Marko 2:15 - NEAJEEDA EESH BEA BUUNEESSEAN

¹⁵ Iiduw nea gweagiischi Yeesu aba gheeh Laawi, goreemsa Fuga saang'a ang'ng'oonyi gwaadi ea fuga ring'eega, nea abeeda niny gweagiischi sea ginealangaaschi ea fuga mwaatkwa ghwanyawa eattu geashtaannyi.

Bibliyeeda Ghaydit

¹⁵ Iidu nea gweagiischi Yesu aba gheeh Lawi, gooreemsa fuga saang'a ang'oonyi gwaadi ea fuga riing'eega, nea abeeda niny gweagiischi sea ginealangaaschi ea fuga mwaatkwa ghwanyawa eatu geeshtaanyi.

Marko 2:15 Mawu Ofanana

Mattayo 5:46

Aba gideaba iyoabwariinyi gea bwariinyeagwa agooga, gajanyasa anagiimwaar? Neada eara fuga ang'ng'oonyi gwaadi saawa ea masinniidunu?

Marko 2:14

Gawa Yeesu ghwaat naweeda ea ghwadaa nisiih Lawiiyda Alfaayo nea goopteada aba hoowa sing'ng'oonnya gwadiin. Gaguursa ak gwayeeshsha, “Benni eanni geeshteanyu.” Ghang'eat Laawi ghwaat geeshta Yeesu.

Marko 2:16

Daa fuga mwaatkwa was Ginealshoodiga diineeda Yahuudi was Farisaayajeega gideaba Yeesu gombuuchchi fuga ring'eega geannyaash ginealanga gideaba, “Anda Yeesu ghwasaan inyas gombuuchchi sea fuga ring'eega ea gea ang'ng'oonyi gwaadi?”

Lukka 15:1

Eaweechcha gaweesa Fuga ang'ng'oonyi gwaadi ea fuga ring'eega gooleeysiit niny.

Lukka 6:17

Iiduw nea ghwararang'aan sea saawa ak ghamiinaada aba heeda miy ng'eanyi, abeeda gwandeawa fuga saang'a was ginealangaaschi ea emeettuw leabu meatkwajeega sean bea Yudeeya, ea Yerusaleemu ea ghuutta basooda Diro, ea Sidooni, nea ghapka gooleeysiit niny nea geahaap geyoonung'eakka nyaawa;