Marko 2:8 - NEAJEEDA EESH BEA BUUNEESSEAN

⁸ Gwajeeng'u Yeesu ng'asheega baloola jeesinga nyaawa ak gwayeeshsha, “Ghamwach-mwach naaha jeesing'eagwa?

Bibliyeeda Ghaydit

⁸ Gwajeeng'u Yesu ng'asheega baloola jeesinga nyaawa ak gwayeesha, “Ghamwachmwach naaha jeesingeagwa?

Marko 2:8 Mawu Ofanana

Mattayo 12:15

Geeyi bwak ama jeeng'u Yeesu ng'asheanji ghabeawa hoowa. Ghwaat geashta fuga saang'a ak ghoahaap fuga miyeani sean,

Mattayo 16:7

Gwasheang'nyi saawa nea gabwa geat, nea gwayi, “Miyeeyeanna mukkattajeega.”

Mattayo 9:4

Gwajeeng'u Yeesu gidabaloolda saawa aba jeesinga nyaawa, ak gwayeeshsha, “Ghwasaan anda goobalooli ng'asheega munyas aba jeesingeagwa?

Marko 2:7

“Assiisi gwarukutaydaan ng'asheesu? Nii gong'eawi Aseetta! Ghanyeamanda siisi ammu gwasamsa ring'eemba nuut, geaghus Aseetta akghwahit.”

Marko 2:9

Awussus anneeda aba hedeang'wa gideaba gearukusi siisi abittu damealgean gideaba, ‘Sisamsa ring'eedaang'u ghana gideaba geyeeshsha ng'eada, Geanda mundaang'u ak guwi?’

Marko 7:21

Aba gideaba ng'asheega leappu jessiida gwaleabu jeeda guroroadaannyi nea giikka munyasiini gil, nea hiseadayeandumeeda,

Lukka 24:38

Gwayeeshsha saawa, “Ghwasaan anda nung'deagwa muuwda, ak ghwasaan anda goonyearayi geat ng'asheesu aba jeesingeagwa?

Lukka 5:22

Jeeng'u Yeesu ng'asheega anyeari geat gwayeeshsha, “Ghwasaan anda gonnyearayi geat ng'asheesu aba guroruunatkeagwa?

Lukka 6:8

Hean ghwanal gidamida jeesinga nyaawa, ak gwayeeshsha siidida aptu geattindean, “Beenni miinaada aba hiji.” Ak ghang'eat ak ghamiinaada aba hoowa.

Yohaana 21:17

Gabiikta ghoanyaash deaba samwagu, “Simon, balleanda Yohaana, gibwarinyaani?” Gagiisan Betro aba gideaba geannyaash deaba samwagu gideaba “Gibwariinyaani” Gwayeeshsha niny, “Eah, Ng'uttamiida; ang'iing'i ginali haleanjeessean, ang'iing'i ginali gideaba aniini ghabwarinyeay.” Gwayeeshsha Yeesu, “Ahaaghwana gisilgeasu.

Yohaana 6:64

Eara ghamneawa gwanda jeedeang'wa fuga mamwasa.” Ghang'eada mwadi Yeesu ghayi gwargu ng'asheesu nea gabean ghwanal gideaba geabeang'a gil fukka mwamwasaan, ak ea ng'eaha siida jea ghwala bwadaw niny.

Gadiyeeda Giijasoodiga 5:3

Ghwalamda Betro ak gwayeeshsha, “Ananiya ghwasaan andaginung' goobal guroroadaang'u Shattaani ea ghwanung' reenganna Gurorooda Ghaydit ak gifunyi haleanjeeda mwaatkwa bea madamnyeandean?

Gadiyeeda Giijasoodiga 8:22

Asi duukkuunana searoojusu ikkeagwa munyasiin, ak gumwaashi Ng'uttamiida, immuusi, ak gaygwasamseey aba gidigasayi mida jeeda guroroadaang'uuni.

Ebraniya 4:13

Ak ammadeadaannyi ea manda gidaghayi sisin jea afunyaat, amaduw adaach haleanjeessean ea dawiiri nea daach aba madeeda gheanyangaaschi nea dea jea gorgweakseasa.

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawoschi siida sikkiideawa fughareenga ea guroruunatka, ak gaba siisi adawji aba jeedeang'wa gitteaschi sea gadiyoojigeagwa.”