Lukka 17:2 - NEAJEEDA EESH BEA BUUNEESSEAN

² Gwachchi gayghang'wana siisi geerassa gheatta lagheaneeda sing'ealliida ak geejaksa jeeda basooda, mayghwasam gideaba gayghwanung' goodiiy siyagi aba jeedeaba suu manang'iin.

Bibliyeeda Ghaydit

² Gwachi gayghang'wana siisi geerasa gheata lagheaneeda sing'ealiida ak geejaksa jeeda basooda, mayghwasam gideaba gayghwanung' goodiiy siyagi aba jeedeaba suh manang'iin.

Lukka 17:2 Mawu Ofanana

Mattayo 17:27

Ama abeeda iimajeannyareasa, guwi jeeda basooda ak giibuutti sidageeda ghwaraja ghaang' siing'ng'oonnya ghweayeega ak gigeanu ghweayeanda madeeda jea eang'ng'waay ak giijaadi ghuutta, ak gaynyasana shekkeli; gigeanu ak giidawi heedeanyu ea headaang'u.”

Mattayo 18:10

Ang'ulla! Adiiduw goofoolli earagi aba jeedeaba suu manang'iin, asi geayeeshshineegwa aba humng'eeda malaykajeega nyaawa iissa gang'ula galeegasean gheamamda Bwaabwa mida humng'eeda. [

Mattayo 18:14

Aso nii mii gidagassida Ghweandeang'wa mida humng'eeda gideaba gayghwaroat jeabwagi aba jeedeaba suu manang'iin.

Mattayo 26:24

Balleanda siida gaygawa, gawuurji gidaghayi sing'oorsiinda, amaduw eadashageada siidida jea ghwala bwadaw Balleanda Siidean! Siisi ghang'wana gwachchi ea meeji.”

Marko 9:42

“Siida wassean jea ghwanung' ghwaramwasta siyagi aba jeedeaba fiisu manang'i mwasaniin ak ghwanung' gwasin ring'eeda, siisi abeeda ghang'wana gegeanu lagheaneeda haw bea ng'ealdeayda ak geerassa gheattannyi ama hit geejaksa jeeda basooda.

Yohaana 21:15

Iing'atta nea nijaat ghuusiga ghoanyaash Yeesu Simon Betro nea gwayeeshsha, “Simon, balleanda Yohaana, gibwarinyaan ea laabwana hoowa orjoosu?” Gwayeeshsha niny, “Eah, Ng'uttamiida; ginali gideaba aniini ghaabwariinyeay.” Gwayeeshsha, “Ahaaghwana gisilgeasu.”

1 Goriinto 9:15

Amaduu aniini ghanyea mii dasin aaragi aba ng'asheesu doabiiwiin, ak amwang'waari aba gideaba geagasayi danyas haleanjeani. Aba gideaba ghang'wana ghaameayi mwasamwa gideaba gayghaweedanaan siida ghwaroodeanyu bea geaw.

1 Goriinto 9:22

Aba heeda fuga ng'arng'ari iissa geawoschi ng'arng'ar, ak abeeda ghaanyaschi fuga ng'arng'ari. Geandi damannyoojiga sean aba heeda buuneessean, ak abeeda aba naweadinga sean ghaanyaschi gichchea dalealdeayda buuneeda.