Lukka 2:9 - NEAJEEDA EESH BEA BUUNEESSEAN

⁹ Gabussa saawa Malaykajeanda Ng'uttamiida, ak ghoabwaay murdajeega nyaawa sean gigheambiitta Ng'uttamiida, ak ghang'ut muuwda.

Bibliyeeda Ghaydit

⁹ Gabussa saawa Malaykajeanda Ng'utamiida, ak ghoabwaay murdajeega nyaawa sean giigheambiita Ng'utamiida, ak ghang'ut muuwda.

Lukka 2:9 Mawu Ofanana

Mattayo 1:20

Iiduw nea gudugoottemsheesa ng'asheanji ghwahidu headaannyi Malaykajeanda Ng'uttamiida aba jeeda girgweatka ak gwayeeshsha, “Yoseefu, balleanda Dawdi, adibeali ea nung'waada gheenda Mariya ghoaw gatmoadang'u, aba gideaba gweayumeani iittaannyiin ghwanyas aba uurda Gurorooda Ghaydit.

Lukka 1:28

Ghwahidu headaannyi ak gwayeeshsha, “Seayuu ang'iing'eeda siittaw dagheerjeandumeeda ang'iing'i gindeayi sea Ng'uttamiida!”

Lukka 2:8

Nea aba damandida abeeda gwanda ng'eanyiitta Jeagiischoodiga fur gisilga nyaawa eawa.

Lukka 24:4

Damani duuw ghahamwang'eanyi aba ng'asheanjiin, hean ghamiinaada fii iyyeenya aba murdeannyaawa nea gookwa hang'weakka meang'meang'i;

Yohaana 12:41

Isaaya gwargu ng'asheesu aba gideaba nidaa gigheambiittaannyi, ak ghoaw girrukuna iittaannyi.

Gadiyeeda Giijasoodiga 12:7

asi ng'ulla, ghwahidu malaykajeanda Ng'uttamiida, ak ghoabwaay weeshinda jeeda ghooriida mida fuga ghealooniga; ak ghwasat hamarjeeda Betro nea gwayeeshsha, “Lamwaja ng'eada.” Ghoabitbit munyaloalajeega gwachchi mida geattingaaschi.

Gadiyeeda Giijasoodiga 27:23

Aba gideaba ghoossa eawa gwahisseani malaykajeanda Aseetta eabeayi nea geabadayi, ghwahidu ak gwayi,

Gadiyeeda Giijasoodiga 5:19

Iiduw eawa ghwahidu malaykajeanda Ng'uttamiida ak goottin gidaghuutta gheeda ghealooniga; ak goruutta jarooda ak gwayeeshsha,

2 Goriinto 3:18

Hean aseasa eesasean, aba gheamamda meedukuta, ng'ulla gigheambiitta Ng'uttamiida, siyam gawuurji sea niny ghang'eada gigheambiitta ea gagul gigheambiitta; aba gideaba ng'asheanji gwaleabu heeda Ng'uttamiida was Gurorooda.

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

Ebraniya 12:21

Huumwa, nea hoowa ghang'uda fii muuwda nea heeda ayi Muusa, “Aniini ghaabwaadannyi aba muuwda.”

Giidaheechta 18:1

Iing'atta suu ghaadaayi malaykajeanda nuut nea ghwararang'aana humng'eeda, nea gwandeawa gheambalmeeda haw; ak ghoabwaay ng'eanyiida gigheambiittaannyi.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaannyi gamng'aw ng'eanyiida ea humng'eeda, ak ea meadaaha heeda jea goobiida.