Giidaheechta 9:21 - NEAJEEDA EESH BEA BUUNEESSEAN

²¹ ak ea maduukkuuna nuusta nyaawa bea buuneeda, ghana beeneetkuumeeda nyaawa, ghana munyasnachcheekka nyaawa ghana gwadishta nyaawa.

Bibliyeeda Ghaydit

²¹ ak ea maduukuuna nuusta nyaawa bea buuneeda, ghana beeneetkuumeeda nyaawa, ghana munyasnacheeka nyaawa ghana gwadishta nyaawa.

Giidaheechta 9:21 Mawu Ofanana

Mattayo 15:19

Aba gideaba jeeda gurorooda gwarittuuna gittemshajeega munyas, nuusta siida, mealuleega, hiseadayeandumeeda, mareanghumeeda, muuwunooda ng'uyeega, ea beeshta siida.

2 Goriinto 12:21

Aniini ghaawalli gideaba gajiiduw iyaawunnyi gichcha gayghwahiing'naan Aseetteanyu aba madeedeang'wa, ak abeeda geagiisannyi appadahuukka fuga saang'a ghayi sin ring'eeda ammwadiin ak ea mii gwaduukkuuna munyinda, ea munyinda, ea hiseadayeandumeeda ghayi sineadayyi.

Galattiya 5:20

mealuuleega, benetkweandumeeda, furjeeda, jaliida, geawunda gheangda, nyarasta, shidoodeaba ghaang', dardeayda, nabitta ng'uyyeega,

Giidaheechta 13:13

Ak gwasin gwadeagwajeega hees, nea iissa ghwanung' ghwararang'aana beasta humng'eeda ak ghwahidu ng'eanyi madeeda buneeeda;

Giidaheechta 13:15

ak geanung' gaguusa jeammeeda gidida uurji diyeaydean ak abeeda ghoammu gidida uurji diyeaydean gabalool, ak ghwanung' ealajaada gheatkweakka fuga mwaghadoawana gitta uurji diyeaydean.

Giidaheechta 13:7

Ak geesiksa gang'uchi sea fuga ghaydidi ak ghwajoar. Ak geattaw gheambalmeeda appadayda gilinyoo ea emoochean gil ea buuneeda ea iitta ea emoojiga,

Giidaheechta 14:8

Gweadu geeshta malaykajeanda nuut bea iyyeenya, nea gwayi, “Niibeadi, Niibeadi Babeleeda haw, aba gideaba ginung' ghwali emoojiga sean difaayeeda gitta igasayi muyiin.”

Giidaheechta 16:6

Aba gideaba buuneeda niihiida foojeanda fuga ghaydidi ea gea Sibanga, ak anidawi saawa foojeanda ghwali. Ak ea gidamiisa!”

Giidaheechta 17:2

nea nihiseada sea sugoodiga badayda ng'eanyiida, ak gea mida badayda ng'eanyiida ea niboogit aba difaayeeda hiseadayeandumeadaannyi.”

Giidaheechta 17:4

Ak gatmoodida ea niikwa hang'da oomu ea dea areara, nea siittaamdaamwa lagheanga meeng'meeng'i ea gea haw sheayeat ea sageekka, ak gwanda geattindaannyi bayookta mida lagheanga meeng'meeng'i biissa ghwanyiit ng'asheega munyas ea ririnyeanda hiseadayeandumeadaannyi;

Giidaheechta 17:5

ak gheamamdaannyi geeng'oorsa gheawunga makcheameeda, “Babelooneeda haw, gheamatta fuga hiseada bea ng'asheega munyas bea ng'eanyiida.”

Giidaheechta 18:3

aba gideaba emoojiga sean nili difaayeeda ng'asheagaaschi munyas gaseadayyi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oochcheandumeeda aba uurda hiseadayeandumeadaannyi.”

Giidaheechta 19:2

aba gideaba girgweageadaannyi dea huumwa gil nea doabiiwaat; aba gideaba nirgweaksa hiseadaydida hawiin ghayi datas ng'eanyiida aba hiseadayeandumeandaannyiin, ak ea niwalda appadaydaannyi foojeanda soomjoogaaschi.”

Giidaheechta 21:8

Ak gea giyoonnyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani gida mawosa aseetta, ea gea naba ng'uyyeega sean, heennyaawa jeeda basooda yeada beasta gil ea giikkayda, nea nii ea miyeedeaba iyyeenya.”

Giidaheechta 22:15

Hoowa bea jaroodean gwanda gudajeega ea beneediga ea fuga hiseada ea fuga nuusa buuneeda ea fuga ghadoawani gidamwawosa aseetta, ea gilinyoo ghabwariiy ng'uyyeega nea gwasin.

Giidaheechta 9:20

Nea buuneeda mwaatukwa, mwabwara dawni, ghanyea maduukkuunana aba gadiyoojiga nyaawa sin aba geattinga nyaawa ghana ghwanung'waada ghadoowanda meangeenda ea haleanjeeda mawosa Aseetta sisna lagheanga meang'meang'i ea shiliingajeega ea lagheanga areeri ea lagheaneeda ea geetta, nyooea moammu ghoang'wearda ghana ghwayiiy ghana gaweelweel;