Marko 4:11 - NEAJEEDA EESH BEA BUUNEESSEAN

¹¹ Ghwalamda Yeesu ak gwayeeshsha, “Agogeeni ghamneawa simeayneegwa makcheameeda Gheambalmeeda Aseetta. Amasunung' fugiga manda jedeaba gheambalmeeniin, saawa ng'asheega ijea erukkwiisa geaghus egalla geat.

Bibliyeeda Ghaydit

¹¹ Ghwalamda Yesu ak gwayeesha, “Agoogeeni ghamneawa simeayneegwa makcheameeda Gheambalmeeda ASEETA. Ama sinung' fugiga manda jeedeaba gheambalmeeniin, saawa ng'asheega iijea eerukwiisa geaghus eegala geat.

Marko 4:11 Mawu Ofanana

Mattayo 11:25

Aba damandida gwayi Yeesu, “Geabadiischoweey ea Bwaabwa was Ng'uttamiida humng'eeda ea ng'eanyiida, aba gideaba gufnyi ng'asheesu fuga weaghoodi ea fuga mideawa fughareenga akkihiimsi diibiga manang'i;

Mattayo 13:16

Ghoang'wani agooga aba gideaba gheanyangeagwa ghoang'wearda nea iidigeagwa gwayiing'shi.

Mattayo 16:17

Ghwasha Yeesu nea gwayeeshsha niny, “Ging'wani ang'iing'i, Simoneeda Bar-Yoona! Aba gideaba ng'asheanji moadaajiida saseeda ea foojeanda nii ghoahiimneey Bwaabwa mida humng'eeda.

Marko 3:23

Iiduw gaguursa saawa headaannyi, ak ghoanyaash nea gwasin ak gwayeeshsha, “Ghamneawa Shattaani ghoang'ng'wa ghahoan Shattaani?

Marko 4:10

Iiduw nea gwandeawa Yeesu geaw, gaweesa Fukwachchi aleeysiit sea ginealangaaschi attamaniyyeenya ak geannyaash gidagwachchi baysiina gallodeaba geat bea ng'asheega.

Marko 4:2

Hean goneali buuneeda ng'asheega saang'a nea gagalla geat ng'asheega. Gwayeeshsha abajeeda ginealshoodaannyi,

Lukka 8:10

gwayeeshsha, “Agoogeeni simeayneegwa makcheameeda sugoochcheandumeeda Aseetta; nea aba fii suuk geaghus eegalla geat, aba gideaba eara iyang'wearda amayghwadaa, ama eara iyiiy amayghwanal gidawas.”

1 Goriinto 4:7

Ghwadaah ng'eaha gidawassean sajaadawaat aba jeedeang'wa? Ak gondeawi naaha ghayi moanyasi? Ama ghayi oanyaschi, ghwasaan inyas ghoaghwarji geat ea gawuurji gili megooneegwa?

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

Efeeso 1:9

Aba gideaba nideajiinneasa aba weaghuumeeda sean ea makcheameeda funyaat bea gitta gasean, aba gitta bada appadayda Gristo was gidagasa iihitta damandean,

Golosaayi 4:5

Abeawana weaghumeeda aba madeeda fuga mwamwasa, nea googadiyeatti muuchchi damanda sugooneegwa.

1 Desaloniikke 4:12

ak abeeda gajanyasa mureeda aba heeda fuga emoojiga, ak ea adooghuschi buuneeda aba haleanjeeda.

1 Dimotteo 3:7

Ak gamiisa gideaba gamuuwwuuna badaydaanyi fuga manda jeeda Ganiisa ng'asheega miyaas, aba gideaba adeergu ng'asheega munyas appadaydaanyi ak ghoabitta jeeda gadageeda Shataan.

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.