Marko 13:11 - NEAJEEDA EESH BEA BUUNEESSEAN

¹¹ Nea eara isiyadeagwa gheeda sirgweachcha, ea adoohirbabannyi, appadayda ng'asheega jea arukuta, ihidu damandida, arukuta ng'asheanda wassean sinyunneegwa, aba gideaba mii agooga gil fuga jea gabalool, gaygabalool Gurorooda Ghaydit.

Bibliyeeda Ghaydit

¹¹ Nea eara iisiyaadeagwa gheeda sirgweacha, ea adoohirbabanyi, aba badayda ng'asheega jea arukuta, iihidu damandida, arukuta ng'asheanda wassean sinyuneegwa, aba gideaba mii agooga gil fuga jea gabalool, gaygabalool Guroorooda Ghaydit.

Marko 13:11 Mawu Ofanana

Mattayo 10:17

Ashageada Buuneeda aba gideaba gayghwaadeagwa gheeda siirgweachcha nea ghabwareagwa aba jeesinga gealga nyaawa siinnealshachcheewa.

Marko 13:12

Nea Siida gayghwala bwadaw oorjeeda ghaamwat ak genuus, nea Bwaabwa gayghwala bwadaw orjeadaannyi, eara Diibiga gayghabwar ghweaniga nyaawa ak gwanuuseada.

Marko 13:9

“Asi agooga ashageada, aba gideaba gayghwadeagwa Buuneeda gheeda sirgweachcha, nea geabwareagwa aba jeesinga ghoorajeega sinnealshachcheewa. Gajeayadeagwa madeeda fuga hees ea madeeda sugoodiga appadaydeanyu, ak abeeda gajahuuwa mushoodigeasu aba madeannyaawa.

Lukka 21:12

Ak damanda migapnu ng'asheesu seaniin gajeang'ng'waanyeagwa ak geesawaneegwa, nea geayadeagwa gealga sinnealshachcheewa ak gajeejakseegwa ghealooniga ak gajeayadeagwa madeeda sugoodiga hees ea madeeda fuga hees ambaliischi aba gheawungeasu.

Yohaana 3:27

Gwayeeshsha Yohaana, “Siida mwoammu ghwanyas gidawassean geaghus dea siittaw leabu humng'eeda.

Gadiyeeda Giijasoodiga 2:4

Hean geannyiit sean uurda Gurorooda Ghaydit ak gabalool aba iit nuut aba gidagassiida Gurorooda gwarukutteayda.

Gadiyeeda Giijasoodiga 3:13

Aseetta Abrahaamu ea Isakka ea Yakkobo, Aseetta ghweenigaasa, nighambiit soomjeandaannyi was Yeesu ak siisi eadeaghayi oyiinnyi geattinga fuga hees gil ak goodardeaysi aba madeeda Bilatto, eara aba damandiida gasa gwasikksina ninyiin.

Gadiyeeda Giijasoodiga 4:31

Iiduw nea sihhit mooshta Aseetta, gwadumdum heeda gwachcha bassa geat; ak gaba nii sinnyiit Gurorooda Ghaydit ak gwarukwiida giijasta miy bea Aseetta aba meaynatta.

Gadiyeeda Giijasoodiga 6:10

Ak ea meammu eajoar aba weaghuumeeda adaw Gurorooda ak ghwanung' gabaloolliin.

Gadiyeeda Giijasoodiga 6:15

Asi gang'ula buuneessean niny, nea fuga sean mida jeeda gheeda sirgweachcha ghwadaa gideaba gheamamdaannyi gawuurji sea gheamamda malaykajeanda.

Gadiyeeda Giijasoodiga 7:55

Iiduw nea niny ea ninyiit Gurorooda Ghaydit, gang'ula humng'eeda ak ghwadaa gigheambiitta Aseetta, nea Yeesu ghamiinaada aba meatkweeda geattinda dugwa bea Aseetta;

1 Goriinto 2:13

Ak geerukkwiidi gili aba ng'asheega maleapna weaghuumeeda anaal fii siida geaghus dea anaal fii Guroorooda, ak gwaroobu humeanda guroorooda aba heeda fuga mideawa Guroorooda.

Efeeso 3:5

ak ea meanung' ghwanal balloojiga buuneeda aba seaygoojiga suurja gawuurji gidaghamneawa sittaheachsiinda giijasoodigaaschi ghaydidi ea sibanga aba naweeda Gurorooda;

Yakkobo 1:5

Asi siida wassean mida jeedeang'wa isuunyeewa weaghumeeda, ea damwaash Aseetta, adawi buuneessean haleanjeeda aba innyeanda jeeda, nea maygwareekusa ak gajeattaw.

1 Betro 1:12

Hean geettaheachsa saawa gideaba magadiyeesiina badahuukka nyaawa, appadahuukka haleanjeeda ghamneawa rukuneegwa fukghayi rukuneegwa giijasta miy aba naweeda Gurorooda Ghaydit siichcheagu leabu humng'eedean, ng'asheesu ghayi gagaseadayi malaykajeega ghwadaa.