Marko 10:21 - NEAJEEDA EESH BEA BUUNEESSEAN

²¹ Hean gong'weersa Yeesu siidida nea nubwariiy ak gwayeeshsha, “Ghwashoadeaweey gilagi, una akkishaaydi halanjeadaang'u indeawi sean amahit gigeanu lappiyeedida ak gidawaadi fuga barbari. Abeeda gaynyasa baruureega aba humng'eeda. Hit ginyuunyi eanni geeshtteanyu.”

Bibliyeeda Ghaydit

²¹ Hean goong'weersa Yesu siidida nea nibwariiy ak gwayeesha, “Ghwashoadeaweey gilagi, una ak gishaaydi haleanjeadaang'u indeawi sean amahit gigeanu lapiyeedida ak giidawaadi fuga barbari. Abeeda gaynyasa baruureega aba humng'eeda. Hit ginyuunyi eani geeshteanyu.”

Marko 10:21 Mawu Ofanana

Mattayo 16:24

Damandida gwayeeshsha Yeesu giinealangaaschi, “Siida wassean iigasa gweadu geeshteanyu ea dafoola geaw ak ghwasar behiidaannyi ak gweadu geeshteanyu.

Mattayo 19:21

Gwayeeshsha Yeesu niny, “Iigasayi huuwa siida hidaat, guwi ak gishaaydi haleanjeadaang'u indeawi, ak giidawi fuga barbari, ak abeeda gaymideawana gheaseeda aba humng'eeda, ama ng'atta guwuni eanni geeshteanyu.”

Marko 10:22

Iiy Siidida ng'asheanji gafu duwunda ak ghang'eat gawa nea nigiisan, nea gwasin gideaba abeeda siidida meanang'ochcheanda gil.

Marko 8:34

Gaguursa Yeesu emeettuw sang'aan ea ginealangaaschi ak gwayeeshsha, “Siida wassean igasa gweadu geeshteanyu, ea adaghwarar geaw, geaghus gageanu behiidaannyi ak gweadu geeshteanyu.

Lukka 10:42

gidasigasa aagi akghwahit. Mariya aniloat gidamiy mwajeammu eegeandeawa.”

Lukka 12:33

Ashaayda haleanjeeda ondeawi ak ghoattaydi haleanjeeda sisappa geadi bea ghadooweeda; asissina geat shageeniga mawoosiitta, gheaseeda mayghoashoay aba humng'eeda heeda may gwaneekkiissa mareanghweanda, heeda mayghwaak eara muguyga.

Lukka 16:9

Asi geayeeshshineegwa, asissiina geat roroochcheeda aba meanang'oochcheandumeeda mwadoabiiwa, ama ashealaneegwa gil, ghwadeaptaneegwa aba jeeda giibiinda manda muudeanooda.

Lukka 18:22

Iiy Yeesu ng'asheesu gwayeeshsha niny, “Ghwashoadeweey ng'ashaanjagi. Shaayda halanjeadaang'u indeawi sean ak gilakkiisi fuga barbari, ak gaynyasa gheaseeda aba humng'eeda, ak guwuni eanni geeshteanyu.”

Lukka 19:41

Iiduw nea gwaneekkiit mujiini ak ghwadaa goyyeawussa,

Lukka 9:23

Ak gwayeeshsha buneasean, “Siida wassean iigasa gweadu geeshteanyu, ea ada gwasamsa geaw, ak gageanu behiidaannyi ghwasar galagasean ak gweadu geeshteanyu.

Yohaana 12:26

Siida jea gwasinnean gadiyeeda geaghus gweadu geeshtteanyu; ak abeeda heeda eandi aniini eara soomjeadeanyu gaygwanda eara niny; siida jea gwasinnean gadiyeeda abeeda gaygwasissa Bwaabwa mureeda.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahhang'waanya jeesingeagwa, aba gideaba aniini najoarji ng'eanyiida.”

Gadiyeeda Giijasoodiga 2:45

inyeessa gaba nishayda haleanjeedannyi mideawa ak gwalakkiisa geat ak gaba siisi siittaw gidaga.

2 Goriinto 12:15

Nea aba gideahoosandi aniini iyeagadiyeatti nea gegadiyeettanean, appadahuukka guroruunatkeagwa. Asi iyaabwariinyeegwa muuchchi, abeeda gajeabwariinyan gilimwanang'i?

2 Dimoteo 3:12

Huumwa gil siida wassean iigasa giibinda ea baditta Gristo Yeesu gayghwanyas sawanadeeda.

Ebraniya 10:34

Aba gideaba nondeawi baydeayda appadahuukka fuga mida ghealooniga, ak ghoamwaschi nea gohoosannyi aba gireetta haleanjeedeang'wa, nea ghoanalli gideaba agooga gondeawi haleanjeeda miyaas jea ghwashng'u.

Yakkobo 2:10

Nea siida wassean iyang'ng'waay deaweedajeega sean amaduw gwaruusa ng'asheanjagi nidiiy appadahuukkeaba sean.

Giidaheechta 2:14

Ak geandeawi ng'asheesu ng'ay appadaydaang'u: gideaba gindeawi fiisu ng'ay aba hoowa aat geeshta ginealshooda Balaamu, niny ghayi ghoanaal Balakki ak gwaruusa balloojiga Israeeli ak ghwanung' ghwaak hamichchoojiga siyaat lukghumajeega siittaw haleanjeeda mawosa Aseetta ea biissa mealuleega.

Giidaheechta 2:20

Ak geandeawi ng'ashaan appadaydaang'u, bea gideaba ang'iing'i gimilikghti gatmoodida suguura Yesebeeliin, guura geaw sibaneeda ak ghoareatta soomjoogeasu ak ghoanaal mealuuleega nea ghwaak haleanjeeda siyaat lukdhumajeega siittaw gidamawosa Aseettean.

Giidaheechta 2:4

Ak geandeawi ng'ashaan appadaydaang'u, bea gideaba ninung'wi heeda bariinyeegaagu bea mwadi.