan,

Lukka 4:34

“Seh! Akayhindaneasan ang'iing'i Yeesuuyda Nasareetti? Ghwasaan anda gineayaneasa? Ghanalli siiduwosi guwosi dea Ghaydit bea Aseetta.”

Lukka 6:35

Asi abwariinya weajoodigeagwa, nea goosinnyi gea miyaas, nea ghoanung' goleakshi, nea adoofurdi godelneegwa gil; abeeda gimeardeang'wa gajaahaw, ak gajahuuwa balloojiga Aseetta haw mida humng'eeda; aba gideaba niny aamiy aba fuga mabadiischeesiina ea gea geawwi gheanyan.

Lukka 8:28

Daa siitteani Yeesu gobeedeaysa madeadaannyi ak gojuur aba ghuutta haw nea gwayeeshsha, “Geendeayeesi naaha sea ang'iing'i Yeesu Balleanda Aseetta miida humng'eeda? Aniyean adisawannyean.”

Yohaana 20:31

suu geang'waar aba gideaba abeeda ghoamwaschi gideaba Yeesu Gristo gil, Balleanda Aseetta, amabeeda oamwaschi ghoanyaschi eaweega aba gheawungaaschi.

Gadiyeeda Giijasoodiga 16:17

Hean ghwaat hudida geeshta Baulo ea geeshteanya nea goojuur nea gwayeena, “Fiisu soomjooga Aseetta haw gil, ak ghapka gwarukuneegwa naweeda lealeanooda.”

Gadiyeeda Giijasoodiga 19:13

Abeeda gwanda fiisu ng'ay bea Yahuudi neaydooschi aruuttiida meangeenda munyas inyeessa gamanya rukkuunooda gheawunga Ng'uttamiida was Yeesu, appadahuukka fuga mideawa meangeenda munyas nea gwayi, “Geeyeenyi ritteaysiina siisi aba gheawunga Yeesu diitta rukwiida Baulohiin.”

Gadiyeeda Giijasoodiga 8:36

Iiduw nea geeweay aba naweeda geeyibwak ea eehitta heeda mida beega, gwayeeshsha siidida was gulaneedean, “Hiji gwanda beega! Gwanda gichchea ghoadealan ea meeppattiisani?” [

Ruumi 16:20

nea Aseetta mideawa weayda gaygabay ghwanung' adattasa Shattaani aba geeshangeagwa. Dagheerjeandumeeda Ng'uttamiideanya was Yeesu Gristo gagasa goobiida jeedeang'wa.

Ebraniya 2:14

Gwasnu eara diibiga gaguuyi saseeda ea foojeanda, gwasnu eara niny gwandeawa saseeda uurji nii, ak aba naweeda miyeeda abeeda ghwadattas diitta mideawa uurda miyeedean, nea meang'nyeandeenda,

Ebraniya 7:1

Nea abeeda Melkisedeki, was sugoochcheanda Saleemu, was ashoohoochcheanda Aseetta haw bea humng'eeda, gwaronnyi sea Abrahaamu nea gwaleabu nuseadayda sugoodiga ak ghoadaw niny ghawooda;

Yakkobo 2:19

Ang'iing'i gumwasi gideaba Aseetta aagi; gidoabiiwi. Eara meangeenda ghamwas nea ghabwaadani.

2 Betro 2:4

Aseetta ghayi iimwanung'waada malaykajeega adiiy, hean gwahisa jeeda maloonghajeega ak ghwayiin jeesinga shoomeanga misana earassa ea ghwahitta eaweeda girgweaksiinda;

1 Yohaana 3:8

Siida sina riing'eeda gaba meang'nyeandeenda; aba gideaba meang'nyeandeenda ghayi gollagabean gwasna riing'eeda. Gissibaysiina wunooda Balleanda Aseetta geattaajiit ghwadattas gadiyeeda meang'nyeandeenda.

Yuuda 1:6

Nea malaykajeega mang'ulla muuchchi hoorgajeega nyaawa ak ghang'amwa heeda eajusu abiitta ea nirattiisa niny jeeda munyaloalajeega maygammuudean aba jeeda misaneeda ea ghwahitta eaweetta haw bea girgweaksiindean;

Giidaheechta 12:12

Asi ang'weella, Ea humng'eeda, ea agoogeeni ondijeedean! Asi agooga ashageada, Ea ng'eanyiida ea basooda, aba gideaba meang'nyeandeenda nirarang'aan ghwahidu heedeang'wa nea gaba nyarasta haw aba gideaba ghwanal gwandeawa gheadi nuwaas!”