Marko 1:21 - NEAJEEDA EESH BEA BUUNEESSEAN

²¹ Ghwahitta Yeesu ea ginealangaaschi mujiineeni suguura Gapernaumu. Hean hitta eaweetta sabatto gawa Yeesu jeeda ghooriida fuga Yahuudi sinnealshachcheewa ak ghoang'eat ginealshooda.

Bibliyeeda Ghaydit

²¹ Ghwahita Yesu ea ginealangaaschi mujiineeda Gapernaumu. Hean hita eaweeda sabaato gawa Yesu jeeda ghooriida siinealshacheewa ak ghoang'eat giinealshooda.

Marko 1:21 Mawu Ofanana

Mattayo 4:13

ghabeawa Nasareetti ak gawa goobiida Gapernaumu mida ghuutta basooda, mida ng'eanyiida Sablon ea Naftaali,

Mattayo 4:23

Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Marko 1:20

Deagheatta gaguursa Yeesu ak gwayeeshsha, oyeanni geeshteanyu, Ghwanung'wa heeda ghweanda nyaawa was Sebedaayo sea fuga gadiyeeda jeeda maleambooda ak ghwaat geeshta Yeesu.

Marko 1:29

Deagheatta gwaritteawa Yeesu jeeda ghooriida sinnealshachcheewa ak gawa nea godeayi Yakkobo ea Yohaana ea gaweay jeeda gheeda geaba Simon bea Andereya

Marko 1:33

Gabassa geat Fuga sean bea mujiineetta madeeda gheeda.

Marko 1:39

Iiduw gawa gwaneayeewa jeeda ng'eanyida Galilaaya sean nea gwarukkwiida ng'asheega aba ghoorajeega nyaawa sinnealshachcheewa sean nea ghahoan meangeenda.

Marko 10:1

Hean ghabeawa Yeesu hoowa ak gawa ea gawa ng'eanyiida Yudeeya, ea ghwahitta gigheawda eenda suguura Yordaan. Goreemsa emeetuw headaannyi gichcha. Hean gabiissa goneali buuneeda ng'asheega gichcha gawuurji gideasuju sina.

Marko 2:1

Iing'atta eawoojusu ng'ay gabiikta Yeesu ng'eanyiida Gapernaumu ak gabay ghwanyas Buuneeda iitta gideaba gwanda ghoah.

Marko 3:1

Iiduw gabiikta Yeesu hoowa bea jeeda ghoriida sinnealshachcheewa nea abeeda gwanda hoowa siida aptu geattinda.

Marko 6:2

Muchchu nea eaweeda mideewa sabatto gil, gawa jeeda ghoriida fuga Yahuudi sinnealshachcheewa gonealshi. Ghahamng'eanyi fuga saang'a aleeysiit nea gwayeena, “Assiisi ghwanyasa yeenu ng'asheesu? Ea bareaynadi bea uhuudean. Ak gwasindaan deamdeamanga sina

Lukka 10:15

Nea ang'iing'i Gapernaumu, gigaasayi adiing'da geaw ea hiitta humng'eeda? Gajeahiing'daneay ea hitta uutta ng'eanyiida.”

Lukka 13:10

Hean eaweechcha nea gonealshi aba jeeda ghoriida sinnealshachcheewa eaweeda sabatto.

Lukka 4:16

Iiduw ghwahidu Nasareetti, heeda ghayi hissiina heeda, ak gawa jeeda ghooriida sinnealshachcheewa, gawuurji gideajusu bea geallaan, aba eaweeda sabatto. Ghamiinaada ak ghoassoamwa;

Lukka 4:23

Gwayeeshsha saawa, “Geasikteawi gideaba gajoorukuneani ghwasildeanga gideaba, ‘Bwanamwagaanga, ahaabwa geaw'; ng'asheega siyiinyi ghayi isni aba Gapernaumu, sina earaba ng'eanyiidaang'u.’”

Gadiyeeda Giijasoodiga 17:2

Hean gawa Baulo jeeda ghooriida, gawuurji gideabeawoojusu bea geallaan, ak gwasheang'dooschi sea buuneeda aba ng'asheega Ng'ooruutka Ghaydit eawooji diktam ea agi;

Gadiyeeda Giijasoodiga 18:4

Inyeessa eaweeda Sabatto, gawa jeeda ghooriida sinnealshachcheewa ak gabalool nea ghaghurghur fuga Yahuudi ea gea Yunaani.